1 Samuel 2:35 - Bible in Tzeltal Bachajón

³⁵ Ya cotses yan sacerdote te jun yo'tan ta jtojol, te ya spas te bin ya sc'an co'tan. Ya cac' ya xhalaj te sts'umbal, soc ya me x'a'tej spisil ora ta stojol te mach'a tsahbil cu'une.

Bible in Tzeltal de Oxchuc y Tenejapa

³⁵ Ya me jtsa yan sacerdote te jun yo'tan ta jtojol te ja' ya spas te bila ya jmulan soc te bila ya sc'an te co'tane. Ya me cac'bey sts'umbal ta cajalcaj bael, ya me cac' at'ejuc ta stojol spisil ora te muc' ajwalil te jo'on ya jtsae.

1 Samuel 2:35 ပူးပေါင်းရင်းမြစ်များ

2 Samuel 7:11

te c'alal la jcotses juecetic ta stojol te jpueblo Israel. Soc te ha'ate ya ca'bat acux awo'tan yu'un spisil acontratac. Soc te Jehová ya ya'bat ana' te ha ya spasbat ana stuquel.

2 Samuel 7:27

Como ha'at, Jehová te acuentahinej spisil, te ha Diosat yu'un Israel, hich la awa'be sna' te a'bat awu'un: Ho'on ya jpasbat ana, te xchihate. Ha scuentahil te la sta yip yo'tan te a'bat awu'un ta sc'anel ta atojol te bin ay ta c'anel ini.

1 Reyes 1:45

Soc te sacerdote Sadoc soc te jalwanej Natán la smalbeyic aceite scuenta otsesel ta ajwalil ta Gihón. Tey mohic bahel soc yutsil yo'tanic a, soc ha scuentahil te bayel xjuyetic ta pueblo. Ha te xjuyet te la awa'iyique.

1 Reyes 1:8

Pero te sacerdote Sadoc, te Benaía snich'an Joiada, te jalwanej Natán, Simei, Rei, soc te winiquetic yu'un David te muc' sc'oblalic, ma ba la st'unic te Adonías.

1 Reyes 11:38

Teme yac awa'iy spisil te bin ya calbat ta mandar soc teme ya xbehenat ta be cu'un, teme yac apas te bin toj ta jtojol, te yac ach'uhun te mandariletic soc te bin caloj ta mandar, hich te bin ut'il la spas te ca'bat David, ho'on ya joquinat soc ya cac' te ya yich' yip te ats'umbal, hich te bin ut'il la jpasbe te sts'umbal David. Ya ca'bat te Israel,

1 Reyes 2:35

Te ajwalil la yotses ta jtsobaw yu'un soldadohetic te Benaía scuenta sjelol te Joab, soc te sacerdote Sadoc scuenta sjelol te Abiatar.

1 Crónicas 29:22

Ta hich ora tse'el yo'tanic we' uch'ic ta stojol Jehová. Soc la scha'halic xan te ha ajwalil te Salomón snich'an David, la smalic ta aceite ta stojol Jehová scuenta ajwalil ya xc'oht, soc la smalic ta aceite te Sadoc scuenta sacerdote.

Salmos 18:50

Ha ya ya'be muc' tsalaw te ajwalil yu'un, soc ya sc'uxultay te mach'a tsahbil yu'un, ha te David soc te sts'umbal ta sbahtel q'uinal.

Salmos 2:2

Ya xhahchic te ajwaliletic ta q'uinal, soc te príncipaletic junax ya yac' sbahic ta schapel scontrahinel te Jehová soc te mach'a tsahbil yu'une.

Éxodo 1:21

Te bin ut'il la xi'ic Dios te jtam-alaletic, la yac' p'ohluc te mach'atic ay yu'unique.

Ezequiel 34:23

Ya ca'beyic jtuhl jcanan te ya scanantay, ha te ca'bat David; ya scanantay, ha jcanan yu'unic ya xc'oht.

Números 25:13

Ha yu'un ya xc'oht soc sts'umbal te chapbil-c'op scuenta sacerdotehil te ma xlaj sc'oblal, ta scaj te xut'et yo'tan yu'un te Dios yu'un, soc te la yac' te stojel mulil yu'un te snich'nab Israel, xchi sc'oblal.

Hebreos 2:17

Ha scuentahil te la sc'an te spisil pajal ay soc te yermanotac, scuenta yu'un muc'ul sacerdote ya xc'oht te ya xc'uxultaywan soc te jun yo'tan ta spasel te ya'tel Dios, yu'un ya stojbe smul te pueblo.

1 Samuel 10:10

C'alal c'ohtic ta Gabaa, tahot yu'un te jchahp jalwanejetic. Te espíritu yu'un Dios hul ta stojol soc yu'el, te Saúl la sjoquin ta aw ta sc'op-jalwanej.

1 Samuel 10:9

Te c'alal la sut loq'uel sba te Saúl yu'un ya xloc' bahel ta stojol Samuel, jelbot yo'tan yu'un Dios te Saúl; c'oht ta pasel spisil te señahiletic ta hich ora.

1 Samuel 12:3

Li' ayon; halbonic jmul ta stojol Jehová soc ta stojol te mach'a tsahbil yu'un, teme ay mach'a la jpojbe swacax, teme ay mach'a la jpojbe sburro, teme ay mach'a la jtojol-lehbe smul, teme ay mach'a ay swocol cu'un, o teme ay mach'a la jquich'be staq'uin yu'un ya smacbon jsit a; ya me jsuhtbeyex, xchi.

1 Samuel 16:13

Hich te Samuel la stsac te xulubil te yich'oj aceite, la smalbe aceite ta yohlil te sbanquiltac. Ta hich ora bahel te David u'untayot yu'un te espíritu yu'un Jehová. Patil hahch te Samuel, suht bahel ta Ramá.

1 Samuel 2:36

Te mach'atic hilemic awu'un ya me xtal bic'tajuc ta stojol ta sc'anel jsehpuc plata o jxehtuc pan, soc ya me yalbe: Awocoluc a'bon biluc a'telil ta sacerdotehil scuenta yu'un hich ya xhu' ya jwe' jxeht'uc pan a, xchi te winic yu'un Dios.

1 Samuel 25:28

Awocoluc pasbeya perdón te a'bat awu'un te bin chopol ini. Jehová ya me ya'be yip te sna te cajwal, yu'un yacat ta spasel te guerra yu'un Jehová, soc ma me ayuc bin chopol ya stahat te jayeb c'ahc'al cuxulat.

1 Samuel 3:1

Te querem Samuel la yac' sba ta a'batinel yu'un Jehová ta stojol Elí. Ha yorahil a te ma ba nopic tal te sc'op Jehová soc te bin ya x'a'bot yil ta nahalsit.

1 Samuel 7:9

Te Samuel la stsac jcoht alal-tuminchij te ya to schu'un, la ya'be scuenta scohtol chic'bil smahtan te Jehová; soc awon ta stojol Jehová ta scuenta Israel; a'iybot sc'op yu'un Jehová.

1 Samuel 8:3

Pero te snich'nab ma ha'uc la st'unic te be yu'un te statique, la yihquitayic hilel scaj sbic'sitayel c'ulejalil; la yich'ic taq'uin soc la sbohlobtesic te stojil chahpanel.

1 Samuel 9:12

La sjaq'uic te ach'ixetic: Tey. Ilawil, tey xanix ay bahel awu'unic. Suja aba, como hulem talel ta pueblo, yu'un yo'tic te ants-winiquetic ya xbaht yaq'uic milbil mahtanil ta toyol awilal.

1 Samuel 9:13

Te c'alal ya x'ochex bahel ta pueblo, lehahic, te ma to xmo bahel ta we'el ta toyol awilal a; como ha to ya xwe'ic te ants-winiquetic teme c'ohte, como ha ya ya'be bendición te milbil mahtanil, patil ya xwe'ic te mach'atic ic'bilique. Mohanic bahel hiche, yu'un ya to xc'oht atahic ta ora, xchihic.