1 Samuel 20:16 - Bible in Tzeltal Bachajón

¹⁶ Hich te Jonatán la schap sc'op soc te mach'atic ay yu'un David; hich la yal: Te Jehová ac'a yich'be ta c'op te scontra te David, xchi.

1 Samuel 20:16 ပူးပေါင်းရင်းမြစ်များ

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

2 Samuel 21:8

Pero te ajwalil la yic' te Armoni soc Mefi-boset te yalatac Rizpa yantsil-nich'an Aja, te ha yal-snich'nab soc te Saúl, soc la yic' te ho'eb yalatac Merab yantsil-nich'an Saúl, te ha yal-snich'nab soc te Adriel snich'an Barzilai te mehola-winic.

Jeremías 40:9

Te Gedalías snich'an Ahicam, snich'an Safán, hich la yal ta jamal ta stojolic soc te swinictac: Ma me xaxi' te yac awac' abahic ta a'batinel yu'un te caldeohetique. Nahinanic ta lumq'uinal, ac'a abahic ta a'batinel yu'un te ajwalil yu'un Babilonia, hich me lec ya xc'ohex a.

Deuteronomio 23:21

Te c'alal yac achap ac'op ta stojol Jehová te Dios awu'un, ma me xhalajat ta stojel; como ya me sc'ambat te Jehová te Dios awu'un, ha amul ya xc'oht teme ma ba yac awaq'ue.

Josué 22:23

Teme la jpascotic scajtajib ta chiq'uel mahtanil yu'un te ma ba ya jt'uncotiquix te Jehová, o teme yu'un ya cac'cotic scohtol chic'bil mahtanil o mahtanil harina, o teme yu'un ya cac'cotic tey a te mahtanil scuenta lamal q'uinal, ha me ya yich'otcotic ta cuenta te Jehová.

1 Samuel 18:3

Te Jonatán la schap sc'op soc David, como c'ux la ya'iy ta yo'tan hich te bin ut'il c'ux ya ya'iy sba.

1 Samuel 20:42

Te Jonatán hich la yalbe te David: Jun awo'tan xbahat, como jchebaltic hich calojtic ta jamal ta scuenta sbihil Jehová: Ha testigo ta jtojoltic spisil ora te Jehová soc ta stojol ats'umbal soc te jts'umbale, xchi. Hich loc' bahel te David, yan te Jonatán suht bahel ta pueblo.

1 Samuel 22:8

¿Ha bal scuentahil te yac achap ac'opic te yac acontrahinonique? Mayuc mach'a la yalbon ca'iy te bin ut'il te jnich'an la schap sc'op soc te snich'an Isaí, soc mayuc jtuhluquex te yac ana'bonic yo'bolil jba soc yac awalbonic te bin ut'il te jnich'an la sjuc sba soc te ca'bat te ya smacliyon, hich te bin ut'il yac spasbel ta ora ini, xchi.

1 Samuel 23:18

Schebalic la schap sc'opic ta stojol Jehová. Te David hil ta Hores, yan te Jonatán suht bahel ta sna.

1 Samuel 25:22

Dios hich ac'a spasbe te scontratac David, soc c'ax to xan hich a, teme ta sab pajel cuxul ya xhil cu'un jtuhluc te mach'a ay yu'un, xchi.

1 Samuel 25:26

Yo'tic, cajwal, ¡yiloj Jehová, soc cuxulat! te Jehová la scomat ta smalel ch'ich' soc ma ba la ya'bat te yac apac ac'abal. Hich me ac'a c'ohtuc te bin ut'il Nabal te acontratac soc spisil mach'atic ya sle bin chopol ta stojol te cajwal.

1 Samuel 31:2

Te filisteohetic la snutsic bahel te Saúl soc te snich'nab, la smilic te Jonatán, Abinadab soc Malquisúa, te snich'nab Saúl.