1 Samuel 2:5 - Bible in Tzeltal Bachajón

⁵ Te mach'atic nojel sch'uhtic ya yac' sbahic ta jle-a'tel scuenta we'elil, yan te mach'atic ayic ta wi'nal, mayuquix swi'nalic. Te ants te ma x'alaj, ayinix huctuhl yal; yan te mach'a ay bayel yalatac, ay ta mel-o'tan.

Bible in Tzeltal de Oxchuc y Tenejapa

⁵ Te mach'atic ay sobra swe'elic ta neelal to, yo'tic ya xbajt'iquix ta le-at'el swenta jxejt' pan; yan te mach'atic ay swi'nal ta neelal to, yo'tic ma'yuquix swi'nalic. Te ants te ma ba la yac' yal ta neelal to, yo'tic ac'botix tsobol yalatac yu'un Dios; yan te mach'a ay bayal yalatac, yo'tic ma'yuquix yutsil q'uinal ya yaiy.

1 Samuel 2:5 ပူးပေါင်းရင်းမြစ်များ

Salmos 113:9

Ya yac' te ya xnahin ta sna te jma'al, soc te tse'el yo'tan te ay yalatac. ¡Aleluya!

Salmos 34:10

Te jcolel chojetic ya xlaj yipic soc ya xtal swi'nalic, yan te mach'atic ya slehic te Jehová mayuc bin ya xpasbot falta yu'un te bin leque.

Isaías 33:9

Te lumq'uinal ya smel yo'tan soc ya xlaj yip, ya xq'uexaw te Líbano soc ya sayub; te Sarón sutp'ij ta jochol taquin q'uinal, te Basán soc Carmelo ya slihlinic cohel ya'binalic.

Isaías 54:1

¡awonan yu'un yutsil q'uinal, jma'alat, ha'at te ma ba alajat! ¡Hahchan ta c'ayoj, awonan soc yutsil q'uinal, ha'at te mayuc bin ora te alajate! como ha bayel xan yalatac te mach'a ihquitaybil te bin ut'il te mach'a ay smamalal, xchi te Jehová.

Jeremías 15:9

Laj yip te mach'a ay huqueb yalatac, loc' sch'uhlel; mahl te c'ahc'al yu'un aunque ay to te c'ahc'ale; la yich' q'uexlaltesel soc pehc'anel. Te mach'atic yu'un te cuxul hilic ya cac' te ya xlaj ta espada ta stojol te scontrahic, xchi te Jehová.

San Lucas 1:53

Te mach'atic ayic ta wi'nal la yac'ticlambe te bintic lec, pero jochol sc'abic la sticonlan bahel te jc'uhlejetique.

San Lucas 16:25

Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

Gálatas 4:27

como hich ts'ihbabil: ¡Tse'eluc me awo'tan, ha'at jma'alat te ma ba alajemat; awonan soc yutsil awo'tan, ha'at te ma ba yac awa'iybe sc'uxul alajel! como c'ax hich ay yalatac a te ants te ihquitaybil te bin ut'il te ants te ay smamalal, xchi.

Rut 4:15

Ha ya smuc'ubtesbat awo'tan soc ya scoltayat te c'alal me'elatix a; como ha alatayotix yu'un te awalib te c'uxat ta yo'tan, te c'ax hich yutsilal ta atojol a te bin ut'il huqueb aquerem-al, xchihic.

1 Samuel 1:20

Hahch yal te Ana; c'alal ts'acay te tiempo ayin squerem-al, la ya'be sbihilin Samuel, yu'un la yal: La jc'ambe te Jehová, xchi.

1 Samuel 1:6

Te Penina, te smohlol ta antsil, bayel la yuts'in soc la ya'be smel yo'tan, yu'un ma ba ac'ot ta alajel yu'un te Jehová.