1 Samuel 2:30 - Bible in Tzeltal Bachajón

³⁰ Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.

Bible in Tzeltal de Oxchuc y Tenejapa

³⁰ Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

1 Samuel 2:30 ပူးပေါင်းရင်းမြစ်များ

1 Reyes 11:11

Ha yu'un te Jehová hich la yalbe te Salomón: Te bin ut'il hich ay te awo'tan, te ma ba c'oht ta pasel awu'un te chapbil-c'op cu'un soc te mandariletic cu'un te la jcalbat ta mandar, ya jpojbat te awa'tel ta ajwalil, ya ca'be te a'bat awu'une.

1 Reyes 2:27

Hich te Salomón la sloq'ues ta sacerdotehil ta stojol Jehová te Abiatar, scuenta yu'un ya xc'oht ta pasel a te bin la yal te Jehová ta Silo sc'oblal te mach'atic ay yu'un te Elí.

1 Crónicas 17:18

¿Bin xan yan ya xhu' ya yal David yu'un te ich'el ta muc' la awa'be te a'bat awu'une? Ha'at yac ana'be sba te a'bat awu'une.

2 Crónicas 15:2

hich loc' sta te Asa, hich la yalbe: A'iybon awa'iyic jc'op, Asa soc spisil Judá soc Benjamín: Ya me sjoquinex te Jehová teme jun awo'tan yac awac' abahic ta stojol. Teme yac alehic, ya me atahic; yan teme yac awihquitayic, ya me yihquitayex.

2 Crónicas 26:18

la stsac sbahic ta c'op, hich la yalic: Ajwalil Uzías, ma ha'ucat ay ta acuenta schiq'uel pom ta stojol Jehová, ha ay ta scuentahic te sacerdotehetic te ha sts'umbal Aarón, te ch'uhltesbilic yu'un schiq'uel te pom. Loc'an bahel ta ch'ul awilal, como la ata amul, ma ba ya yac'at ta ich'el ta muc' yu'un te Jehová, xchihic.

Salmos 18:20

Te Jehová la ya'bon jmahtan ha chican bin yilel stojil ca'tel; la ya'bon stojol jc'ab ha chican bin yilel te slequil ya'tel te jc'abe,

Salmos 18:26

lec yac awac' aba ta ilel ta stojol te mach'a lec yo'tan, pero tulan yac awac' aba ta stojol te mach'a chopole.

Salmos 50:23

Te mach'a ya yalbon wocol te ha jmahtan yu'un, ha ya yich'on ta muc'; te mach'a toj ya xbehen, ya ca'be yil te colel yu'un Dios, xchi te Jehová.

Salmos 73:20

Hich te bin ut'il swayich te mach'a ya xhahch ta wayel, hich te c'alal ya xhahchat, Cajwal, yac ap'aj te bin scuyoj sbahic a.

Salmos 91:14

Ya yal te Diose: Te bin ut'il c'uxon ta yo'tan, ya me cac' ta libre; ya cac' ta toyol ta scaj te ya sna'bon te jbihile.

Salmos 91:15

Ya sc'oponon, ya me jac'be sc'op; ya joquin c'alal ay ta wocol, ya cac' ta libre soc ya cac' ta ich'el ta muc'.

Éxodo 28:43

Ha ya slapic te Aarón soc te snich'nab te c'alal ya x'ochic bahel ta Nahilpac' Templo yu'un tahojibal, o te c'alal ya xnohpojic tal ta scajtajib ta chiq'uel mahtanil yu'un ya spas ya'tel ta ch'ul awilal, scuenta yu'un ma ba ya sta smulic te ya xchamic yu'une. Ha mandaril te stalel ya xhil ta stojol soc ta stojol te sts'umbal ta patil bahele.

Éxodo 29:9

Ya me achucbe sch'uhtic te Aarón soc snich'nab, soc ya me axojticlambe ta sjolic te spixjol pac'; hich ay ya'telic ta sacerdotehil te ma xlaj sc'oblal. Hich me yac awa'be yich' ya'telic te Aarón soc te snich'nabe.

Proverbios 12:8

Te winic ay ta halbeyel yutsil sc'oblal, ha chican te sp'ijil yo'tan, pero ya x'ihlayot te mach'a bohl yo'tane.

Proverbios 4:8

Ich'a ta cuenta te p'ijil-o'tanil, hich ya stoybat ac'oblal; mech'a, hich ya yac'at ta ich'el ta muc'.

Proverbios 8:17

C'ux ta co'tan te mach'a c'uxon ta yo'tan, soc te mach'atic ya slehonic ya stahonic.

Isaías 29:13

Hich la yal te Jehová: Te pueblo ini ya xnohpojic tal ta jtojol soc sc'opic soc ya yich'onic ta muc' ta sti'il nax yehic, pero namal ay ta jtojol te yo'tanic soc te ya yich'onic ta muc', ha nax smandar winic te nohptesbilic a.

Jeremías 29:32

ha yu'un hich yaloj te Jehová: Ya ca'be castigo te Semaías te talem ta Nehelam soc te sts'umbale. Mayuc mach'a ay yu'un te ya xnahin ta yohlil te pueblo ini, soc ma ba ya yil te bintic lec ya jpasbe te pueblo cu'un, xchi te Jehová, como la yal toyba-c'op ta scontrahinel te Jehová, xchi.

Jeremías 49:15

Tut ya cac'at ta yohlil te nacionetic, p'ajbil ya xc'ohat ta yohlil te ants-winiquetique.

Ezequiel 34:10

Hich yaloj te Jehová, te Ajwalil: ¡Ho'on ya jcontrahin te jcanan-tuminchijetic, soc ya quich'be ta cuenta yu'un te tuminchijetic cu'une! Ya jloq'ues ta scanantayel te tuminchijetic cu'un, soc te jcanan-tuminchijetic ma ba ha nax ya scanantay sbahic, ya jcoltay ta yehic te tuminchijetic cu'un, ma ba ya xti'otiquix yu'unic, xchi.

Daniel 4:34

C'alal ts'acay te yorahil, ho'on Nabucodonosor, la jquil mohel ta ch'ulchan, la jna' xan q'uinal. La jcalbe wocol te Mach'a mero toyol ay, la jcalbe yutsil sc'oblal soc la jquich' ta muc' te Mach'a cuxul scuenta sbahtel q'uinal, hich la jcal: Sbahtel q'uinal ay te cuentahinel yu'un, ay ta ajwalinel ta cajalcaj ts'umbalil.

Malaquías 1:6

Te nich'anil ya yich' ta muc' te state, soc te a'bat ya yich' ta muc' te yajwale; teme ho'on tatilon, ¿bin yu'un ma ba yac awich'onic ta muc'? teme ho'on ajwalilon, ¿bin yu'un ma ba yac axi'onic, ha'ex sacerdotehex te yac ap'ajic te jbihile? xchi te Jehová te scuentahinej spisil. Pero yac awalic: ¿Bin ut'il jp'ajojcotic te abihile? xchihex.

Malaquías 2:3

Ya jtij ta c'op ats'umbal, ya jch'ojbeyex tsa' ta asit awelawic, ha te stsa' chambahlametic te yac awaq'uic scuenta milbil mahtaniletic, soc pajal ya xch'ojotex loq'uel soc.

Números 11:20

pero ta sjunal u, ha to c'alal ya xmal loq'uel ta ani'ic soc te ya yihlay awo'tanic, como la awil-o'tantayic te Jehová te ay ta awohlilic soc la awoq'uetay abahic, te hich la awalic: ¿Bin yu'un loc'otic tal ta Egipto? te xchihexe.

Números 35:34

Ma me xabohlobtesbe sc'oblal te q'uinal te banti ya xnahinex, tey ta banti ya xnahinon, como ho'on Jehovahon ya xnahinon ta yohlil te snich'nab Israel, xchi.

San Juan 12:26

Teme ay mach'a ya yac' sba ta a'batinel cu'un, ac'a st'unon; te banti ayon, ha nix hich tey ay a te a'bat cu'une. Te mach'a ya yac' sba ta a'batinel cu'un, ya me x'ich'ot ta cuenta yu'un te Jtate.

San Juan 5:23

scuenta yu'un spisil ya me yich'ic ta muc' te Nich'anil, hich te bin ut'il ya yich'ic ta muc' te Tatile. Te mach'a ma ba ya yich' ta muc' te Nich'anil, ma ba yich'oj ta muc' te Tatil te ticonot tal yu'une.

San Juan 5:44

¿Bin ut'il c'an ach'uhunic teme talel c'axel yac awalbel abahic yutsil ac'oblalic, te ma ha'uc yac alehic te yutsil ac'oblalic te ya xtal ta stojol te Dios te stuquel ay?

San Juan 8:49

La sjac' te Jesús: Mayuc pucuj ta co'tan, ha ya quich' ta muc' te Jtate; pero te ha'exe, yac abohlobtesbonic jc'oblal.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

1 Pedro 1:7

scuenta yu'un teme la yich'ix tsajel te sch'uhunel awo'tanic, te c'ax hich yutsil a te bin ut'il oro, (aunque ya xlaj, pero ya xtsajot ta c'ahc'), lec me sc'oblal ya xc'oht, soc ay me yutsilal soc ich'bil ta muc' ya xc'oht te c'alal ya xchicnaj tal te Jesucristo.

Jueces 9:10

Ha yu'un te te'etic la yalbeyic te higuera: La' me, ochan ta ajwalil cu'uncotic, xchihic.