1 Samuel 2:29 - Bible in Tzeltal Bachajón

²⁹ ¿Bin yu'un te mayuc sc'oblal ta awo'tanic te chic'bil mahtaniletic soc te yantic mahtaniletic cu'un te la jpas ta mandar te ya yich' aq'uel ta Nahilpac' Templo; soc te c'ax hich yac awich' ta muc' a te anich'nab te bin ut'il te ho'one, ha te yac ajup'teslambel ta banti c'ax lec yu'un te mahtaniletic ya yaq'uic te pueblo Israel cu'un? xchi te Jehová.

Bible in Tzeltal de Oxchuc y Tenejapa

²⁹ ¿Bi yu'unix a jiche te mero ma'yuc sc'oplal ta awo'tanic te scojt'ol chic'bil jmajt'an soc te yan jmajt'ane, te bit'il jo'on caloj mandal te ya yich' aq'uele? ¿Bi yu'un te ja' bayal sc'oplal ta awo'tan ya awaiy te anich'nab, c'ax jich a te bit'il te jmajt'ane? Melel yacat sjujp'esel ta buen lequil jmajt'an yu'un te israeletic, ja' te lum cu'une”, xi' ac'oplal yu'un te Cajwaltique.

1 Samuel 2:29 ပူးပေါင်းရင်းမြစ်များ

2 Reyes 12:6

Pero ta oxeb scha'winic (23) ha'bil yochel ta ajwalil te Joás, te sacerdotehetic ma to ba schahpanejic a te banti jihnem te Templohe.

Salmos 26:8

C'ux ta co'tan te ana ta banti nahinemat, Jehová, te banti nahinem te awutsilale.

Ezequiel 13:19

La abohlobtesbonic jc'oblal ta stojol te pueblo cu'un ta scuenta cheb oxeb ta johp cebada soc xeht'elul pan, ha te yac amilic te mach'atic ma sc'oblaluc ya xlajic soc yac awac' cuxajuc te mach'atic sc'oblal ma ba cuxul ya xhilic, te yac alo'loybonic te pueblo cu'un te ya sch'uhunic te lotil c'ope.

Ezequiel 34:10

Hich yaloj te Jehová, te Ajwalil: ¡Ho'on ya jcontrahin te jcanan-tuminchijetic, soc ya quich'be ta cuenta yu'un te tuminchijetic cu'une! Ya jloq'ues ta scanantayel te tuminchijetic cu'un, soc te jcanan-tuminchijetic ma ba ha nax ya scanantay sbahic, ya jcoltay ta yehic te tuminchijetic cu'un, ma ba ya xti'otiquix yu'unic, xchi.

Ezequiel 34:2

Snich'anat winic, hala sc'op-jalwanej ta scontrahinel te jcanan-tuminchijetic yu'un Israel, hich me xawalbe te jcanan-tuminchijetic: Hich yaloj te Jehová, te Ajwalil: ¡Obol sbahic te jcanan-tuminchijetic yu'un Israel te ha nax ya smac'lin sbahique! ¿Ma bal yacuc smac'linic te jtsohb tuminchijetique?

Oseas 4:8

Ya xwe'ic ta scuenta smulic te pueblo cu'un, soc ya sc'an yo'tanic te ya sle smulic.

Levítico 19:15

Ma xapas te bin ma stojiluc ta chahpanel, ma xana'be yo'bolil sba te mach'a pobre soc ma xacoltay te mach'a muc' sc'oblal; stojil me xachahpan te apat-axuhc.

Miqueas 3:5

Hich yaloj te Jehová sc'oblal te jalwanejetic te ya yac' howijuc bahel te pueblo cu'un, te hich ya yalic ta aw: Lamal q'uinal, xchihic te c'alal ay swe'elic, yan te mach'atic ma ba ya x'a'bot swe'elic yu'un ya yalbeyic sc'oblal guerra.

San Mateo 10:37

Te mach'a c'ax hich c'ux ta yo'tan a te sme'stat te bin ut'il te ho'one, ma xtuhun cu'un. Te mach'a c'ax hich c'ux ta yo'tan a te yal-snich'anic te bin ut'il te ho'one, ma xtuhun cu'un.

San Mateo 22:16

La sticonic bahel te jnopojeletic yu'unic soc te winiquetic yu'un Herodes, hich c'oht yalbeyic: Maestro, jna'ojcotic te smelelil ya xc'opojat soc smelelil yac awac' ta nopel te be yu'un Dios, mayuc sc'oblal awu'un te bin ya yal yantic, como ma ba yac awilbe bin yilel stalel te ants-winiquetique.

San Lucas 14:26

Te mach'a ya xtal ta jtojol, teme ma ba ya sloq'ues ta yo'tan te sme'stat, yihnam, yal-snich'nab, sbanquiltac, swixitac, yihts'inab soc nix te scuxlejale, ma xhu' ya x'och ta jnopojel cu'un.

Romanos 16:18

como te mach'atic hich ya spasic, ma ha'uc yac'oj sbahic ta a'batinel yu'un te Cajwaltic Jesucristo, ha nax ya spasic te bin ya sc'an yo'tanic stuquel. Ta scuenta t'ujbil c'opetic soc te bintic lec ta a'iyel ya slo'loybe yo'tanic te mach'atic ma sna'ic stsahtayel.

2 Corintios 5:16

Ha yu'un yo'tic soc ta patil bahel mayuc mach'a ya jna'becotic sba ta scuenta ch'ich'-baq'uet, aunque ta nahil to hich la jna'becotic sba te Cristo, ma hichuquix ta ora ini.

Deuteronomio 32:15

Pero juhp' te Jesurún, soc pujawan ta teq'uel, (c'ax juhp'at, mero bayel ajuhp'el). Ha yu'un la sch'ay ta yo'tan te Dios te pasot yu'une; la yihlay te Muc'ul Ton te ya xcoltayot yu'un.

Deuteronomio 33:9

te mach'a hich la yalbe sc'oblal te sme'static: Jc'axel mayuc xquil, xchi. Ma ba la yich' ta cuenta te yermanotac, soc ma ba la sna'be sba te yal-snich'nab. Pero ha'ic la sch'uhunic spasel ac'op, ts'acal la spasic te chapbil-c'op awu'une.

Santiago 3:17

Yan te p'ijil-o'tanil te ya xtal ta toyol, mayuc bin capal tey a, lamal yo'tan, manso yo'tan, bayel ya sna' yo'bolil jbahtic soc lec te sit ya yac', ma tsahbiluc nax mach'a ay ta yo'tan, soc ma jchebal-o'tanuc.

Josué 18:1

Spisil te pueblo yu'un te snich'nab Israel la stsob sbahic ta Silo, la schahpanic tey a te Nahilpac' Templo yu'un tahojibal. U'untaybilix spisil a te q'uinal,

1 Samuel 3:13

Soc ya ca'be sna' te spisil ora ya ca'be castigo te mach'atic ay yu'un, ta scaj te bin chopol sna'oj; como la sbohlc'optayic Dios te snich'nab, pero ma ba la scomticlan.