1 Samuel 2:9 - Bible in Tzeltal Bachajón

⁹ Ha ya scanantaybe yoc te mach'atic yu'un te ch'uhltesbilique, yan te mach'atic chopol yo'tanic ya me xlajic ta yihc'al q'uinal; como mayuc mach'a ya ya'iy tsalaw ta scuenta te yip stuquel.

Bible in Tzeltal de Oxchuc y Tenejapa

⁹ Te Cajwaltic ya me scanantay ta beel te mach'atic jun yo'tanic ta stojole; yan te mach'atic amen yo'tanic ya me xlajic ta yijc'al q'uinal stuquelic. Melel ma'yuc mach'a ya xju' ya yaiy tsalaw ta swenta nax te yip.

1 Samuel 2:9 ပူးပေါင်းရင်းမြစ်များ

Job 18:18

Ya yich' ch'ojel loq'uel ta sacal q'uinal, ya xc'oht ta yihc'al q'uinal; ya yich' loq'uesel ta bahlumilal.

Job 40:13

Mucticlana spisilic ta ts'u'lum, macticlambeya sit yelawic ta yihc'al q'uinal.

Job 5:16

Ha scuentahil te ay smuc'ul yo'tan te pobre, soc te bin ma stojiluc, ha ya smac ye yu'un.

Job 5:24

Ya me ana' te ay lamal q'uinal ta anahilpac'; yac awil te banti ya xnahinat te mayuc falta yu'un.

Salmos 1:6

Como te Jehová ya scanantaybe sbe te mach'atic toj yo'tanic, yan te sbe te mach'atic chopol yo'tanic ya yac' te ch'ayel ya xbahtic.

Salmos 105:37

La yic' loq'uel te Israel soc plata soc oro, ta spisil ta chahp mach'atic ay yu'unic mayuc mach'a la sta falta.

Salmos 121:3

Ma ba ya yac' te ya xbilts'uj awoc; ma xway te mach'a ya scanantayat.

Salmos 121:5

Te Jehová ha jcanantaywanej awu'un; te Jehová ha axinal awu'un ta swa'el ac'ab.

Salmos 121:8

Te Jehová ya scanantayat te c'alal ya xloc'at bahel soc te c'alal ya suhtat talel, ta ora ini soc ta sbahtel q'uinal.

Salmos 145:20

Te Jehová ya scanantay spisil te mach'atic c'ux ya x'a'iyot yu'unic, pero ya sjinticlan spisil te mach'atic chopolique.

Salmos 31:17

Ma me jta q'uexlal, Jehová, como la jcawtayat; ac'a sta q'uexlal te mach'atic chopolic, soc uma'ubuc ta muquenal.

Salmos 37:28

como te Jehová c'ux ta yo'tan te bin stojil ta pasel, soc ma ba ya spihtes te mach'atic jun yo'tanic ta stojol. Spisil ora ya yich'ic canantayel, yan te sts'umbal te mach'atic chopol yo'tanic ya yich'ic lajinel.

Salmos 94:18

C'alal hich la jcal: Ya xbilts'uj coc, te xchihone, la scoltayon te sc'uxul awo'tan, Jehová.

Salmos 97:10

Ha'ex te c'ux ta awo'tanic te Jehová, ihlayahic te bin chopol; ha ya scanantaybe scuxlejalic te mach'atic yu'un te ch'uhltesbilic; ha ya yac' ta libre ta sc'ab te mach'atic chopolique.

Proverbios 16:9

Te ants-winic ya snop ta yo'tan te bin ya spas, pero ya xtojobtesot yu'un Jehová banti ya xbehen.

Proverbios 2:8

Ha ya scanantay te behetic yu'un te mach'atic toj bin ya spasic, soc ya scanantay te be yu'un te mach'atic yu'un te ch'ultesbilique.

Proverbios 3:26

como ha ya smuc'ulin awo'tan te Jehová soc ma ba ya yac' te ya x'ochat ta yaquil.

Eclesiastés 5:17

Soc te jayeb c'ahc'al cuxul ya xwe' ta yihc'al q'uinal, soc bayel swocol, ay schamel soc xut'xon q'uinal ya ya'iy.

Eclesiastés 9:11

Ay yan bin la jquil ta ye'tal ch'ulchan: Te tsalaw ma ha'uc yu'un te mach'a ya xhu' yu'un ahnimal, o te tsalaw te guerra ma ha'uc yu'un te mach'atic ay yipic, te we'elil ma ha'uc yu'un te mach'atic p'ij yo'tanic, o te c'ulejalil ma ha'uc yu'un te mach'atic ay snopojibal yu'unic, o te lec ta o'tanil te mach'atic p'ijubenic; como ya sta yorahil soc ay bintic ya xc'oht ta stojol spisilic.

Isaías 27:3

Ho'on, Jehovahon, ya jcanantay; spisil ora ya ca'be ya'lel. C'ahc'al ahc'abal ya jcanantay scuenta yu'un mayuc mach'a ya yuts'in.

Isaías 47:5

Hich ya yal: Huhcana aba, ch'aban, ochan ta yihc'al q'uinal, yantsil-nich'anat te caldeohetic, yu'un ma ba hich ya xhalotix ac'oblal: ajwalil-antsat yu'un nacionetic, ma xchihuc ac'oblal.

Jeremías 8:14

¿Bin yu'un huculotic li'i? ¡Ac'a jtsohb jbahtic! ¡Ya x'ochotic bahel ta pueblohetic te joytaybilic ta sts'ahc, tey ya xlajotic a! Como te Jehová te Dios cu'untic ya yac'otic ta ch'ayel, soc la ya'botic cuch'tic ha' te ay svenenohil, como jtahoj jmultic ta stojol Jehová.

Jeremías 9:23

Hich ya yal te Jehová: Te mach'a ay sp'ijil ma me stoybe sba ya'iy q'uinal yu'un te sp'ijile, soc te mach'a ay yip ma me stoybe sba ya'iy q'uinal yu'un te yipe, te mach'a ay sc'ulejal ma me stoybe sba ya'iy q'uinal yu'un te sc'ulejale.

Nahúm 1:8

Pero hich te bin ut'il snojel ha' ya slajinlan te mach'atic ya xcontrahinot yu'un, ha ya snuts bahel ta yihc'al q'uinal te scontrataque.

Sofonías 1:15

Ha sc'ahc'alel ilimba, ha sc'ahc'alel mel-o'tan soc pich'il-o'tanil, ha sc'ahc'alel jinel soc lajinel, ha sc'ahc'alel yihc'al q'uinal soc ahc'abal, ha sc'ahc'alel macal ta tocal soc pimil ihc'al tocal,

Zacarías 4:6

Ha yu'un hich la yalbon: Ha te sc'op Jehová ini ta stojol Zorobabel, te hich ya yal: Ma ta scuentahuc soldadohetic soc ma ta scuentahuc yipic, ha ta scuenta te espíritu cu'un, xchi te Jehová te scuentahinej spisil.

Números 6:24

Te Jehová ac'a ya'bat bendición soc ac'a scanantayat.

San Mateo 8:12

Yan te al-nich'aniletic te sc'oblal ayic ta cuentahinel yu'un te ch'ulchan ya xch'ojotic loq'uel ta fuera ta yihc'al q'uinal, tey ya xc'oht yoq'uetay sbahic soc ya sc'uxuxan yehic a, xchi.

Romanos 3:19

Jna'ojtic te spisil bintic ya yal te Ley, ha ya yalbe te mach'atic ayic ta scuenta te Ley, scuenta yu'un spisilic ya xmahc yehic soc spisil bahlumilal ya xhil ta scuenta ich'el ta c'op yu'un Dios,

Deuteronomio 33:3

C'ux ta yo'tan te pueblo yu'un; ay ta sc'ab spisil te mach'atic yac'oj sbahic ta stojol; la spahcan sbahic ta atojol, la yich'ic p'ijubtesel awu'un,

1 Pedro 1:5

ha'ex te ta scuenta sch'uhunel awo'tanic canantaybilex ta yu'el Dios ha to c'alal ya xtal te colel te chapalix te ya xchicnaj ta slajibal c'ahc'al.

2 Pedro 2:17

Ha'ic sloq'uib ha'etic te mayuc ya'lel, soc tocaletic te ya xtenotic yu'un tulan ic'; chapal sc'oblalic te ya xc'oht ayinuquic sbahtel q'uinal ta banti c'ax ihc'.

Judas 1:1

Judas, a'bat yu'un Jesucristo soc yihts'in te Jacobo, ta stojol te mach'atic ic'bilic, te c'uxultaybilic yu'un te Jtatic Dios soc te canantaybilic yu'un te Jesucristo:

Judas 1:13

Ha tulan stselajan mar te capal soc sbuhl ya scuch tal te sq'uexlalic; ha howiyem eq'uetic te chapal sc'oblalic te ha yawilic sbahtel q'uinal ya xc'oht te mero yihc'al q'uinale.

Judas 1:3

Ha'ex te c'uxex ta co'tan, aunque tulan sc'oblal ta co'tan te ya jts'ihbabeyex sc'oblal te jcoleltique, hich la jc'an te ya jts'ihbabeyex yu'un ya ca'beyex yip awo'tanic yu'un yacuc xc'opojex yu'un te bintic jch'uhunejtic, te jc'axel a'bibil te mach'atic ch'ultesbilique.

1 Samuel 25:26

Yo'tic, cajwal, ¡yiloj Jehová, soc cuxulat! te Jehová la scomat ta smalel ch'ich' soc ma ba la ya'bat te yac apac ac'abal. Hich me ac'a c'ohtuc te bin ut'il Nabal te acontratac soc spisil mach'atic ya sle bin chopol ta stojol te cajwal.