1 Samuel 2:8 - Bible in Tzeltal Bachajón

⁸ Ha ya shach mohel ta ts'u'lum te pobre, ya shach ta sch'ayojibal c'a'pal te mach'a mayuc bin ay yu'un, scuenta yu'un ya yac' shuhcan sba soc príncipaletic soc ya yac' x'ich'otuc ta muc'. Como yu'un Jehová te yich'o-ip te lumq'uinal, tey la snahcan a te bahlumilale.

Bible in Tzeltal de Oxchuc y Tenejapa

⁸ Dios ya stam ta lum te me'bae, c'alal ta xch'ayjibal c'a'pal ya sjaches te mach'a ay ta wocole, soc ya yac' snajc'an sba ta yolil te mach'atic muc' sc'oplalic, ya yac'bey ta yawil te mach'atic ich'bilic ta muq'ue. Melel te Cajwaltic ja' yu'un te bit'il ipajem te lumq'uinale, tey la snajc'an a te balumilale.

1 Samuel 2:8 ပူးပေါင်းရင်းမြစ်များ

Génesis 41:14

Ha yu'un te faraón la sticon ta iq'uel te José. Ahnimal la sloq'uesic tal ta cárcel, la sloq'ues yisim, la slap yan sc'u', tal ta stojol faraón.

Génesis 41:40

Ha'at me yac acuentahimbon te jna soc ya me awal mandar ta stojol te pueblo cu'une. Ha nax ta huctajibal cu'un te ho'on xanix toyolon awu'un.

2 Samuel 7:8

Ha yu'un hich xawalbe te ca'bat David: Hich yaloj te Jehová te scuentahinej spisil: Ho'on la jquic'at loq'uel tal ta scanantayel tuminchijetic ta aquiltic, yu'un ya x'ochat ta príncipal yu'un te jpueblo Israel.

1 Reyes 16:2

Ho'on la jtamat hahchel ta ts'ubil lum, la jcotsesat ta jcuentahinwanej yu'un te jpueblo Israel. Pero ha nix la apas te bin la spas te Jeroboam, la awa'be sta smul te Israel te pueblo cu'un, te hich la ahachbon quilimba yu'un te amulique.

2 Reyes 9:6

Hich hahch te Jehú, och bahel ta na. Te jalwanej la smalbe te aceite ta sjol soc hich la yalbe: Hich ya yal te Jehová te Dios yu'un Israel: Ho'on la jmalat ta aceite yu'un ya x'ochat ta ajwalil yu'un Israel, te pueblo yu'un Jehová.

Job 1:21

hich la yal: Watalon a la yayinteson jnan, watalon a ya suhton bahel. Jehová la yac', Jehová la sloq'ues. ¡Bayeluc me yutsil sbihil te Jehová! xchi.

Job 2:8

Te Job hucul ta tan a, la stsac xeht'elul oxom yu'un ya sjot' sba a.

Salmos 102:25

Ta shahchibal ha'at la awa'be yich'o-ip te bahlumilal, ha ya'tel ac'ab te ch'ulchane.

Salmos 104:5

Ha la ya'be yich'o-ip te bahlumilal, mayuc bin ora ya stij sba ta yawil.

Salmos 107:41

Pero ya slic mohel ta swocolic te pobrehetic soc ya yac' p'ohluc sts'umbalic hich te bin jtsohb tuminchijetic.

Salmos 24:2

como ha la ya'be yich'o-ip ta sba te maretic, la scajan ta sba muc'ul-ha'etic.

Salmos 75:3

Te c'alal ya xnihc te lumq'uinal soc te mach'atic nahinemic tey a, ho'on ya ca'be yip te yich'o-ipique. Selah

Salmos 75:4

Ya calbe te jtoybahetic: Ma me xatoy abahic, xchihon, soc ya calbe te mach'atic chopol yo'tanic: Ma me toyoluc xawac' abahic;

Salmos 75:7

como ha jchahpanwanej te Diose; ha ya spehc'an te yane, soc ya stohytes te yane.

Eclesiastés 4:14

aunque loq'uem ta cárcel te querem te och ta ajwalil, o te pobre ayin ta banti cuentahimbil yu'un te ajwalile.

Isaías 22:23

Ya jts'ap hich te bin ut'il clavo ta tulan yawil, soc ha huctajibal te ay ta ich'el ta muc' ya xc'oht yu'un te sna te state.

Daniel 2:48

Te ajwalil la stohytesbe ya'tel te Daniel, la ya'be bayel mahtaniletic, la ya'be ya'tel ta gobernador yu'un spisil te jsehp q'uinal Babilonia soc jtsobaw yu'un spisil te p'ijil winiquetic yu'un Babilonia.

Daniel 4:17

Te castigo ha smandar te j'il-q'uinaletic, te mach'atic ch'uhltesbilic la yalic te bin chapale, scuenta yu'un te mach'atic cuxajtic ya me sna'ic te Dios te mero toyol ay scuentahinej te ban c'alal scuentahinej te winiquetique, ya ya'be te mach'a ya sc'an ya ya'be, ya yotses ta jcuentahinwanej te mach'a mero peq'uel ay.

Daniel 6:3

Te Daniel lec xan ya'tel te bin ut'il te schebal ajwaliletic soc te gobernadoretic como yich'oj espíritu te c'ax lec xan a, hich te ajwalil la snop te ya ya'be scuentahin spisil ban c'alal scuentahinej.

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

Santiago 2:5

Quermanotac te c'uxex ta co'tan, a'iya me awa'iyic: ¿Ma bal ha'uc tsahbil yu'un Dios te pobrehetic ta bahlumilal te ha' c'uhlejetic ta scuenta sch'uhunel yo'tanic soc ya x'a'bot yich'ic te cuentahinel yu'un Dios te yaloj te ya yich'ic te mach'a c'ux ta yo'tanic te Diose?

Apocalipsis 1:6

soc te la yac'otic ta ajwalil soc ta sacerdotehil ta stojol Dios te State. Hichuc.

Apocalipsis 22:5

Mayuquix ahc'abal; ma xtuhun yu'unic tsumbil c'ahc' o te sc'ahc'alel te c'ahc'al, como te Cajwaltic Dios ya me sacubtes q'uinal ta stojolic, soc ya me ya'iyic cuentahinwanej ta sbahtel q'uinal.

Apocalipsis 3:21

Te mach'a ya ya'iy tsalaw, ya cac' sjoquinon ta huclej ta jmuc'ul-huctajib, hich te bin ut'il la jca'iy tsalaw soc la joquin ta huclej ta smuc'ul-huctajib te Jtate.

Apocalipsis 5:10

La awa'beyix ya'telic ta ajwalil soc ta sacerdotehil ta stojol te Dios cu'untic, ya me ya'iyic cuentahinwanej ta bahlumilal, xchihic ta c'ayoj.

1 Samuel 15:17

La yal te Samuel: Aunque peq'uel la awa'iy aba, ¿ma bal ochucat ta jcuentahinwanej yu'un spisil ta chahp sts'umbal Israel, soc ma bal lajuc stsahat ta ajwalil yu'un Israel te Jehová?