1 Samuel 2:25 - Bible in Tzeltal Bachajón

²⁵ Teme ay mach'a ya sta smul ta stojol yan, Dios ya xc'opoj yu'un, pero teme ay mach'a ya sta smul ta stojol Jehová, ¿mach'a ya xc'opoj yu'un stuquel? xchi. Pero ma ba la ya'iybeyic sc'op te statique, como te Jehová chapalix yu'un te ya smilticlan.

Bible in Tzeltal de Oxchuc y Tenejapa

²⁵ Teme ay mach'a ya sta smul ta stojol te sjoy ta ants-winiquil, ya xchajbanot yu'un Cajwaltic; pero teme ay mach'a ya sta smul ta stojol te Cajwaltique, ¿mach'a c'an coltayotuc yu'un stuquel? —xi' te Elí. Pero te nich'aniletic ma la yich'beyic ta muc' sc'op te statique, melel ja' ay ta yo'tan Cajwaltic te ya slajinbey xcuxlejalique.

1 Samuel 2:25 ပူးပေါင်းရင်းမြစ်များ

Génesis 38:10

Te Jehová ma lecuc yo'tan yu'un te hich la spas, ha nix hich la smil.

Génesis 38:7

Te Er te sba-nich'an Judá, ma lecuc ilot yu'un Jehová, hich lajimbot scuxlejal yu'un.

1 Reyes 8:31

Teme ay mach'a ya sta smul ta stojol te spat-xuhc soc teme ya sujot ta yalel ta jamal, teme hich ya xtal yal ta jamal ta stojol te scajtajib ta chiq'uel mahtanil awu'un li' ta na ini,

1 Reyes 8:32

a'iybeya awa'iy c'alal ta ch'ulchan, pasa te bin ya sc'an pasele. Chahpana te a'batetic awu'un, a'beya stoj smul te mach'a ay smul, ac'a c'ohtuc ta stojol te castigo yu'un te bin spasoj, soc ya me awal te mayuc smul te mach'a toj soc a'beya stojol ha chican bin yilel te ya'tele.

2 Crónicas 10:15

Te ajwalil ma la yich'be ta cuenta te sc'op te pueblo; como hich la sc'an yo'tan te Diose, scuenta yu'un ya xc'oht ta pasel te bin yaloj te Jehová ta scuenta Ahías te talem ta Silon ta stojol Jeroboam snich'an Nabat.

2 Crónicas 25:16

C'alal hich yac ta yalel a te jalwanej, la sjac' te ajwalil: ¿Yu'un bal awich'oj awa'tel ta j'ac'-o'tanil ta stojol te ajwalil? Coma aba. ¿Yu'un bal yac ac'an te ya jmilat? xchi. Scuenta slajibal hich la yal te jalwanej: Jna'oj te Dios snopoj ta yo'tan te ya slajinat yu'un te hich apasoj soc ma ba la ach'uhun te bin la jcalbat, xchi.

Job 9:33

Te ayuc mach'a ya xtehc'aj yu'un yilbelotic, te ya yac' sc'ab ta jchebaltic,

Salmos 51:16

Como ma xac'an milbil mahtanil, te yacuc ca'bate, ma xac'an scohtol chic'bil mahtaniletic.

Salmos 51:4

Ha'at nax ta atojol te jtahoj jmul, ha'at nax atuquel, la jpas ta atojol te bin chopol, scuenta yu'un ya xna'ot te stojil bin yac awal, soc te stojil ya xchahpanwanat.

Proverbios 13:1

Te querem te p'ij yo'tan ya sch'uhun te tojobtesel yu'un te state, yan te mach'a jlabanwanej ma xyich' ta cuenta te tsitsele.

Proverbios 15:10

Te mach'a ya yihquitay te lequil be, tulan me tojobtesel ya yich'; te mach'a ya sp'aj te tojobtesel ya me xlaj.

Proverbios 29:1

Te mach'a tulan ya yac' sba, teme ya yich' comel, ora nax ya yich' jinel, soc mayuc spoxil yu'un.

Eclesiastés 3:3

ay yorahil milaw, ay yorahil poxtayel; ay yorahil ta jinel, ay yorahil ta pasel;

Números 15:30

Yan te mach'a snopoj ta yo'tan a ya spas mulil, te mach'a ha nix slumal a o teme jyanlum, ya sbohlobtesbe sc'oblal Jehová, ya me yich' loq'uesel ta yohlil te slumale.

Deuteronomio 1:17

Ma me tsahbiluc awu'unic te mach'a ya xtal ta chahpanel, pajal me xawa'iybeyic sc'op te mach'a peq'uel soc te mach'a muc' sc'oblal. Ma me ayuc mach'a yac axi'ic, como ha yu'un Dios te chahpanele. Te c'op te chuhcul yac awa'iyic ya me awich'ic tal ta jtojol, ho'on ya chahpan, xchihon.

Deuteronomio 2:30

Pero te Sehón, ajwalil yu'un Hesbón, ma ba la sc'an ya yac'otic c'axel ta sq'uinal, como te Jehová te Dios awu'unic la stulantesbe yo'tan scuenta yu'un ya ya'beyex ta ac'abic, hich te bin ut'il c'alal ora.

1 Timoteo 2:5

yu'un jtuhl nax Dios ay soc jtuhl nax te mach'a ya xc'opoj yu'un ants-winiquetic ta stojol te Diose, ha te winic Jesucristo,

Hebreos 10:26

Teme colojtic ya jlehulan jmultic te bin ut'il jna'ojtiquix te smelelil c'ope, mayuquix yan milbil mahtanil yu'un stojel te muliletic,

Hebreos 10:27

ha xanix te castigo te xiweltic sba soc te c'ahc' te xpululet ta tihlel te ya slajinlan mach'atic scontrahinejic te Diose.

Hebreos 7:25

Ha scuentahil te ya xhu' ya scoltay sbahtel q'uinal te mach'atic ya xnohpojic ta stojol Dios ta scuenta, como stalel cuxul yu'un ya xc'opoj ta scuentahic.

Josué 11:20

Como ha nix Jehová te la ya'be tulanijuc yo'tanic scuenta yu'un ya ya'beyic guerra te Israel, scuenta yu'un jc'axel ya yich'ic lajinel, ma ba na'bot yo'bolil sbahic, hich te bin ut'il pasot ta mandar yu'un Jehová te Moisés.

1 Samuel 3:14

Ha yu'un calojix ta jamal ta stojol te sna Elí te bin ut'il te mach'atic ay yu'un ma xhu'ix ta tojbeyel smulic ta scuenta milbil mahtaniletic o ta scuenta yantic mahtaniletic, xchi.