1 Samuel 22:14 - Bible in Tzeltal Bachajón

¹⁴ Te Ahimelec la sjac'be sc'op te ajwalil: Ta spisil te a'batetic awu'un, ¿mach'a a te hich jun yo'tan ta atojol te bin ut'il te David, te ha nix snihal te ajwalil, te yich'oj ya'tel ta stojol soc te ich'bil ta cuenta ta ana?

Bible in Tzeltal de Oxchuc y Tenejapa

¹⁴ Te Ahimelec la sjac'bey te sc'op muc' ajwalil: —Ta spisil te jayeb jtsobwanej-soldadoetic awu'une, ¿mach'a yan pajal jun yo'tan ta atojol jich te bit'il te Davide? Soc xan ja' aniale, soc ja' swentainej te jcanantaywanej-soldadoetic awu'un, soc buen ich'bil ta muc' ta ana.

1 Samuel 22:14 ပူးပေါင်းရင်းမြစ်များ

1 Samuel 17:25

Hich ya yalic ta jujutuhl te mach'atic yu'un Israel: ¿La bal awilic te winic te loc' talel? Ya xloc' tal stijbe hahchel yo'tan te Israel. Te mach'a ya xhu' yu'un stsalele, ya x'a'bot bayel sc'ulejal yu'un te ajwalil soc ya x'a'bot te yantsil-nich'an, soc ma ba ya yac' spatan te mach'atic ay yu'un te stat ta Israel, xchihic.

1 Samuel 18:13

Ha yu'un te Saúl la sloq'ues bahel te David ta stojol, la yotses ta jtsobaw yu'un lajunwinic yoxbahc' (1,000) soldadohetic. Hich te David ya yic' bahel ta guerra soc ya yic' suhtel tal.

1 Samuel 18:27

loc' bahel te David soc te winiquetic yu'un, la smil lajunwinic (200) ta tuhl filisteohetic. La yich'be tal te snuhculel sjol sc'unil sbaq'uetal te filisteohetic, la ya'be spisil te ajwalil, scuenta yu'un hich ya snihalin. Hich te Saúl la ya'be yic' te yantsil-nich'an Mical.

1 Samuel 20:32

Te Jonatán la sjoc'obe te Saúl te stat: ¿Bin yu'un ya yich' milel? ¿Bin spasoj hiche? xchi.

1 Samuel 21:2

Te David la sjac'be sc'op te Ahimelec: Ay bin la ya'bon jpas te ajwalil, hich la yalbon: Ma me ayuc mach'a ya sna' te bin ya jticonat ta spasel soc te bin la jcalbat, xchi. La jcalbe te winiquetic cu'un te ya stahonic ta yan lugar.

1 Samuel 22:13

Hich joc'obot yu'un te Saúl: ¿Bin yu'un te la achap ac'op soc te snich'an Isaí yu'un yac acontrahinonic? La awa'be pan soc espada, soc ay bin la ajoc'obe Dios ta scuenta, yu'un ya xhahch scontrahinon soc ya smacliyon, hich te bin ut'il yac ta spasel ta ora ini, xchi.

1 Samuel 24:11

Ilawil, jtat, te sti'il anahtil-c'u' quich'oj ta jc'ab. La jset'bat loq'uel pero ma ba la jmilat. Na'a me te mayuc bin chopol o aq'uel ta c'abal te jnopoje. Mayuc jtahoj jmul ta atojol, pero ha'at yac alehbelon yu'un yac amilon.

1 Samuel 25:28

Awocoluc pasbeya perdón te a'bat awu'un te bin chopol ini. Jehová ya me ya'be yip te sna te cajwal, yu'un yacat ta spasel te guerra yu'un Jehová, soc ma me ayuc bin chopol ya stahat te jayeb c'ahc'al cuxulat.

1 Samuel 26:23

Te Jehová ac'a stoj ta tuhlultuhl ha chican teme stojil bin spasoj soc teme jun yo'tane. Te Jehová la yac'at ta jc'ab te naxe, pero ma ba la jc'an la jach jc'ab ta stojol te mach'a tsahbil yu'un te Jehová.