1 Samuel 2:22 - Bible in Tzeltal Bachajón

²² Te Elí mero mamalix, soc ya'iyej te bin yacalic ta spasel te snich'nab ta stojol spisil Israel, soc te ya xwayic soc te antsetic yac'oj sbahic ta a'batinel ta yochibal te Nahilpac' Templo yu'un tahojibal.

Bible in Tzeltal de Oxchuc y Tenejapa

²² Yan te Elí mero mamalix a, pero spisil yaiyoj te bi yacalic ta spasel ta stojol spisil israeletic te snich'nabe, soc yaiyoj te ya xwayic soc te antsetic yac'oj sbaic ta abatinel ta yochibal te Nailpac' te banti ya yich' c'oponel te Cajwaltique.

1 Samuel 2:22 ပူးပေါင်းရင်းမြစ်များ

Génesis 35:22

C'alal tey nahinem a te Israel, te Rubén way soc te Bilha te yan ants yic'oj te state. La ya'iy te Israel. Ay lahchaytuhl snich'nab te Jacob.

Génesis 37:2

Hich ay sc'oblal te snich'nab Jacob. C'alal ay huclajuneb (17) ya'bilal a te José la sjoquin te sbanquiltac ta scanantayel te tuminchijetic; la sjoquin te yalatac Bilha soc te yalatac Zilpa te yan antsetic yu'un te state. Te José la yalbe ya'iy te stat te ma lecuc ya'telic te sbanquiltac.

Éxodo 38:8

La spas te yawil ha' soc te scajtajib ta bronce, ha la stuhun te espejohetic yu'un te antsetic yac'oj sbahic ta a'batinel ta yochibal te Nahilpac' Templo yu'un tahojibal.

Ezequiel 22:26

Te sacerdotehetic yu'un la yuts'inic te Ley cu'un soc la sbohlobtesbonic te bintic ch'ultesbil cu'une; pajal c'ohem yu'unic te bin ch'ultesbil soc te bin ma ch'ultesbiluc, pajal c'ohem yu'unic te bin lec sc'oblal soc te bin bohloben sc'oblal. Mayuc sc'oblal c'oht ta stojolic te sc'ahc'alel cux-o'tan cu'un, soc bohlob jc'oblal ta yohlilic.

1 Samuel 2:23

Ha yu'un hich la yalbe: ¿Bin yu'un te hich yac apasic? Spisil te pueblo ya yalbonic sc'oblal te chopol awa'telique.

1 Samuel 3:13

Soc ya ca'be sna' te spisil ora ya ca'be castigo te mach'atic ay yu'un, ta scaj te bin chopol sna'oj; como la sbohlc'optayic Dios te snich'nab, pero ma ba la scomticlan.

1 Samuel 8:1

Te c'alal mamalub te Samuel la yotses ta juecetic ta stojol Israel te snich'nab.