1 Samuel 20:2 - Bible in Tzeltal Bachajón

² Mayuc; ma ba ya xlajat. Mayuc bin ya spas te jtat, teme bin muc' o tut, te ma ba ya yalbon. ¿Bin yu'un ya smucbon ta yo'tan te jtate? Ma hichuc ay, xchi te Jonatán.

Bible in Tzeltal de Oxchuc y Tenejapa

² La sjac' te Jonatán: —Ma jichuc ya sc'an te Diose, ma ba ya smilat. Ja' me x'ana' te ma'yuc bi ya spas ta stuquel nax, puersa me ya yalbon, manchuc me tulan sc'oplal o ma ba tulan sc'oplal. ¿Yu'un bal ma sc'an ya yalbon caiy te jtate? Ma wan —xi' te Jonatán.

1 Samuel 20:2 ပူးပေါင်းရင်းမြစ်များ

Génesis 44:7

Hich la sjoc'oyic: ¿Bin yu'un hich ya yal te cajwaltique? Mayuc hich jpasojcotic te awa'batotcotique.

Salmos 40:6

Ma ha'uc ya sc'an awo'tan mahtanil soc milbil mahtanil, pero la ajambon jchiquin; te scohtol chic'bil mahtanil soc mahtanil yu'un stojel mulil ma ha'uc ac'anoj.

Proverbios 29:24

Te mach'a jun yo'tan sba soc te j'elec' ha nix ya scontrahin sba; aunque ya ya'iy te chopol sc'oblal ya xc'oht, ma ba ya yalbe smul te j'eleq'ue.

Isaías 50:5

Te Cajwaltic Jehová la sjambon jchiquin, ma ba la jtoy jba, ma ba suhton ta jpat.

San Lucas 20:16

Ya me xtal smil te j'a'teletic, yantic mach'a ya ya'be scuentahin te sts'usubile, xchi te Jesús. C'alal hich la ya'iyic: ¡Dios ac'a te ma hichuc ya xc'oht ta pasel! xchihic yu'un.

San Juan 15:15

Ma ba ya calbeyex te ha a'batex cu'un, como te a'bat ma sna' bin ya spas te yajwale; pero la jcalbeyex te jun co'tan jbahtic, como spisil te bin la jca'iy ta stojol te Jtat la jca'beyex ana'ic.

San Juan 17:8

como la jca'be te ac'op te la awa'bone; la yich'ic ta cuenta, soc sna'ojiquix ta lec te talemon ta atojol, soc sch'uhunejiquix te ha'at aticonejon tale.

Josué 22:29

Mayuc bin ora te ya jtoy jbahcotic ta stojol Jehová o te ma ba ya jt'uncotiquix te Jehová, te ya jpascotic scajtajib ta chiq'uel mahtanil yu'un scohtol chic'bil mahtaniletic, mahtaniletic harina o milbil mahtaniletic te yan a te bin ut'il te scajtajib ta chiq'uel mahtanil yu'un Jehová te Dios cu'untic te ay ta stojol te Nahilpac' Templo yu'une, xchihic.

Josué 24:16

Ha yu'un la sjac' te pueblo: Mayuc bin ora te ya quihquitaycotic te Jehová yu'un ya cac' jbahcotic ta a'batinel yu'un yantic diosetic.

1 Samuel 14:45

Pero te winiquetic la yalbeyic te Saúl: ¿Ya bal spas ya xlaj ta milel te Jonatán, te mach'a la ya'iy muc'ul tsalaw ta Israel? ¡Ma hichuc! ¡Yiloj Jehová! ma me xco ta lum jlihcuc stsotsel sjol, como ha la spas ini ta scuenta te coltayel yu'un te Diose, xchihic. Hich la scoltayic ta milel te Jonatán.

1 Samuel 20:1

Ta patil, te David loc' bahel ta ahnel ta Naiot te ay ta Ramá, c'oht ta stojol Jonatán, hich la yal: ¿Bin la jpas ho'on? ¿Bin chopol jpasoj o bin jmul jtahoj ta stojol atat, te yac slehbelon yu'un ya smilon? xchi.

1 Samuel 20:12

Hich la yalbe David te Jonatán: ¡Ha me testigo te Jehová te Dios yu'un Israel! c'alal la joc'obeyix a te jtat ta hichilan ora pajel o cha'bej, teme lec yo'tan ta stojol David, ya jticombat ta halbeyel.

1 Samuel 20:3

Te David la scha'hal xan ta jamal: Te atat sna'oj te lec awo'tan cu'un, hich wan ya yal: Ma me x'a'bot sna' ini te Jonatán scuenta yu'un ma ba ya smel yo'tan a, xchi. ¡Yiloj Jehová, soc cuxulat! jihm xanix ta ocal quiloj jba soc te lajele, xchi.

1 Samuel 9:15

Te c'alal pajel xanix ya xc'oht a te Saúl, te Jehová ay bin la ya'be sna' te Samuel: