1 Samuel 22:10 - Bible in Tzeltal Bachajón

¹⁰ Te Ahimelec ay bin la sjoc'obe te Jehová ta scuenta David, soc la ya'be swe'el soc la ya'be te espada yu'un Goliat te filisteo-winic, xchi.

Bible in Tzeltal de Oxchuc y Tenejapa

¹⁰ Te Ahimelec ay bi la sjojc'obey Cajwaltic ta stojol te David, soc la yac'bey swe'el soc la yac'bey te spuñal Goliat, ja' te filisteo-winique —xi'.

1 Samuel 22:10 ပူးပေါင်းရင်းမြစ်များ

Números 27:21

Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.

1 Samuel 10:22

Ha yu'un la sjoc'obeyic xan te Jehová teme ma to ba talem te winique. La yal te Jehová: Li' ayi, snac'oj sba ta yohlil te biluquetic, xchi.

1 Samuel 21:10

Ha nix yorahil a te loc' ta ahnel ta stojol Saúl te David, baht ta stojol Aquis te ajwalil yu'un Gat.

1 Samuel 22:11

Hich te ajwalil la sticon ta iq'uel tal te sacerdote Ahimelec te snich'an Ahitob soc spisil te mach'atic ay yu'un te stat, ha te sacerdotehetic te ayic ta Nob. Spisil talic ta stojol te ajwalil.

1 Samuel 22:13

Hich joc'obot yu'un te Saúl: ¿Bin yu'un te la achap ac'op soc te snich'an Isaí yu'un yac acontrahinonic? La awa'be pan soc espada, soc ay bin la ajoc'obe Dios ta scuenta, yu'un ya xhahch scontrahinon soc ya smacliyon, hich te bin ut'il yac ta spasel ta ora ini, xchi.

1 Samuel 22:15

¿Yu'un bal shahchibal buelta te ay bin la joc'obe te Dios ta scuenta David? ¡Ma hichuc! Te ajwalil ma me ayuc bin ya ya'be smulin te ya'bat soc spisil te mach'atic ay yu'un te jtate; como te a'bat awu'un jxuht' mayuc bin ya sna' bin ut'il ay te c'op ini, xchi.

1 Samuel 23:12

Te David la sjoc'oy xan: Te mach'atic ayic ta Keila ¿ya bal yac'onic ta sc'ab Saúl soc te winiquetic cu'un? xchi. Yac, ya yaq'uex ta sc'ab, xchi te Jehová.

1 Samuel 23:2

Ha yu'un te David la sjoc'obe te Jehová: ¿Ya bal ca'be guerra te filisteohetic? xchi. Jac'bot yu'un te Jehová: Bahan, a'beya guerra te filisteohetic, coltaya te Keila, xchi sc'oblal.

1 Samuel 23:4

Ha yu'un te David baht sjoc'obe xan te Jehová. Te Jehová hich la yalbe: Hahchan, cohan bahel ta Keila, ho'on ya ca'bat ta ac'ab te filisteohetique, xchi.

1 Samuel 30:8

Te David la sjoc'obe te Jehová: ¿Ya bal jnuts bahel te jpoj-biluquetique? ¿Ya bal xhu' ya jta? xchi. La sjac' te Jehová: Nutsa bahel, ya me ata, soc ya me acoltay tal te mach'atic bahemic ta chuquel, xchi.