1 Samuel 2:24 - Bible in Tzeltal Bachajón

²⁴ Ma'uc, jnich'nab, ma lecuc ac'oblalic yac ca'iybel te yac awa'beyic sle smul te pueblo yu'un Jehová.

Bible in Tzeltal de Oxchuc y Tenejapa

²⁴ Ma jichuc ya sc'an jnich'nab. Mero ma lecuc te bitic yacalic ta yalel ta awentaic te lum yu'un te Cajwaltique.

1 Samuel 2:24 ပူးပေါင်းရင်းမြစ်များ

1 Reyes 15:26

Ha la spas te bin chopol ta stojol Jehová, la st'umbe sbe te stat soc te bin mulil te la ya'be sta smul a te snich'nab Israel.

1 Reyes 15:30

Hich la spas ta scaj te muliletic la spas te Jeroboam, te ha la ya'be sta smul a te Israel, te hich la yac' ilinuc a te Jehová te Dios yu'un Israel.

2 Reyes 10:31

Pero te Jehú ma ba ta spisil yo'tan la stsahtay sba ta spasel te smandar Jehová te Dios yu'un Israel, soc ma ba la yihquitay te muliletic la spas Jeroboam te la ya'be sta smul a te Israel.

Éxodo 32:21

Te Moisés la yalbe te Aarón: ¿Bin la spasbat te pueblo ini te la awa'be stahic te muc'ul mulil ini? la yut.

Malaquías 2:8

Yan te ha'exe, la awihquitayic hilel te be, la awaq'uic sc'ohchin sbahic tsobolic ta banti te Ley, la ajinic te chapbil-c'op te la yich' chahpanel soc Leví, xchi te Jehová te scuentahinej spisil.

San Mateo 18:7

¡Ay me swocol te bahlumilal yu'un te bintic ya x'ac'awan ta yahlel ta mulil! Ay c'ohchinojibaletic, pero ¡ay me swocol te mach'a ya yac' te c'ohchinojibaletique!

Hechos 6:3

Ha yu'un quermanotac, lehahic huctuhl winiquetic ta awohlilic te lec sc'oblalic, te nojel ta yo'tanic te Ch'ul Espíritu soc te ay sp'ijil yo'tanic, ha me ya ca'betic scuentahinic te a'tel ini.

2 Corintios 6:8

ta scuenta te ay ich'bilotcotic ta muc' soc te ay ma ba ich'bilotcotic ta muc', te ay ma lecuc jc'oblalcotic soc te ay lec jc'oblalcotic; cuybilotcotic ta jlo'loywanej, pero smelelil bin ya calcotic;

1 Timoteo 3:7

Soc ya sc'an te lec sc'oblal yu'un te mach'atic ma ba sch'uhunejic Dios, scuenta yu'un hich ma xbohlob sc'oblal soc ma xyacot yu'un te pucuje.

2 Pedro 2:18

Ya xc'opojic ta toyba c'op soc tojol c'op, soc ta scuenta te bin chopol ya smulan ch'ich'-baq'uet ya smonic a te mach'atic ma to haluc ahnic loq'uel ta stojol te mach'atic howiyemic.

3 Juan 1:12

Ta spisilic lec sc'oblal yu'unic te Demetrio, soc ha nix ya xhalbot lec sc'oblal yu'un te smelelil c'ope. Ha nix hichotcotic lec sc'oblal cu'uncotic, soc ana'ojic te melel te bin ya calcotic ta testigo-c'ope.

Apocalipsis 2:20

Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.

1 Samuel 2:17

Ha yu'un te smul te winiquetic ini mero muc' c'oht ta stojol Jehová, como mayuc scuentahil ta yo'tanic te mahtaniletic yu'un Jehová.

1 Samuel 2:22

Te Elí mero mamalix, soc ya'iyej te bin yacalic ta spasel te snich'nab ta stojol spisil Israel, soc te ya xwayic soc te antsetic yac'oj sbahic ta a'batinel ta yochibal te Nahilpac' Templo yu'un tahojibal.

1 Samuel 2:23

Ha yu'un hich la yalbe: ¿Bin yu'un te hich yac apasic? Spisil te pueblo ya yalbonic sc'oblal te chopol awa'telique.