1 Samuel 22:19 - Bible in Tzeltal Bachajón

¹⁹ Soc te Saúl la smilticlan ta espada te mach'atic ayic ta Nob, ha te pueblo yu'un te sacerdotehetic: ha winiquetic, antsetic, alaletic soc tut alaletic te chu'ic to, soc wacaxetic, burrohetic soc tuminchijetic, spisil la smilticlan ta espada.

Bible in Tzeltal de Oxchuc y Tenejapa

¹⁹ Patil och bael ta Nob, te ja' lum yu'un te sacerdoteetique. C'o smil ta puñal spisil winiquetic, antsetic, alaletic soc mero ayinel to alaletic; soc la smil wacaxetic, burroetic soc chijetic.

1 Samuel 22:19 ပူးပေါင်းရင်းမြစ်များ

Nehemías 11:32

soc ta Anatot, Nob, Ananías,

Isaías 10:32

Yo'tic nix ya xquehchaj ta behel ta Nob, ya shach sc'ab ta scontrahinel te wits yu'un te yantsil-nich'an Sión, ta scontrahinel te wits yu'un Jerusalén.

Oseas 10:14

ya xhahch juyetel ta pueblohetic awu'un, soc ya xjihn spisil te ahnibal ts'ahquetic awu'une, hich te bin ut'il te Salmán la sjin te Bet-arbel ta yorahil guerra, te c'alal la yich'ic butsticlanel te naniletic soc te yalataque.

San Mateo 21:16

Hich la yalbeyic te Jesús: ¿Ya bal awa'iy te bin yac yalbelic te alaletic ini? xchihic. La jca'iy. ¿Ma bal ayuc awilojic ta hun: Ta ye alaletic soc chu'alaletic la awa'be yalic te bayel yutsil ac'oblal? xchi te Jesús.

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Josué 6:17

Parte me xawaq'uic scuenta lajel ta stojol Jehová te pueblo soc spisil bintic ay tey a; ha nax cuxul ya xhil te Rahab te j'antsinel-ants soc spisil te mach'atic sjoquinejic ta sna, como ha la snac' te jtsahtaywanejetic te ticombilic cu'untique.

Josué 6:21

La smilic ta espada spisil bintic ay ta pueblo: winiquetic, antsetic, alaletic soc me'el mamaletic, soc wacaxetic, tuminchijetic, tentsunetic soc burrohetic.

1 Samuel 15:3

Ha yu'un bahan, a'beya guerra te Amalec, jc'axel lajina spisil bintic ay yu'un, ma me xana'be yo'bolil sba; milticlana winiquetic, antsetic, alaletic soc tut alaletic te ya to xchu'unic, soc nix wacaxetic, tuminchijetic soc tentsunetic, camellohetic soc burrohetic, xchi.

1 Samuel 15:8

Cuxul la stsac te Agag ajwalil yu'un Amalec, pero la smil ta espada spisil te pueblo.

1 Samuel 15:9

Pero te Saúl soc te soldadohetic cuxul hil yu'unic te Agag soc te banti t'ujbilic tuminchijetic, wacaxetic, juhp'en wacaxetic soc tut tuminchijetic, spisil te bintic lec, ma ba la sc'anic te jc'axel la slajinic; ha nax jc'axel la slajinic te bintic ma lecuc soc te ma xtuhune.

1 Samuel 21:1

Te David baht ta Nob ta stojol te sacerdote Ahimelec. Te Ahimelec yac ta xiwel a loc' ta stahel, hich la yalbe: ¿Bin yu'un te atuquel talat, te mayuc mach'a sjoquinejat? xchi.

1 Samuel 22:11

Hich te ajwalil la sticon ta iq'uel tal te sacerdote Ahimelec te snich'an Ahitob soc spisil te mach'atic ay yu'un te stat, ha te sacerdotehetic te ayic ta Nob. Spisil talic ta stojol te ajwalil.

1 Samuel 22:9

Ha yu'un te Doeg te edom-winic, te ay ta yohlilic te a'batetic yu'un Saúl, hich la yal: La jquil te snich'an Isaí te tal ta Nob ta stojol te Ahimelec te snich'an Ahitob.