1 Samuel 22:17 - Bible in Tzeltal Bachajón

¹⁷ Hich te ajwalil la yalbe te jcananetic yu'un te ayic ta sts'ehl: Milahic te sacerdotehetic yu'un Jehová, yu'un ha nix hich jun yo'tanic soc David. Sna'ojic te yac ta ahnel ta jtojol, pero ma ba la yalbonic, xchi. Pero te a'batetic yu'un te ajwalil ma ba la sc'an la smilic te sacerdotehetic yu'un Jehová.

Bible in Tzeltal de Oxchuc y Tenejapa

¹⁷ Te muc' ajwalil ora la spas ta mandal te soldado-canantaywanejetic yu'une: —Milaic te sacerdoteetic yu'un Cajwaltique. Ja' nix jun yo'tanic soc David, sna'ojic te yac ta anel ta jtojol, pero ma ba la yalbonic caiy —xi'. Pero te jcanantaywanej-soldadoetic yu'un ma ba la yal sc'abic ta stojol te sacerdoteetic yu'un Cajwaltic.

1 Samuel 22:17 ပူးပေါင်းရင်းမြစ်များ

2 Samuel 15:1

Ta patil a ini, te Absalón la sta scarreta scuenta guerra soc cawuhetic soc lajuneb yoxwinic (50) winiquetic te ya xnahilijic bahel yu'un.

1 Reyes 1:5

Te Adonías yal Haguit, hich la yal: Ho'on ya x'ochon ta ajwalil, xchi. Ha yu'un la schahpan carretahetic, winiquetic te ya xmohic ta cawu, soc lajuneb yoxwinic (50) ta tuhl winiquetic te ya x'ahnimajic bahel ta stojol.

1 Reyes 14:27

Te ajwalil Roboam la spasbe scuenta sjelol mahquilaletic ta bronce, la ya'be te capitanetic yu'un te jcanantaywanej soldadohetic te ya scanantayic te yochibal te sna ajwalil.

1 Reyes 18:4

Como te c'alal te Jezabel hahch smilticlan te jalwanejetic yu'un Jehová, te Abdías la yic' bahel ho'winic (100) ta tuhl jalwanejetic, lajlajuneb yoxwinic (50) ta tuhl la snac'ticlan ta ch'en, soc la yac'ticlambe pan soc ha'.

2 Reyes 10:25

C'alal laj yo'tanic ta yaq'uel te scohtol chic'bil mahtanil, te Jehú la yalbe te jcananetic soc te capitanetic yu'un: ¡Ochanic, milticlanahic! ¡Ma me ayuc mach'a ya xcol bahel jtuhluc! xchi. Hich te jcananetic soc te capitanetic la smilticlanic ta espada soc la sch'ojticlanic loq'uel. Ochic bahel c'alal ta ch'ul awilal ta templo yu'un Baal,

Éxodo 1:17

Pero te jtam-alaletic la xi'ic te Diose, ma ba la spasic te bin pasotic ta mandar yu'un te ajwalil yu'un Egipto, la yac' cuxajuc te tut queremetique.

Hechos 4:19

Pero la sjaq'uic te Pedro soc Juan: Nopa awa'iyic teme ha toj ta pasel ta stojol Dios teme ya jch'uhuncotic spasel te bin yac awalic te ha'exe o teme ha ya jch'uhuncotic spasel bin ya yal te Diose,

1 Samuel 14:45

Pero te winiquetic la yalbeyic te Saúl: ¿Ya bal spas ya xlaj ta milel te Jonatán, te mach'a la ya'iy muc'ul tsalaw ta Israel? ¡Ma hichuc! ¡Yiloj Jehová! ma me xco ta lum jlihcuc stsotsel sjol, como ha la spas ini ta scuenta te coltayel yu'un te Diose, xchihic. Hich la scoltayic ta milel te Jonatán.

1 Samuel 2:31

Ya xtal yorahil te ya jlajimbat awip soc te yip te mach'atic yu'un atat, scuenta yu'un ma me ayuc mamal ya xhil ta ana.

1 Samuel 20:33

Ha yu'un te Saúl la syalbay ta lanza yu'un ya smil. Tey la sna' a te Jonatán te snopoj ta yo'tan te stat te ya smil te David.

1 Samuel 22:13

Hich joc'obot yu'un te Saúl: ¿Bin yu'un te la achap ac'op soc te snich'an Isaí yu'un yac acontrahinonic? La awa'be pan soc espada, soc ay bin la ajoc'obe Dios ta scuenta, yu'un ya xhahch scontrahinon soc ya smacliyon, hich te bin ut'il yac ta spasel ta ora ini, xchi.

1 Samuel 22:16

Pero la yal te ajwalil: Ya me xlajat, Ahimelec, soc spisil mach'atic ay yu'un te atate, xchi.

1 Samuel 25:17

Ha yu'un nopa awa'iy bin ya sc'an yac apas, como chapalix te ay bin chopol ya xc'oht ta stojol te cajwalcotic soc spisil te mach'atic ay yu'une. Como mero chopol winic, mayuc mach'a ya xhu' ya sc'opon, xchi.

1 Samuel 8:11

Hich la yal: Hich me ya spasbeyex te ajwalil te ya scuentahinex: ya yic'beyex aquerem-nich'nabic, ha ya ya'be scuentahinic te carretahetic yu'un soc ha jmohel ta cawuhetic ya xc'ohtic, soc ahnimal ya xnahilijic bahel yu'un te scarretahe.