1 Samuel 22:2 - Bible in Tzeltal Bachajón

² Soc talic ta joquinel yu'un te mach'atic ay swocolic, te mach'atic ay sbetic, soc spisil te mach'atic pich'il yo'tanic, ha jtsobaw c'oht yu'unic te David. Ay wan jbahc' ta tuhl (400) winiquetic la sjoquin.

Bible in Tzeltal de Oxchuc y Tenejapa

² Soc bajt'ic te mach'atic c'ux obol sbaic, te mach'atic ay sbetic, soc te mach'atic ma lecuc yo'tanic ta stojol Saúl, ja' jtsobwanej c'ot yu'unic te David. Ta spisil te jayeb la stsob te David, ay wan jbajc' ta jtul (400) ta spisilic te winiquetique.

1 Samuel 22:2 ပူးပေါင်းရင်းမြစ်များ

2 Samuel 17:8

Soc la yal xan te Husai: Ha'at ana'oj te ma xiwic te atat soc te winiquetic yu'un, soc hahchem slab yo'tanic hich te bin ut'il me' oso te yich'oj pojbeyel yalatac. Soc te atat mero ya sna' yaq'uel guerra, ma ba ya sjoquin ta ahc'abal te pueblo.

2 Samuel 5:2

Ta nahilal, te c'alal ay ta ajwalil cu'untic a te Saúl, ha'at la aloq'ues ta guerra te Israel soc la awic' suhtel tal. Soc hich yalbeyejat te Jehová: Ha'at yac acanantaybon soc ha'at príncipal ya xc'ohat yu'un te pueblo Israel cu'un, xchi.

2 Reyes 20:5

Suhtan bahel, halbeya te Ezequías te príncipal yu'un te pueblo cu'un: Hich ya yal te Jehová te Dios yu'un David te namey tatil awu'un: La jca'iybatix ac'op soc la jquilbatix te ya'lel asit; ya jlecubtesat. Li' ta oxeb c'ahc'al ya xmohat bahel ta sna Jehová.

2 Reyes 4:1

Ay jtuhl me'ba' ants te ha yihnam jtuhl winic yu'un te jchahp jalwanejetic, hich la yalbe wocol te Eliseo: Te a'bat awu'un, ha te jmamalal, chamix; ana'oj te xi'oj te Jehová. Yo'tic talix te jc'an-betil yu'un ya yic'bon bahel smosohin te cheb calatac, xchi.

Proverbios 31:6

A'beya yuch' bin pajubtesbil te mach'a chamelix, a'beya vino te mach'a pich'il yo'tan;

San Mateo 11:12

C'alal ta yorahil te Juan te J'ac'-ich'-ha' yalel c'alal ora, bayel ya yich' uts'inel te cuentahinel yu'un te ch'ulchan, soc te j'uts'inwanejetic ya sc'an ya stsaquic ta fuersa.

San Mateo 11:28

La'ic ta jtojol apisilic te luhbunex soc te ay awihcatsic, ho'on ya ca'beyex acux awo'tanic.

Hebreos 2:10

Te Dios te spasoj soc te scuentahinej spisil bintic ay, ha stojil te la yac' te ts'acal c'oht ta scuenta swocol te mach'a la swehtesbe scolelic, te hich ya xhu' ya yic' bahel ta utsilal tsobol al-nich'anetic.

Jueces 11:3

Ha yu'un te Jefté loc' ta ahnel ta stojol te yermanotac, baht ta nahinel ta sq'uinal Tob, te banti la stsob chopol winiquetic te loq'uic bahel soque.

Jueces 18:25

Te snich'nab Dan hich la sjaq'uic: Ma x'awonat ta jpatcotic, ay wan c'ahc'al winiquetic te ya xtal tsacat, hich ya xlaj acuxlejal soc scuxlejalic te mach'atic ay awu'un, la yutic.

1 Samuel 1:10

Te Ana, soc bayel smel-o'tan la sc'opon te Jehová, soc bayel oc'.

1 Samuel 22:3

Loc' bahel tey a te David, baht ta Mizpa ta sq'uinal Moab, hich c'oht yalbe te ajwalil yu'un Moab: Ya calbat wocol te yacuc sjoquinex hilel te jme'jtat ha to ya jna' te bin ya spasbon te Diose, xchi.

1 Samuel 23:13

Ha yu'un te David loc' bahel ta Keila soc te lajunwinic scha'bahc' (600) winiquetic yu'un, xmelmonic bahel ta yantic lugaretic. C'alal la ya'iy te Saúl te loq'uix bahel ta ahnel ta Keila te David, ma ba bahtix tey a.

1 Samuel 25:13

Te David hich la yalbe te swinictac: Chuca ta ach'uhtic te espada awu'unic, xchi. Hich jujutuhl la schuc ta sch'uhtic te espada yu'unic, ha nix hich la spas te David. Ay wan jbahc' (400) ta tuhl winiquetic te la sjoquinic bahel te David, lajunwinic (200) ta tuhl hilic ta scanantayel te biluquetic yu'unique.

1 Samuel 30:6

Ay swocol yu'un mel-o'tan te David, como te winiquetic la yalic sch'ojel ta ton, como ta spisil te winiquetic pich'il yo'tanic ta scaj te ach'ix queremetic yu'unique. Pero te David la sta yip yo'tan ta stojol Jehová te Dios yu'une.

1 Samuel 9:16

Ta hichilan ora pajel ya jticombat tal jtuhl winic talem ta sq'uinal Benjamín, ha te mach'a yac amalbe aceite scuenta jcuentahinwanej ya xc'oht yu'un te jpueblo Israel. Ha me ya scoltay loq'uel ta sc'ab filisteohetic te pueblo cu'une; yu'un la jquilbeyix swocol te pueblo cu'un, c'ohtix ta jtojol te awetic yu'unique, xchi.