1 Samuel 2:6 - Bible in Tzeltal Bachajón

⁶ Te Jehová ya yac' lajel soc ya yac' cuxlejal; ya yac' cohuc ta muquenal soc ya yac' loq'uel tal.

Bible in Tzeltal de Oxchuc y Tenejapa

⁶ Te Cajwaltic ya yac' lajucotic soc ya yac' cuxinucotic; ya yac'otic coel ta muquenal, soc ya yic'otic loq'uel tel ta muquenal.

1 Samuel 2:6 ပူးပေါင်းရင်းမြစ်များ

1 Reyes 17:22

Te Jehová la ya'iybe sc'op te Elías, la yac' cha'cuxajuc te alale.

2 Reyes 5:7

Te c'alal la yil te carta te ajwalil yu'un Israel, la sch'i' sc'u' yu'un soc hich la yal: ¿Yu'un bal Dioson te ya cac' cuxajuc soc te ya cac' te ya xlaj, te bin ut'il la sticombon tal te jtuhl winic ini yu'un ya jch'aybe sc'a'el-chamel? Tsahtaya awa'iyic ta lec, ilawilic bin ut'il ya sle bin ya yut ya scontrahinon, xchi.

Job 5:18

Como ha nix te mach'a ya yac' ehchen, soc ha nix te ya spots; ya yehchentes, ha nix ya spoxtay ta sc'ab.

Salmos 116:3

La sjoytayon ta chuquel te slazohil lajel, la stahon te tulan mel-o'tan yu'un te muquenal, la jta wocol soc mel-o'tan.

Salmos 30:4

¡C'ayojtayahic Jehová, ha'ex te ch'ultesbilex yu'un; halbeyahic yutsil te sch'ul bihile!

Salmos 68:20

Te Dios cu'untic ha ya xcoltaywan, ya scoltayotic ta lajel te Cajwaltic Jehová.

Salmos 71:20

Aunque awa'beyejon quil bayel jwocol soc bintic chopol, yac awa'bon xan jcuxlejal, yac acha'hachon xan tal ta sc'ubulil te q'uinale.

Eclesiastés 3:3

ay yorahil milaw, ay yorahil poxtayel; ay yorahil ta jinel, ay yorahil ta pasel;

Isaías 26:19

Pero ya xcuxajic te mach'atic chamenic awu'un; ya xcha'cuxajic te schamen baq'uetalique. ¡Hahchanic, c'ayojinanic, ha'ex te nahinemex ta ts'ubilum! como te ats'ujulel pajal soc te ts'ujul ta sahb; soc te q'uinal ya yac' loq'uel te mach'atic chamenic tey a.

Ezequiel 37:12

Ha yu'un hala sc'op-jalwanej, halbeya te hich yaloj te Jehová, te Ajwalil: Pueblo cu'un, ya jambeyex amuquenalic; ya cac' te ya xloq'uex tal tey a soc te ya suhtex tal ta sq'uinal Israel.

Ezequiel 37:3

Hich la yalbon: Snich'anat winic, ¿ya bal xcuxajic te baquetic ini? xchi. La jac'be: Cajwal, Jehová, ha'at ana'oj atuquel, xchihon.

San Mateo 12:40

Como hich te bin ut'il oxeb c'ahc'al soc oxeb ahc'abal ay ta sch'uht muc'ul chay te Jonás, ha nix hich te Nich'anil ay ta scuenta winic oxeb c'ahc'al soc oxeb ahc'abal ya x'ayin ta ye'tal lum.

San Juan 11:25

Halbot yu'un te Jesús: Ho'on te cha'cuxajelon soc ho'on te cuxlejalone; te mach'a ya sch'uhunon, aunque chamen, ya me xcuxaj.

Deuteronomio 32:39

Ilawilic te ho'on jtuquel ayon, mayuc yan diosetic ta jtojol. Ho'on ya cac' lajel soc ho'on ya cac' cuxlejal; ho'on ya cac' ehchen soc ho'on ya jlamajtes; mayuc mach'a ya xhu' ya xcol loq'uel ta jc'ab.

Apocalipsis 1:18

te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

1 Samuel 20:3

Te David la scha'hal xan ta jamal: Te atat sna'oj te lec awo'tan cu'un, hich wan ya yal: Ma me x'a'bot sna' ini te Jonatán scuenta yu'un ma ba ya smel yo'tan a, xchi. ¡Yiloj Jehová, soc cuxulat! jihm xanix ta ocal quiloj jba soc te lajele, xchi.