1 Samuel 20:32 - Bible in Tzeltal Bachajón

³² Te Jonatán la sjoc'obe te Saúl te stat: ¿Bin yu'un ya yich' milel? ¿Bin spasoj hiche? xchi.

Bible in Tzeltal de Oxchuc y Tenejapa

³² La yal te Jonatáne: —¿Pero bi yu'un ya x'och ta lajel? ¿Bi spasoj jiche? —xi'.

1 Samuel 20:32 ပူးပေါင်းရင်းမြစ်များ

Génesis 31:36

Ilin yu'un te Jacob, la yut sba soc te Labán, hich la yalbe: ¿Bin a te jc'axuntayej? ¿Bin jmulinej awu'un te c'ax ilinemat te yac anutsbelon tal?

Proverbios 22:24

Ma me junuc awo'tan soc te mach'a ora ya x'ilin, ma me xajoquin te mach'a ay yilimba,

Eclesiastés 7:9

Ma me orahuc ya x'ilinat, como te ilimba ay ta yo'tan te mach'a ma sna' q'uinal.

Eclesiastés 9:3

Ta spisil te bin ay ta pasel ta ye'tal ch'ulchan, ha te bin chopol ini: ha te pajal quechel ya xc'oht ta stojol spisilic; soc te yo'tan te ants-winic nojel ta bin chopol soc sonsohil ta spisil scuxlejal, patil ya xbahtic ta banti ay te mach'atic chamenique.

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

San Mateo 27:23

La yal te gobernador: ¿Bin smul stahoj? xchi. Pero tulan xan hahchic ta aw: ¡Ac'a yich' milel ta cruz! xchihic.

San Lucas 23:22

Te Pilato ta yoxebal buelta la yalbe: ¿Binti chopol spasoj? Mayuc smul la jtahbe te ya x'ac'ot ta lajel yu'un. Ya ca'be castigo, ya jcoltay bahel, xchi.

San Juan 7:51

Te Ley cu'untic, ¿ya bal yalbe smul jtuhl winic te ma ba nahil ya x'a'iybot sc'op soc te ya xna'ot bin spasoj? xchi.

1 Samuel 18:11

la syalbay ta slanza, yu'un la yal: Ya me jts'ap ta pahc' ta lanza te David, xchi. Pero te David cheb buelta la sc'ases.

1 Samuel 19:4

Te Jonatán la yalbe lec sc'oblal David ta stojol Saúl te stat, hich la yal: Ma me sle smul te ajwalil ta stojol David te a'bat yu'un, como mayuc bin chopol la spasbat, ha mero lec ya'tel ta atojol.

1 Samuel 19:5

Mayuc sc'oblal te scuxlejal la ya'iy yu'un ya smil te filisteo, hich te Jehová la yac' te la ya'iy muc'ul tsalaw spisil Israel. Ha'at la awil, tse'el awo'tan yu'un. ¿Bin yu'un te yac ac'an yac ata amul ta smalbeyel sch'ich'el te mach'a mayuc smul, ha te yac amil te David ta tojol nax? xchi.

1 Samuel 20:1

Ta patil, te David loc' bahel ta ahnel ta Naiot te ay ta Ramá, c'oht ta stojol Jonatán, hich la yal: ¿Bin la jpas ho'on? ¿Bin chopol jpasoj o bin jmul jtahoj ta stojol atat, te yac slehbelon yu'un ya smilon? xchi.

1 Samuel 20:7

Teme hich ya yal: Lec ay, teme xchihe, hich jun yo'tan a te awa'bate; yan teme ya x'ilin yu'un, ya me ana' te ay bin chopol ya spasbon.

1 Samuel 22:14

Te Ahimelec la sjac'be sc'op te ajwalil: Ta spisil te a'batetic awu'un, ¿mach'a a te hich jun yo'tan ta atojol te bin ut'il te David, te ha nix snihal te ajwalil, te yich'oj ya'tel ta stojol soc te ich'bil ta cuenta ta ana?