1 Samuel 22:7 - Bible in Tzeltal Bachajón

⁷ Te Saúl hich la yalbe te a'batetic joytaybil yu'un: A'iya awa'iyic snich'nab Benjamín, te snich'an Isaí ¿ya bal ya'beyex aq'uinalic soc ats'usubilic, soc ya bal yotsesex ta jtsobaw yu'un jmil ta tuhl soc yu'un ho'winic (100) ta tuhl soldadohetic?

Bible in Tzeltal de Oxchuc y Tenejapa

⁷ Ja' yu'un la yalbey te mach'atic joytabil yu'une: —Sts'umbalex Benjamín, aiybon awaiyic jc'op: ¿Yu'un bal ya acuyic te apisilic ya yac'beyex aq'uinalic soc ats'usubilic te snich'an Isaí, soc ya bal acuy te ya yac'beyex awat'elic ta jtsobwanej yu'un te soldadoetic yu'une? Ta apisilic acomon-pajoj awo'tanic acontroinbelonic soc,

1 Samuel 22:7 ပူးပေါင်းရင်းမြစ်များ

2 Samuel 18:1

Te David la stsob te soldadohetic yu'un, la yac' jtsobawetic ta jujumil (1,000) soc ho'ho'winic (100) ta tuhl.

2 Samuel 20:1

Ay jtuhl chopol winic tey a, Seba sbihil, snich'an Bicri, sts'umbal Benjamín, te la yoq'uesin xulubil soc hich la yal: Mayuc bin ay cu'untic ta stojol David, mayuc bin quich'ojtic yu'un te snich'an Isaí. ¡Ta jujutuhl bahan ta anahic, Israel! xchi.

1 Reyes 12:16

Te c'alal la yilic spisil te pueblo Israel te ma ba ich'otic ta cuenta yu'un te ajwalil, hich la yalbeyic: ¿Bin cocheltic a te David? Mayuc bin ay cu'untic ta scuenta te snich'an Isaí. ¡Bahanic ta anahic, Israel! ¡Cuentahina ana atuquel, David! xchihic. Hich bahtic ta snahic te Israel.

1 Crónicas 12:16

Soc ay sts'umbal Benjamín soc sts'umbal Judá te talic ta stojol David ta ahnibal.

Isaías 11:1

Ya xloc' tal spuhl ta schumante'el Isaí; ta slohp' ya xt'ohm loq'uel tal spuhl te ya yac' sit.

Isaías 11:10

Ta hich ora, te slohp' te Isaí ha bandera ya xc'oht yu'un te pueblohetic; ya xlehot yu'un te ants-winiquetic, soc bayel me yutsil te banti ya xnahine.

1 Samuel 18:14

Lec c'oht spisil te bintic la spas, como joquimbil yu'un te Jehová.

1 Samuel 20:27

Pero ta schebal c'ahc'al te q'uin yu'un yach'il u, ha nix hich jochol hil te shuctajib David. Te Saúl la sjoc'obe te Jonatán te snich'an: ¿Bin yu'un ma ba tal ta we'el wojey soc yo'tic te snich'an Isaí? xchi.

1 Samuel 20:30

Hich hahch yilimba Saúl ta stojol Jonatán, hich la yalbe: Yalat chopol toyba-ants. ¿Yu'un bal ma ba jna'oj te jun awo'tan aba soc te snich'an Isaí te q'uexlaltic sba ta atojol soc ta stojol anan?

1 Samuel 22:13

Hich joc'obot yu'un te Saúl: ¿Bin yu'un te la achap ac'op soc te snich'an Isaí yu'un yac acontrahinonic? La awa'be pan soc espada, soc ay bin la ajoc'obe Dios ta scuenta, yu'un ya xhahch scontrahinon soc ya smacliyon, hich te bin ut'il yac ta spasel ta ora ini, xchi.

1 Samuel 22:9

Ha yu'un te Doeg te edom-winic, te ay ta yohlilic te a'batetic yu'un Saúl, hich la yal: La jquil te snich'an Isaí te tal ta Nob ta stojol te Ahimelec te snich'an Ahitob.

1 Samuel 25:10

Pero te Nabal hich la sjac'be sc'opic: ¿Mach'a a te David, mach'a a te snich'an Isaí? Yo'tic ayix bayel a'batetic te yacalic ta ahnel ta stojol te yajwalique.