1 Samuel 22:16 - Bible in Tzeltal Bachajón

¹⁶ Pero la yal te ajwalil: Ya me xlajat, Ahimelec, soc spisil mach'atic ay yu'un te atate, xchi.

Bible in Tzeltal de Oxchuc y Tenejapa

¹⁶ Pero te muc' ajwalil tulan la yalbey: —Ahimelec, na'a me ta lec te ya xlajat soc spisil te ats'umbale —xi'.

1 Samuel 22:16 ပူးပေါင်းရင်းမြစ်များ

1 Reyes 18:4

Como te c'alal te Jezabel hahch smilticlan te jalwanejetic yu'un Jehová, te Abdías la yic' bahel ho'winic (100) ta tuhl jalwanejetic, lajlajuneb yoxwinic (50) ta tuhl la snac'ticlan ta ch'en, soc la yac'ticlambe pan soc ha'.

1 Reyes 19:2

Te Jezabel la sticon ta halbeyel te Elías: Hich me ac'a spasbon te diosetic, soc c'ax to xan hich a, teme pajel ta hichilan ora ma hichuc ya jpasbat te bin ut'il la apasticlambe te jalwanejetic, la yut.

Ester 3:6

Ma tic'uc ya ya'iy a teme ya smil stuquel te Mardoqueo; te bin ut'il halbilix te banti slumal te Mardoqueo, te Amán la snop bin ut'il ya slajin spisil te judiohetic te ayic ta ban c'alal scuentahinej te Asuero.

Proverbios 28:15

Pajal soc choj te ya x'awon soc oso te ay swi'nal, hich ay te mach'a chopol yo'tan te ya scuentahin te pueblo te pobre aye.

Daniel 2:12

Ha yu'un te ajwalil soc sc'ahc'al yo'tan soc yilimba la yal mandar te ya yich'ic milel spisil te mach'atic ay sp'ijilic ta Babilonia.

Daniel 2:5

Te ajwalil hich la yalbe te mach'atic ay sp'ijilic: Hich jnopoj: Teme ma ba yac awalbonic te bin a te la jwayichtay soc teme ma ba yac awalbonic te bin ya sc'an ya yal, yac awich'ic sesenel soc busul ya xhil te anahique.

San Mateo 2:16

Te Herodes, c'alal la sna' te tse'layot yu'un te p'ijil winiquetic, bayel ilin yu'un, hich la sticon ta milel spisil te bic'tal alaletic ta Belén soc ta sjoyobal te ma to stahojic cheb ya'bilalic, hich te bin ut'il jayeb ha'bil halbot yu'un te p'ijil winiquetique.

Hechos 12:19

Te Herodes la yac' ta lehel pero ma ba la sta, hich la yich'ticlan ta c'op te jcanan-cárceletic, la yal mandar te ac'a yich'ic milel. Patil loc' bahel ta sq'uinal Judea te Herodes, hil ta Cesarea.

Deuteronomio 24:16

Te tatiletic ma me xlajic yu'un smul te al-nich'aniletic, soc te al-nich'aniletic ma me xlajic yu'un smul te tatiletique; jujutuhl ya xlaj yu'un te smule.

1 Samuel 14:44

La sjac' te Saúl: Hich me ac'a spasbon te Dios, soc c'ax to xan hich a, teme ma ba ya xlajat, Jonatán, xchi.

1 Samuel 20:31

Como te jayeb c'ahc'al cuxul ta bahlumilal te snich'an Isaí, mayuc awip yac ata soc ma ba ya x'ochat ta ajwalil. ¡Ticombon ta iq'uel tal, yu'un ya sc'an ya yich' milel! xchi.

1 Samuel 22:15

¿Yu'un bal shahchibal buelta te ay bin la joc'obe te Dios ta scuenta David? ¡Ma hichuc! Te ajwalil ma me ayuc bin ya ya'be smulin te ya'bat soc spisil te mach'atic ay yu'un te jtate; como te a'bat awu'un jxuht' mayuc bin ya sna' bin ut'il ay te c'op ini, xchi.

1 Samuel 22:17

Hich te ajwalil la yalbe te jcananetic yu'un te ayic ta sts'ehl: Milahic te sacerdotehetic yu'un Jehová, yu'un ha nix hich jun yo'tanic soc David. Sna'ojic te yac ta ahnel ta jtojol, pero ma ba la yalbonic, xchi. Pero te a'batetic yu'un te ajwalil ma ba la sc'an la smilic te sacerdotehetic yu'un Jehová.