1 Samuel 2:36 - Bible in Tzeltal Bachajón

³⁶ Te mach'atic hilemic awu'un ya me xtal bic'tajuc ta stojol ta sc'anel jsehpuc plata o jxehtuc pan, soc ya me yalbe: Awocoluc a'bon biluc a'telil ta sacerdotehil scuenta yu'un hich ya xhu' ya jwe' jxeht'uc pan a, xchi te winic yu'un Dios.

Bible in Tzeltal de Oxchuc y Tenejapa

³⁶ Te jayeb xan ats'umbal cuxul ya xjile, ya me xtal bic'tajicuc ta stojol ta sc'anel jsejpuc taq'uin o ta sc'anel jtebuc we'elil. Ya me xtal yalbeyic wocol yu'un ya x'ac'botic at'el ta sacerdoteil swenta yu'un jich ya sta swe'elic a —xi'.

1 Samuel 2:36 ပူးပေါင်းရင်းမြစ်များ

1 Reyes 2:27

Hich te Salomón la sloq'ues ta sacerdotehil ta stojol Jehová te Abiatar, scuenta yu'un ya xc'oht ta pasel a te bin la yal te Jehová ta Silo sc'oblal te mach'atic ay yu'un te Elí.

2 Reyes 23:9

Te sacerdotehetic yu'un te toyol awilaletic, aunque ma ba mohic bahel ta scajtajib ta chiq'uel mahtanil yu'un Jehová ta Jerusalén, la swe'ic te pan ma ba yich'oj levadura soc te smohloltac ta sacerdotehile.

Proverbios 14:19

Te mach'atic chopol yo'tanic ya me squejan sbahic ta stojol te mach'atic lec yo'tanic, te mach'atic chopol yo'tanic ya me squejan sbahic ta sti'il sna te mach'atic toj yo'tanic.

Malaquías 1:13

Soc hich awalojic: C'axix co'tan yu'un ini, xchihex, soc yac ap'ajonic, xchi te Jehová te scuentahinej spisil. La awich'ic talel te bin elc'ambil, te coxo', o te ay ta chamel, ha yac awa'bonic jmahtanin. ¿Ya bal jtsacbeyex ta ac'abic? xchi te Jehová te scuentahinej spisil.

Jueces 17:10

Hilan ta jna, xchi te Micaía. Ha me tatil soc sacerdote ya xc'ohat cu'un; ya jtojat lajuneb (10) ta sehp plata ta jujun ha'bil, soc ya ca'bat ac'u' apac' soc awe'el awuch'el, xchi.

1 Samuel 2:35

Ya cotses yan sacerdote te jun yo'tan ta jtojol, te ya spas te bin ya sc'an co'tan. Ya cac' ya xhalaj te sts'umbal, soc ya me x'a'tej spisil ora ta stojol te mach'a tsahbil cu'une.

1 Samuel 3:1

Te querem Samuel la yac' sba ta a'batinel yu'un Jehová ta stojol Elí. Ha yorahil a te ma ba nopic tal te sc'op Jehová soc te bin ya x'a'bot yil ta nahalsit.