1 Samuel 22:3 - Bible in Tzeltal Bachajón

³ Loc' bahel tey a te David, baht ta Mizpa ta sq'uinal Moab, hich c'oht yalbe te ajwalil yu'un Moab: Ya calbat wocol te yacuc sjoquinex hilel te jme'jtat ha to ya jna' te bin ya spasbon te Diose, xchi.

Bible in Tzeltal de Oxchuc y Tenejapa

³ Jajch' bael tey a te David, bajt' ta Mizpa ta sq'uinal Moab. Jich c'o yalbey te muc' ajwalil yu'un Moab: —Ya calbat wocol, ayuc bit'il ya awic'bon jilel ta atojolic te jtat soc te jme'e, ja' to ya quil te bila ya spas mandal ta jtojol te Diose —xi'.

1 Samuel 22:3 ပူးပေါင်းရင်းမြစ်များ

Génesis 47:11

Hich te José la yac' nahinuc te stat soc te sbanquiltac ta banti ay te mero lequil q'uinal ta Egipto, ha te q'uinal ta Ramesés, hich te bin ut'il la yal ta mandar te faraón.

2 Samuel 8:2

Soc la stsal te moabetic. La ya'be slim sbahic ta lum, la sp'is ta lazo. La sp'is cha'p'is yu'un ya yac' ta milel, soc jp'is yu'un cuxul ya xhilic. Hich a'batetic c'oht yu'un David te moabetic, soc la stoj spatanic ta stojol.

Éxodo 20:12

Ich'a ta muc' atat soc anan, scuenta yu'un naht ya xc'oht aworahil ta q'uinal te ya ya'bat te Jehová te Dios awu'une.

1 Timoteo 5:4

Yan teme ay yalatac o teme ay yil-alatac te me'ba' antse, ha nahil ac'a snopic sc'uxultayel te mach'atic ay yu'unic soc ac'a ya'beyic bin ya xtuhun yu'un te sme'static, como ha lec soc ha lec yo'tan Dios yu'un.

Jueces 11:29

Hich te Jefté u'untayot yu'un te espíritu yu'un Jehová, hich c'ax bahel ta Galaad soc ta Manasés, soc c'ax xan bahel ta Mizpa te ay ta Galaad, baht ta stojol te amonetique.

Rut 4:10

Soc ha nix hich ya quic' quihnamin te Rut te moab-ants, te yihnam Mahlón, scuenta yu'un ya jcha'hachbe sbihil ta sq'uinal te chawinic, yu'un ma ba ya xch'ay sbihil ta yohlil te yermanotac o ta pueblo yu'une. Ha'ex testigohex yo'tic, xchi.

Rut 4:17

Te antsetic te ha spat-xuhc hich la yalic: ¡Ayinix squerem-al te Noemí! xchihic. La ya'beyic sbihil Obed. Ha stat te Isaí, te ha stat te David.

1 Samuel 14:47

Te c'alal ochemix ta ajwalil yu'un Israel a te Saúl, la ya'be guerra spisil te scontra ta sjoyobal: ha te Moab, te snich'nab Amón, Edom, te ajwaliletic yu'un Soba soc te filisteohetique. Ta bayuc ya xbaht, ha ya ya'iy tsalaw.

1 Samuel 22:2

Soc talic ta joquinel yu'un te mach'atic ay swocolic, te mach'atic ay sbetic, soc spisil te mach'atic pich'il yo'tanic, ha jtsobaw c'oht yu'unic te David. Ay wan jbahc' ta tuhl (400) winiquetic la sjoquin.

1 Samuel 22:4

Hich la yic'ticlan tal ta stojol te ajwalil yu'un Moab te sme'stat, tey ayinic soc a te jayeb c'ahc'al halaj ta ahnibal te David.

1 Samuel 3:18

Ha yu'un te Samuel la yalbe ya'iy spisil te bintic halbot, mayuc bin la smuc ta yo'tan. La yal te Elí: Ha Jehová stuquel; ac'a spas te bin lec ya ya'iy, xchi.