1 Samuel 23:1 - Bible in Tzeltal Bachajón

¹ Hich halbot te David: Te filisteohetic yac ta ya'beyel guerra te Keila soc yac yelc'ambelic te trigo ta sq'uiyojibal yu'unic, xchi.

Bible in Tzeltal de Oxchuc y Tenejapa

¹ Te filisteoetic la yac'beyic guerra te lum Keila, la yelc'anic te trigo loq'uel to spat yu'unique. Te c'alal la yalbeyic yaiy te David,

1 Samuel 23:1 ပူးပေါင်းရင်းမြစ်များ

Daniel 2:35

La yich'ic wuyticlanel te hierro, chic'bil lum, bronce, plata soc te oro, hich c'oht te bin ut'il suhlil trigo ta swuyojibal ta yorahil snahtil c'ahc'al, jc'axel lichot bahel ta ic', mayuc bin chican hilel. Pero te ton te la smaj te loc'omba c'atp'uj ta muc'ul wits te la snojes spisil te bahlumilale.

Levítico 26:16

hich me ya jpasbeyex ta atojolic: ya jticombeyex tal ta atojolic tulan xiwel, tulan chamel soc c'ahc' te ya sjin sitil soc te ya yac' pich'il-o'tanil. Tojol yac awa'iyic ts'umbajel, yu'un ha ya swe'ic te acontrahique.

Miqueas 6:15

Yac awa'iy ts'umbajel, pero ma ba yac atsobe sit; yac apits' olivahetic, pero ma ba yac atuhumbe te aceite yu'une; yac apits' ta teq'uel te ts'usub, pero ma ba yac awuch'be te ya'lele.

Deuteronomio 28:33

Te sit ats'unub-awawal ta aq'uinal soc spisil te bintic yac ata ta scuenta awa'tel, ha ya swe'ic te mach'atic ma xana'be sba; ayat ta uts'inel soc jimbil ya xc'ohat spisil ora.

Deuteronomio 28:51

Ya me swe'bat te yalatac achanabahlam soc te sit ats'unub-awawal ta aq'uinal, ha to c'alal ya xch'ayat bahel. Ma ba ya yihquitaybat hilel trigo o vino, aceite, o te yalatac wacaxetic, tuminchijetic o tentsunetic awu'un, ha to c'alal ya slajinat.

Josué 15:44

Keila, Aczib soc Maresa; baluneb pueblohetic soc te tut pueblohetic yu'unique.

Jueces 6:11

Hich te ch'ul a'bat yu'un Jehová tal shuhcan sba ta ye'tal jihte' te ay ta Ofra, te ha yu'un Joás te abiezer-winic. Te Gedeón, ha te snich'an, yac ta smajel trigo ta sp'e'ojibal ts'usub scuenta yu'un ya snac' sba ta stojol te madianetique.

Jueces 6:4

La spas scampamentohic ta stojol te israeletic soc la slajimbeyic sit sts'unub-yawalic c'alal ta Gaza. Mayuc we'elil hil yu'unic ta Israel, o tuminchijetic, wacaxetic o burrohetic.