1 Samuel 2:28 - Bible in Tzeltal Bachajón

²⁸ Ha la jtsa loq'uel ta yohlil spisil te jchahp yu'un Israel scuenta sacerdote cu'un ya xc'oht, yu'un ya yac' chic'bil mahtanil ta scajtajib cu'un, ya schic' pom, soc ya slap efod ta jtojol. La jca'be te mach'atic ay yu'un atat spisil te mahtaniletic chic'bilic ta c'ahc' te ya yaq'uic te snich'nab Israel.

Bible in Tzeltal de Oxchuc y Tenejapa

²⁸ Soc la jtsa loq'uel ta yolil spisil sts'umbal Israel te mach'atic ya x'ochic ta sacerdoteil cu'un, swenta yu'un ya me yac'bonic chic'bil jmajt'an ta scajtijib cu'un, soc ya me xchic'bonic pom, soc ya me slapic tel efod ta jtojol. Soc xan, te antiguo ats'umbalic la cac'bey te majt'aniletic te ya yac' ta chiq'uel te israeletic ta swenta quich'el ta muq'ue.

1 Samuel 2:28 ပူးပေါင်းရင်းမြစ်များ

2 Samuel 12:7

Ha yu'un te Natán hich la yalbe te David: Ha'at abi. Hich yaloj te Jehová te Dios yu'un Israel: Ho'on la jtsahat ta ajwalil yu'un Israel, la jcoltayat ta sc'ab Saúl.

2 Samuel 6:14

Te David slapoj efod pasbil ta lino-pac', soc yac wihlawetel ta spisil yip ta stojol Jehová.

Éxodo 28:1

Ac'a taluc ta atojol te abanquil Aarón soc snich'nab scuenta yu'un ha sacerdotehetic ya xc'ohtic cu'un ta yohlil te snich'nab Israel; te Aarón soc snich'nab, ha te Nadab, Abiú, Eleazar soc Itamar.

Éxodo 28:4

Te c'u'uletic ya spasic, ha te bolsa pac' ya xc'oht ta stahn, te efod, nahtil-c'u'ul, muc'ul c'u'ul te ch'albil ta ts'isel, spixjol pac', soc te schuhquil sch'uhte. Ya me spasic te ch'ul c'u'uletic yu'un te abanquil Aarón soc te snich'nab scuenta yu'un ha me sacerdotehetic ya xc'ohtic cu'un.

Éxodo 30:7

Te Aarón tey me ya schic' pom a te sumet yic' ta jujun sab c'alal ya schahpan te tsumbil c'ahq'ue.

Éxodo 30:8

Te c'alal ya stsun te c'ahc' ta yihc'ubel q'uinal te Aarón ha nix hich ya me schic' te pom. Spisil ora ya me yich' pasel ta stojol Jehová yu'un te patil al-nich'anetique.

Levítico 2:10

Te jayeb ya xhil yu'un te mahtanil, ha yu'un Aarón soc te snich'nabe. Ha te bin mero ch'ultesbil yu'un te mahtaniletic ya yich'ic chiq'uel ta stojol Jehová.

Levítico 2:3

Te jayeb ya xhil yu'un te mahtanil, ha yu'un Aarón soc te snich'nabe, ha mero ch'ultesbil mahtanil te ya yich' chiq'uel ta stojol Jehová.

Levítico 6:16

Te jayeb ya xhil, ha ya swe' te Aarón soc te snich'nabe. Mayuc slevadurahil ya swe'ic ta lugar te ch'ultesbil; ha ya swe'ic ta yamaq'uil te Nahilpac' Templo yu'un tahojibal.

Levítico 7:32

Ya me awa'be te sacerdote te swa'el ya' te ya yich' aq'uel yu'un te milbil mahtanil scuenta lamal q'uinal.

Levítico 7:36

Te c'alal bin ora la yich'ic malel ta aceite scuenta ch'ultesel, te Jehová la yalbe te snich'nab Israel te hich ya x'a'botic te Aarón soc te snich'nab; ha mandaril te ma xlaj sc'oblal ta cajalcaj sts'umbalic.

Números 16:5

La yalbe te Coré soc spisil te mach'a sjoquinejic: Pajel te Jehová ya me yac' ta ilel mach'a a te ha yu'un soc te ch'ultesbil, ha ya yac' te ya xnohpoj tal ta stojol. Te mach'a tsahbil yu'un, ha ya yac' ya xnohpoj tal ta stojol.

Números 18:19

Spisil te ch'ul mahtaniletic ya ya'beyic Jehová te snich'nab Israel la jca'bat ha'at soc te ach'iex-queremetic awu'un scuenta mandaril te ma xlaj sc'oblal. Ha chapbil-c'op yu'un ats'am te ma xlaj sc'oblal ta stojol Jehová te ha awu'un soc yu'un ats'umbal, xchi te Jehová.

1 Samuel 14:3

soc Ahías snich'an Ahitob, te yermano Icabod snich'an Finees, te snich'an Elí, te sacerdote yu'un Jehová ta Silo, te yich'oj te efod. Mayuc mach'a sna'oj te bahem te Jonatán.

1 Samuel 2:18

Te querem Samuel yac yac'bel sba ta a'batinel ta stojol Jehová, sc'u'inej efod pasbil ta lino-pac'.