1 Samuel 2:3 - Bible in Tzeltal Bachajón

³ Ma me xc'opojex soc atoybahilic, ma me xloc' toyba-c'op ta awe'ic, como te Jehová ha te Dios te ya sna' spisil, soc ay ta scuenta stsahtayel te bintic ya yich' pasele.

Bible in Tzeltal de Oxchuc y Tenejapa

³ Ma me ayuc mach'a xc'opoj soc stoybail, ma me ayuc mach'a ya stoy sba ta jc'axel soc te sc'ope, melel te Cajwaltic, ja' Dios te spisil ya sna' stuquele, ja' te ya stsatay spisil te bitic ya spas te ants-winiquetique.

1 Samuel 2:3 ပူးပေါင်းရင်းမြစ်များ

1 Reyes 8:39

a'iybeya sc'opic c'alal ta ch'ulchan, te banti nahinemat, pasbeya perdón, pasa te bin ya sc'an pasel. A'beya ta tuhlultuhl ha chican bin yilel te bin spasojic, como ha'at ana'beyej yo'tan (como ha'at nax atuquel ana'beyej yo'tan spisil ants-winiquetic),

Job 31:6

¡Dios ac'a slicon ta stojil balanza, hich me ya sna' a te mayuc jmul!

Salmos 147:5

Muc' te Cajwaltic soc bayel yu'el; mayuc ta p'isel te snopojibal yu'une.

Salmos 17:10

Macbil yo'tanic yu'un sjuhp'elic, ya xloc' toyba-c'op ta yehic.

Salmos 31:18

Ac'a ch'abuc ta c'op te lotil-ehaletic, te ta scuenta toybahil soc p'ajel ya scontrac'optayic te mach'a toj yo'tane.

Salmos 44:21

¿ma bal lajuc sna' te Diose? como ha sna'oj spisil te bin muquen ay ta o'tanil.

Salmos 75:5

ma me xatoy abahic yu'un te bin ya xhu' awu'unic spasel, ma me xawalic toyba-c'op, xchihon.

Salmos 94:4

Ya xloc' bayel toyba-c'op ta yehic, ya stoy sbahic spisil mach'atic ya spasic bin chopol.

Proverbios 16:2

Spisil te behetic yu'un te ants-winiquetic lec c'ohem ta yo'tanic, pero te Jehová ya stsahtay te bin yu'un te hich ya spase.

Proverbios 24:12

Teme yac awal: Ma ba la jna'cotic, teme xchihate, ¿yu'un bal ma ba ya sna' te mach'a ya yil o'tanil? Te mach'a ya scanantaybat acuxlejal ya me sna', ya me ya'be stoj jujutuhl ha chican bin yilel te ya'tele.

Proverbios 8:13

Te xi'el te Jehová, ha te sp'ajel te bin chopol; ya quihlay te toybahil soc te muc' ya scuy sba, te chopol be soc te chopol c'op.

Isaías 26:7

Ha toj te be yu'un te mach'a toj yo'tan, ha'at te toj awo'tan, yac apamambe te sbe te mach'a toj yo'tan.

Isaías 37:23

¿Mach'a a te la alaban? ¿Mach'a a te la abohlc'optay? ¿Mach'a a te la atoy ac'op ta stojol ta scontrahinel soc te la atoy asit yu'un toybahil? ¡Ha te Ch'ul Dios yu'un Israel!

Jeremías 17:10

Ho'on Jehovahon ya jtsahtay te o'tanil, soc ya jtsahtay te bin snopoj, yu'un ya ca'be stoj ta tuhlutuhl ha chican bin ya spasic, ha chican bin yilel sit te ya'tele, xchi te Jehová.

Ezequiel 35:13

Toyol la awac' aba ta jtojol ta scuenta te bin la awale, bayel p'ohl te bin la awal ta scontrahimbelon, ho'on la jca'iy.

Daniel 4:37

Yo'tic, ho'on Nabucodonosor, ya calbe wocol, ya jtoybe sc'oblal soc ya calbe yutsil sc'oblal te Muc'ul Ajwalil ta ch'ulchan, como smelelil spisil bin ya spas soc toj te behetic yu'une; ya xhu' ya spehc'an te mach'atic toyol yac'oj sbahic, xchi.

Daniel 5:27

TEKEL: la awich' p'isbeyel awalal ta balanza, chicnaj te ya spas falta, xchi.

Malaquías 3:13

Mero tulan te c'opetic awu'unic ta jtojol, xchi te Jehová. Pero yac ajoc'oyic: ¿Bin a te calojcotic ta acontra? xchihex.

Hebreos 4:12

Cuxul te sc'op Dios soc ay yu'el ya x'a'tej, c'ax hich ya xbojawan a te bin ut'il espada te scha'bunjehchel ay ye te ya sta c'ohel ta c'ubul banti ya sjat te ch'uhlelal soc te espíritu, ya sjat te sts'acomba baq'uet soc stanahul, ya stsahtay te jpensartic soc bintic ya sc'an ya spas te co'tantique.

Josué 22:22

¡Te Jehová te Dios yu'un diosetic, Jehová te Dios yu'un diosetic, ha ya sna' soc ac'a ya'be sna' te Israel: Teme ha ta scuenta toybahil o teme ma junuc co'tancotic ta stojol Jehová, ma me xawac' ya xcuxajotcotic yo'tic!

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Jueces 9:38

La yal te Zebul: ¿Bin ut'il ay a te hich awalojix: ¿Mach'a a te Abimelec te ya cac' jbahtic ta a'batinel yu'une? te xchihate. ¿Ma bal ha'uc ini te winiquetic te mayuc sc'oblal ta awo'tane? Bahan hiche, a'beya guerra, xchi.

1 Samuel 16:7

Pero halbot yu'un Jehová te Samuel: Ma me ha'uc xawil te bin yilel o te bin yilel snahtil, como ch'aybil cu'un. Como te Jehová ma ha'uc ya yil te bin ya yil te ants-winic, como te ants-winic ha ya yil te bin chican ta sit, yan te Jehová ha ya yil te bin yilel te o'tanile, xchi.