1 Samuel 20:30 - Bible in Tzeltal Bachajón

³⁰ Hich hahch yilimba Saúl ta stojol Jonatán, hich la yalbe: Yalat chopol toyba-ants. ¿Yu'un bal ma ba jna'oj te jun awo'tan aba soc te snich'an Isaí te q'uexlaltic sba ta atojol soc ta stojol anan?

Bible in Tzeltal de Oxchuc y Tenejapa

³⁰ Jajch' slab yo'tan te Saúl, jich la yalbey te Jonatán: —Yalat me bol me'el. ¿Ya bal acuy te ma ba jna'oj te mero jun awo'tan aba soc te snich'an Isaí? Q'uexlaltic sba ta atojol soc ta stojol ame'.

1 Samuel 20:30 ပူးပေါင်းရင်းမြစ်များ

Job 5:2

Melel ya xmilot yu'un yilimba te mach'a ma sna' q'uinal, ya xmilot yu'un bic'tal-o'tanil te sonso.

Proverbios 14:29

Te mach'a ma orahuc ya x'ilin, ya sna' q'uinal ta lec; yan te mach'a ma xcuhch yu'un, ya yac' ta ilel te ma sna' q'uinal.

Proverbios 15:2

Ya xloc' p'ijil c'op ta ye te mach'atic p'ij yo'tanic, pero te ye te mach'atic ma sna'ic q'uinal ya yal te bin mayuc sc'oblal.

Proverbios 19:12

Te yilimba te ajwalil hich ay te bin ut'il yaw choj, yan te yutsil yo'tan, hich ay te bin ut'il ts'ujul ta aquiltic.

Proverbios 19:19

Te mach'a bayel ya x'ilin, ya me yich' castigo yu'un; teme yac acoltay ta castigo, yac awac' te chopol xan ya xc'oht.

Proverbios 21:24

Ha jlabanwanej sbihil te mach'a ya stoy sba te ya spas te bin scuenta toybahil.

Proverbios 25:28

Hich te bin ut'il pueblo te jihnem sts'ahcul, hich ay te mach'a ma sna' scomel sba.

Proverbios 27:3

Al ta liquel te ton soc te hi', pero c'ax hich yalal ta schebal te yilimba te mach'a ma sna' q'uinale.

San Mateo 5:22

Pero ho'on ya calbeyex, mach'ayuc a te ya yilintay te yermano, ya me x'ich'ot ta c'op yu'un smul; soc mach'ayuc a te hich ya yalbe te yermano: Bohlat, te xchihe, ya me yich' chahpanel ta stojol te Sanedrín. Soc mach'ayuc a te hich ya yalbe te yermano: Sonsohat, te xchihe, quechel ta bahel ta c'ahc' ta infierno.

Efesios 4:31

Jc'axel hiluc awu'unic spisil lablab-o'tantaywanej, c'ahc'ubel, ilimba, utaw, ixta'c'op, soc spisil bintic chopol.

Efesios 6:4

Ha'ex te sme'statex, ma me xawac' bohlobuc yo'tan te awal-anich'nabique; coltesahic ta scuenta te tojobtesel soc te tsitsel yu'un te Cajwaltique.

1 Samuel 20:29

Hich la yal: Awocoluc ac'awon bahel, como te mach'atic ay cu'un ya yaq'uic milbil mahtanil ta jlumal, soc la spason ta mandar te jbanquile; ha yu'un, teme lec awo'tan cu'un, ac'awon bahel yu'un ya quil te jbanquiltac, xchi. Ha yu'un ma ba tal shuhcan sba ta smesa te ajwalil, xchi.

1 Samuel 20:31

Como te jayeb c'ahc'al cuxul ta bahlumilal te snich'an Isaí, mayuc awip yac ata soc ma ba ya x'ochat ta ajwalil. ¡Ticombon ta iq'uel tal, yu'un ya sc'an ya yich' milel! xchi.