1 Samuel 20:8 - Bible in Tzeltal Bachajón

⁸ C'uxultaya hiche te a'bat awu'un, como ha'at la awal te ya jchap jc'optic ta stojol Jehová. Teme ay mulil ta jtojol, milawon ha'at, ma fuersahuc yac awic'on bahel ta stojol te atate, xchi.

Bible in Tzeltal de Oxchuc y Tenejapa

⁸ Lec ay jiche, pasbon te bila ya calbate, wocoluc. Melel jo'on te awabaton te jamal calojtic ta stojol Cajwaltic te c'ux ya caiy jbajtique. Yan teme jo'on ay jmule, milawon ja'at, ma puersauc ya awic'on bael ta stojol te atate —xi' te David.

1 Samuel 20:8 ပူးပေါင်းရင်းမြစ်များ

Génesis 24:49

Ha yu'un te ha'exe, teme yac ac'uxultayic te cajwal, halbonic ca'iy ta jamal, pero teme ma'uque, jamal xawalbonic ca'iy hiche, yu'un hich ya jnop bin ya sc'an ya jpas, xchi.

Génesis 47:29

C'alal nopol ya xchamix a te Israel la sticon ta iq'uel te José te snich'an, hich la yalbe: Teme lecon ta awo'tan, awocoluc ac'a tal ac'ab ta ye'tal ca', ya me ana'bon yo'bolil jba soc junuc me awo'tan ta jtojol. Awocoluc, ma xamucon ta Egipto.

2 Samuel 14:32

La sjac' te Absalón: La jticonat ta iq'uel tal li'i yu'un ya jticonat bahel yu'un hich yac awalbe te ajwalil: ¿Bin yu'un te talon ta Gesur? Ha lec te teyuc ayon a. Co'tanuc ya quilbe sit te ajwalil; teme ay jmule, milawon, xchi.

1 Crónicas 12:17

Te David loc' bahel ta stahel, hich la yalbe: Teme talex ta scuenta lamal q'uinal soc teme tal acoltayonic, jun co'tan ta atojolic. Yan teme yu'un tal awac'onic ta sc'ab te jcontratac, te mayuc bin chopol jpasoj, ac'a yil te Dios yu'un te jme'jtatic soc ac'a ya'beyex castigo, xchi.

Salmos 116:11

Te bin ut'il ayon ta wocol hich la jcal: Spisil ants-winiquetic ha jlotetic, xchihon.

Proverbios 3:3

Ma me ayuc bin ora yac awihquitay te c'uxul-o'tanil soc te bin smelelil; chuca ta anuc', ts'ihbaya ta awo'tan,

Hechos 25:11

Teme ay bin chopol jpasoj te bin scuenta lajel, ma ba ya cal te ma ba ya xlajon yu'un; yan teme mayuc hich jpasoj te bin ya yalbonic, mayuc mach'a ya xhu' ya yac'on ta sc'abic. Ha ya jc'an ya schahpanon te César, xchi.

Josué 2:14

La sjaq'uic te winiquetic: Ya jelcotic ta jcuxlejalcotic te acuxlejalic teme ma ba yac awal te bin scuentahil te talemotcotique. Te c'alal ya'beyejotcotiquix a te q'uinal te Jehová, ya me jc'uxultayatcotic soc hich ya jpasbatcotic te bin ut'il la jcalbatcotiquix, xchihic.

Josué 22:22

¡Te Jehová te Dios yu'un diosetic, Jehová te Dios yu'un diosetic, ha ya sna' soc ac'a ya'be sna' te Israel: Teme ha ta scuenta toybahil o teme ma junuc co'tancotic ta stojol Jehová, ma me xawac' ya xcuxajotcotic yo'tic!

Rut 1:8

Te Noemí hich la yalbe ta schebal te yalib: Bahan, suhtanic bahel ta sna te ananique. Ac'a me sc'uxultayex te Jehová, hich te bin ut'il la ac'uxultayic te chawinic amamalalic soc te ho'one.

1 Samuel 18:1

C'alal laj yo'tan ta c'op soc Saúl te David, te Jonatán mero jun sch'uhlel la ya'iy sba soc David, c'ux la ya'iy ta yo'tan hich te bin ut'il c'ux ya ya'iy sba.

1 Samuel 18:3

Te Jonatán la schap sc'op soc David, como c'ux la ya'iy ta yo'tan hich te bin ut'il c'ux ya ya'iy sba.

1 Samuel 20:16

Hich te Jonatán la schap sc'op soc te mach'atic ay yu'un David; hich la yal: Te Jehová ac'a yich'be ta c'op te scontra te David, xchi.

1 Samuel 20:9

Te Jonatán la yalbe: ¡Mayuc bin ora te hich ya xc'oht ta atojol! Teme ay la jca'iy te ay bin chopol ya spasbat te jtate, ¿ma bal yacuc calbat te hichuque? xchi.

1 Samuel 23:18

Schebalic la schap sc'opic ta stojol Jehová. Te David hil ta Hores, yan te Jonatán suht bahel ta sna.