1 Samuel 2:2 - Bible in Tzeltal Bachajón

² Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.

Bible in Tzeltal de Oxchuc y Tenejapa

² Ma'yuc mach'a yan jich ch'ul Dios te bit'il ja'at, Cajwal. Ma'yuc mach'a jich ya xcanantaywan te bit'il ja'at, Dios cu'untic. Jtul ma'yuc mach'a jich te bit'il te ja'ate.

1 Samuel 2:2 ပူးပေါင်းရင်းမြစ်များ

2 Samuel 22:3

ha Dios cu'un, ha muc'ul ton cu'un ta banti ya jnac' jba; ha jmahquil soc ha yip te jcolele, ha toyol ahnibal cu'un soc jcoltaywanej cu'un, la acoltayon ta uts'inel.

2 Samuel 22:32

Como ¿mach'a a te ha Dios, ma bal ha'uc nax te Jehová? ¿Soc mach'a a te ha muc'ul ton; ma bal ha'uc te Dios cu'untique?

2 Samuel 7:22

¡Ha yu'un c'ax muc' Diosat, Jehová! Mayuc yan mach'a hich ay te bin ut'il te ha'ate, mayuc yan Dios ay, hich te bin ut'il la jca'iycotic ta jchiquincotic.

1 Reyes 8:23

hich la yal: Jehová, Dios yu'un Israel, mayuc yan dios ta ch'ulchan o ta bahlumilal hich te bin ut'il ha'at, te yac awac' c'ohtuc ta pasel te chapbil-c'op soc te sc'uxul awo'tan ta stojol te a'batetic awu'un te ayic ta atojol.

Salmos 111:9

Dios la yac' te ya xcol ta libre te pueblo yu'un; la yac' te sbahtel q'uinal ay te chapbil-c'op yu'une. ¡Ch'ultesbil soc xiweltic sba te sbihile!

Salmos 18:2

Te Jehová ha muc'ul ton cu'un soc ahnibal cu'un, ha j'ac'aw ta libre cu'un; ha Dios cu'un, ha toyol ch'entiquil cu'un te banti ya jnac' jba; ha jmahquil soc yip te colel cu'un, ha toyol ahnibal cu'un.

Salmos 18:31

¿Ay bal yan Dios a te bin ut'il te Jehová? ¿Ay bal yan muc'ul ton a te bin ut'il te Dios cu'untique?

Salmos 71:19

soc sc'oblal te toj-o'tanil awu'un, Dios cu'un, te ya xc'oht c'alal ta ch'ulchan. ¡Mero muq'uic bintic apasoj! Dios ¿mach'a c'an spajat?

Salmos 71:3

Ha'ucat toyol ch'entiquilat yu'un ahnibal cu'un te banti spisil ora ya xbohon. La awal mandar yu'un ya xcolon, como ha'at toyol ch'entiquilat soc ahnibalat cu'un.

Salmos 73:25

¿Mach'a yan ay cu'un ta ch'ulchan? Ha'at nax atuquel. Mayuc bin yan ya jc'an ta bahlumilal, ha'at nax atuquel.

Salmos 86:8

Cajwal, mayuc yan dios hich te bin ut'il ha'at, mayuc yan a'teliletic hich te bin ut'il te awu'une.

Salmos 89:6

Como ¿mach'a ay ta ch'ulchan te pajal soc Jehová? ¿Mach'a a te pajal soc Jehová ta yohlil te mach'atic ay yipic?

Salmos 89:8

Jehová, Diosat te acuentahinej spisil, ¿mach'a c'an spajat? Ay awu'el, Jehová, soc sjoytayejat te stalel jun awo'tan.

Salmos 99:3

¡Ac'a yalbeyic yutsil sc'oblal abihil te ha muc' soc te ha ay ta xi'el! ¡Ha Ch'ul Dios stuquel!

Salmos 99:5

Toybeyahic yutsil sc'oblal Jehová te Dios cu'untic, quejana abahic ta ye'tal yoc. ¡Ha Ch'ul Dios stuquel!

Salmos 99:9

Toybeyahic yutsil sc'oblal te Jehová, te Dios cu'untic, quejana abahic ta stojol te ch'ul wits yu'un, como te Dios cu'untic, ha Ch'ul Dios stuquel.

Éxodo 15:11

¿Mach'a ya spajat, Jehová, ta yohlil te diosetic? ¿Mach'a ya spajat, te c'ax bayel awutsilal te ch'ul Diosat, te xiweltic sba te yutsil awa'tel, te yac apas jchahp a'teliletic?

Isaías 40:18

Ha yu'un ¿mach'a yac apajic soc a te Diose? ¿Bin loc'ombahil te yac apajic soc a?

Isaías 44:6

Hich ya yal te Jehová, te Ajwalil soc te J'ac'aw ta libre yu'un Israel, te Jehová te scuentahinej spisil: Ho'on ayon ta shahchibal soc ta slajibal; mayuc yan dios ta jtojol.

Isaías 44:8

Ma me xnihc awo'tanic, ma me xiwex. ¿Ma bal lajuc calbeyex awa'iyic, ma bal lajuc calbe sc'oblal c'alal ta namey? Ha'ex testigohex cu'un. ¿Ay bal yan dios ta jtojol? ¡Mayuc yan Muc'ul Ton! ¡Mayuc yan te ya jna'be sba! xchi.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Isaías 6:3

Hich talel c'axel yacalic ta yalel: ¡Ch'ul Dios, Ch'ul Dios, Ch'ul Dios, Jehová te scuentahinej spisil; nojel ta swohlol bahlumilal te yutsilale! xchihic.

Jeremías 10:6

Mayuc mach'a pajalat soc, Jehová, muc'at atuquel, soc ay bayel yu'el te abihile.

Levítico 11:44

como ho'on Jehovahon te Dioson awu'unique. Ha yu'un ya me ach'ultes abahic, ch'ultesbilex me ya xc'ohex, como ho'on ch'ul Dioson; ha yu'un ma me xabohlobtes ac'oblalic ta scuenta biluc chambahlamil te staslajan ya xbehen ta lumq'uinal.

Levítico 11:45

Ho'on Jehovahon te la jloq'uesex tal ta sq'uinal Egipto scuenta yu'un ho'on Dioson ya xc'ohon awu'unic; ha yu'un ch'ultesbiluquex me, como ho'on ch'ul Dioson, xchi.

Levítico 19:2

Halbeya spisil te pueblo yu'un te snich'nab Israel: Ch'ultesbiluquex me, como ho'on, Jehovahon, te ch'ul Dioson awu'unique.

Romanos 15:4

Como spisil te bintic ts'ihbabil ta nahil, scuenta jp'ijubteseltic te la yich' ts'ihbayel, scuenta yu'un ay smuc'ul co'tantic ta scuenta te bin ya xcuhch cu'untic soc ta scuenta te yip co'tantic ya jtahtic yu'un te bin ts'ihbabile.

Romanos 4:8

Ha me bayel yutsil te mach'a ma x'a'bot scuch smul yu'un te Cajwaltique, xchi.

Deuteronomio 3:24

Cajwal Jehová, hahchematix ta ya'beyel yil te a'bat awu'un te amuc'ule soc te yu'el ac'ab; como ¿ay bal yan dios ta ch'ulchan o ta bahlumilal te ya xhu' yu'un spasel a'tel soc jchahp a'teliletic hich te bin ut'il yacat ta spasel?

Deuteronomio 32:20

Hich la yal: Ya jnac' jsit ta stojolic, ya quil bin slajibal ya xc'ohtic; como ha jcaj ts'umbalil te mero chopol, ha al-nich'aniletic te ma junuc yo'tanic ta jtojol.

Deuteronomio 32:39

Ilawilic te ho'on jtuquel ayon, mayuc yan diosetic ta jtojol. Ho'on ya cac' lajel soc ho'on ya cac' cuxlejal; ho'on ya cac' ehchen soc ho'on ya jlamajtes; mayuc mach'a ya xhu' ya xcol loq'uel ta jc'ab.

Deuteronomio 32:4

Ha Muc'ul Ton stuquel, c'ax lec te ya'tel, como toj spisil te behetic yu'une. Ha Dios te stalel jun yo'tan soc mayuc schopolil; ha toj soc lec stuquel.

Deuteronomio 4:35

La yich' aq'uel awil scuenta yu'un hich yac ana' a te ha mero Dios stuquel te Jehová, te mayuc yan dios.

Deuteronomio 4:39

Ha yu'un nopa yo'tic soc na'a me ta awo'tan te bin ut'il te Jehová ha Dios ta ch'ulchan soc ta bahlumilal, mayuc yan.

1 Pedro 1:16

Como hich ts'ihbabil hilel: Ch'ultesbiluquex, como ho'on ch'ul Dioson, xchi.