1 Samuel 20:41 - Bible in Tzeltal Bachajón

⁴¹ Te c'alal bahtix a te quereme, loc' tal te David ta sts'ehl te ton, oxeb buelta la spahcan sba c'alal ta lum ta stojol; la yuhts'uy sbahic soc la yoq'uetay sbahic, ha tulan xan oc' a te David.

Bible in Tzeltal de Oxchuc y Tenejapa

⁴¹ Te c'alal bajt' te abate, ora loc' tel ta spat busul ton te David. C'alal c'ot ta stojol te Jonatán, oxeb buelta la stinan sba coel c'alal ta lum ta stojol. Patil la sbujts'i sbaic, pajal la yoq'uetay sbaic, pero ja' bayal oc' te David.

1 Samuel 20:41 ပူးပေါင်းရင်းမြစ်များ

Génesis 29:11

Te Jacob la yuhts'uy te Raquel, tulan hahch ta oq'uel.

Génesis 29:13

Te Labán c'alal la ya'iybe sc'oblal Jacob te yal te yihts'ine, ahnimal baht sta tal, la smech', la yuhts'uy, soc la yic' bahel ta sna. Hich te Jacob la yalbe ya'iy spisil.

Génesis 33:4

Pero te Esaú ahnimal baht sta tal soc la smech', la smey tal ta snuc' soc la yuhts'uy; oc' schebalic.

Génesis 42:6

Te José ha jcuentahinwanej yu'un te q'uinal, ha te mach'a ya xchombe trigo swohlol bahlumilal. C'ohtic te sbanquiltac José, la squejan sbahic ta lum ta stojol.

Génesis 43:28

Lec ay te jtatcotic, te a'bat awu'une; cuxul to, xchihic. La snijan sbahic, la yich'ic ta muc'.

Génesis 45:15

Te José la yuhts'uy spisil te sbanquiltac soc la yoq'uetay. Patil c'oponot yu'un te sbanquiltac.

2 Samuel 1:2

ta yoxebal c'ahc'al c'oht jtuhl winic te hahch tal ta campamento yu'un Saúl, ch'i'emtic sc'u' spac' soc ya'tinej ts'u'lum sjol a. C'alal c'oht ta stojol David, la spahcan sba ta lum scuenta yich'el ta muc' te David.

2 Samuel 1:26

Ay jwocol ta mel-o'tan awu'un, Jonatán, quermanohat, c'ax ay yutsil ac'oblal la jca'iy. C'ax hich la jca'iy a te sc'uxul awo'tan te bin ut'il sc'uxul yo'tan te antsetique.

2 Samuel 14:4

Hich te ants te talem ta Tecoa baht ta stojol te ajwalil. La spahcan sba ta lum ta yich'el ta muc', hich la yalbe: Coltayawon, ajwalil, xchi.

2 Samuel 19:39

Spisil te pueblo sohlic bahel ta Jordán. Te c'alal sohlix bahel a te ajwalil, la yuhts'uy hilel te Barzilai, la ya'be bendición. Hich te Barzilai suht bahel ta sna.

2 Samuel 9:6

Hich te Mefi-boset snich'an Jonatán, smam Saúl, tal ta stojol David, la snijan sba scuenta yich'el ta muc'. Mefi-boset, xchi te David. Li' ay te a'bat awu'un, xchi te Mefi-boset.

1 Reyes 1:16

Te Betsabé la squejan sba ta stojol te ajwalil, hich joc'obot yu'un te ajwalil: ¿Bin yac ac'an? xchi sc'oblal.

1 Reyes 1:23

Hich halbot ya'iy te ajwalil: Li' ay te jalwanej Natán, xchihic. C'alal och bahel ta stojol te ajwalil, la squejan sba ta lum ta stojol,

1 Reyes 1:31

Te Betsabé la snijan sba, la squejan sba ta stojol te ajwalil, hich la yal: Sbahtel q'uinal ac'a cuxajuc te David te ajwalil cu'un, xchi.

Hechos 20:37

Bayel oq'uic soc spisilic la smech'ic te Pablo soc la yuhts'uyic.

1 Samuel 10:1

Hich te Samuel la stsac jun yawil aceite, la smalbe ta sjol te Saúl, la yuhts'uy, soc hich la yalbe: Te Jehová la smalbat aceite scuenta jtsobaw ya xc'ohat yu'un te pueblo Israel yu'une.

1 Samuel 18:3

Te Jonatán la schap sc'op soc David, como c'ux la ya'iy ta yo'tan hich te bin ut'il c'ux ya ya'iy sba.

1 Samuel 20:40

Patil te Jonatán la ya'be te ya'tejib yu'un guerra te querem, soc hich la yalbe: Bahan, ich'a suhtel ta pueblo, xchi.

1 Samuel 24:9

Hich la yalbe te Saúl: ¿Bin yu'un yac awa'iybe sc'op te mach'atic hich ya yalic: Te David ya sc'an ya ya'bat wocol, te xchihique?

1 Samuel 25:23

Te Abigail c'alal la yil te David, ora co ta sburro, la spahcan sba c'alal ta lum ta stojol te David.