1 Samuel 2:17 - Bible in Tzeltal Bachajón

¹⁷ Ha yu'un te smul te winiquetic ini mero muc' c'oht ta stojol Jehová, como mayuc scuentahil ta yo'tanic te mahtaniletic yu'un Jehová.

Bible in Tzeltal de Oxchuc y Tenejapa

¹⁷ Ja' yu'un te smulic te winiquetic, mero tulan sc'oplal ta stojol Cajwaltic, melel mero ma'yuc swentail ta yo'tanic te majt'aniletic yu'une.

1 Samuel 2:17 ပူးပေါင်းရင်းမြစ်များ

Génesis 10:9

Mero jnutsojel winic ta stojol Jehová, ha scuentahil te hich ay ta halel: Hich te bin ut'il Nimrod, te mero jnutsojel winic ta stojol Jehová, te xchihe.

Génesis 13:13

Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

Génesis 6:11

Mero bohlob te bahlumilal ta stojol Dios, ha nojel ta uts'inwanej.

2 Reyes 21:6

Soc la yac' ta chiq'uel te snich'an; la spasbe seña ta ilel soc j'ac'-chamel, la sc'oponlan te mach'a ya sc'opon ch'uhlelaletic soc te j'ilojel. Hich p'ohl yu'un te bin chopol ta stojol Jehová te la shachbe yilimba a.

Salmos 51:4

Ha'at nax ta atojol te jtahoj jmul, ha'at nax atuquel, la jpas ta atojol te bin chopol, scuenta yu'un ya xna'ot te stojil bin yac awal, soc te stojil ya xchahpanwanat.

Isaías 3:8

Como jihnemix te Jerusalén, yahlemix te Judá; como te sc'opic soc te ya'telic scontrahinejic te Jehová, la stsal sba soc te smuc'ul yutsilale.

Malaquías 2:13

Pero ay to yantic te bintic yac apasic: yac awahts'es ta ya'lel asitic te scajtajib ta chiq'uel mahtanil yu'un Jehová, ya x'oq'uex soc ya x'ahcanajex, yu'un ma ba ya quilix te mahtanil, ma ba tse'el co'tan ya jtsacbeyex ta ac'abic.

San Mateo 18:7

¡Ay me swocol te bahlumilal yu'un te bintic ya x'ac'awan ta yahlel ta mulil! Ay c'ohchinojibaletic, pero ¡ay me swocol te mach'a ya yac' te c'ohchinojibaletique!

1 Samuel 2:16

Teme ya xhalbot yu'un te winic: Ha nahil ya sc'an ya yich' chic'beyel te sjuhp'el, patil ich'a bahel te jayeb yac ac'an, teme xchihe, hich ya yal: Ma'uc, a'bon ta ora; teme ma'uque ya me jtsacbat bahel ta fuersa, xchi.

1 Samuel 3:13

Soc ya ca'be sna' te spisil ora ya ca'be castigo te mach'atic ay yu'un, ta scaj te bin chopol sna'oj; como la sbohlc'optayic Dios te snich'nab, pero ma ba la scomticlan.