1 Samuel 2:10 - Bible in Tzeltal Bachajón

¹⁰ Te mach'atic ya scontrahinic te Jehová ya me xlajinotic, ha ya xt'ohm tal ta stojolic c'alal ta ch'ulchan. Te Jehová ya me yich' ta c'op c'alal ta sti'il bahlumilal; ya me ya'be yip te ajwalil yu'un, soc ya me ya'be xan yip te Mach'a malbil ta aceite yu'une, xchi.

Bible in Tzeltal de Oxchuc y Tenejapa

¹⁰ Te Cajwaltic ya me swuy te scontro; c'alal ta ch'ulchan ya yac'bey coel tel chawuc ta stojolic. Te Cajwaltic ya me yalbey bi yilel yat'el te mach'atic ayic ta swolol te balumilale; ya me yac'bey xan yip te muc' ajwalil tsabil yu'une, ya me yac' muc'ubuc xan te yip yu'ele —xi' te Ana.

1 Samuel 2:10 ပူးပေါင်းရင်းမြစ်များ

2 Samuel 22:14

T'ohm hich te bin ut'il chahwuc c'alal ch'ulchan te Jehová, te Mach'a toyol ay, tulan c'opoj.

2 Samuel 7:13

Ha ya spasbon na yu'un te jbihile, soc ho'on ya ca'be yich' yip sbahtel q'uinal te shuctajib te ban c'alal scuentahinej.

2 Samuel 7:8

Ha yu'un hich xawalbe te ca'bat David: Hich yaloj te Jehová te scuentahinej spisil: Ho'on la jquic'at loq'uel tal ta scanantayel tuminchijetic ta aquiltic, yu'un ya x'ochat ta príncipal yu'un te jpueblo Israel.

Job 40:9

¿Ay bal ac'ab hich te bin ut'il ay yu'un Dios? ¿Ya bal at'omtes ac'op hich te bin ut'il ya xc'opoje?

Salmos 132:17

Tey ya cac' puhlinuc a te yip David; la jchahpambe tsumbil c'ahc' te mach'a tsahbil cu'un.

Salmos 148:14

Ha stoybeyej yip te pueblo yu'une; ¡halbeyahic yutsil sc'oblal spisil mach'atic yu'un te ch'uhltesbilic, ha te snich'nab Israel, te pueblo te nopol ay ta stojol! ¡Aleluya!

Salmos 2:2

Ya xhahchic te ajwaliletic ta q'uinal, soc te príncipaletic junax ya yac' sbahic ta schapel scontrahinel te Jehová soc te mach'a tsahbil yu'une.

Salmos 2:6

Ho'on la jcotses te ajwalil cu'un ta Sión, te ch'ul wits cu'un, xchi.

Salmos 2:9

Yac apehc'anlan ta scuenta abastón-taq'uin, yac awuyticlan hich te bin ut'il pac'bil oxom, xchi.

Salmos 20:6

Yo'tic la jna'ix te Jehová ya scoltay te mach'a tsahbil yu'une; ya ya'iybe sc'op c'alal ta ch'ulchan ta scuenta te yip swa'el-c'ab te ya xcoltaywan.

Salmos 20:7

Ay mach'atic te ha smuc'ulinej yo'tanic carretahetic, ay yantic te ha smuc'ulinej yo'tanic cawuhetic; yan te ho'otic, ha smuc'ulinej co'tantic te sbihil Jehová te Dios cu'untique.

Salmos 21:1

Jehová, tse'el yo'tan te ajwalil yu'un te awu'ele, ¡mero tse'el yo'tan yu'un te colel awu'une!

Salmos 28:8

Te Jehová ha yip te pueblo yu'un, ha nac'ojibal te ya scoltay te mach'a tsahbil yu'une.

Salmos 45:7

C'ux ta awo'tan te bin stojil ta pasel, soc yac awihlay te bin chopole; ha yu'un la stsahat Dios, ha te Dios awu'un, la smalat ta aceite yu'un yutsil q'uinal, c'ax hich tohy ac'oblal a te bin ut'il amohloltac.

Salmos 89:17

como ha'at yutsilalat te yipique, ta scuenta te yutsil awo'tan ya xtohy te quipcotique.

Salmos 89:24

Stalel jun co'tan ta stojol soc c'ux ya ca'iy ta co'tan, soc ta scuenta jbihil ya xtohy te yipe.

Salmos 89:25

Ya ca'be scuentahin te mar, ya ca'be swa'el-c'ab ta stojol te muc'ul-ha'etique.

Salmos 96:13

ta stojol Jehová, como ya xtal, ya xtal ta schahpanel te bahlumilale. Stojil me ya schahpan te bahlumilal soc te pueblohetic ta scuenta smelelil.

Salmos 98:9

ta stojol te Jehová, yu'un ya xtal schahpan te bahlumilale. Stojil me ya schahpan te bahlumilal, pajal me ya schahpan te pueblohetique.

Éxodo 15:6

Te awa'el-c'ab, Jehová, la yac' ta ilel te smuc'ul yu'el; te awa'el-c'ab, Jehová, la slajin te jcontrahinwanej.

Eclesiastés 11:9

Jcolel al-nich'anat, tse'eluc awo'tan ta yorahil te jcolel al-nich'anate, soc ac'a smulan awo'tan te yorahil te awach'ix-queremil. Pasa te bin ya smulan awo'tan soc te bintic yac awil ta asit, pero na'a me te Dios ya spasbat cuenta spisil ini.

Eclesiastés 12:14

Como Dios ya sc'ambe cuenta yu'un spisil a'tel, soc ha nix hich spisil bintic muquen pasbil, teme lec o teme ma lecuque.

Isaías 29:6

Te Jehová te scuentahinej spisil ya xtal scontrahinat ta chahwuc, ta nihquel soc tulan xjuyet, ta sutu-ic' soc ic'al ha'al, soc ta yat c'ahc' te ya xlajinwan.

Isaías 32:1

Ilawil, ay jtuhl ajwalil te toj ya xcuentahinwan soc príncipaletic te toj ya xchahpanwanic.

Isaías 45:24

Hich me ya yalbonic jc'oblal: Ha nax ta scuenta Jehová te ay ta pasel te bin toj soc te ay yip, xchihic. Spisil mach'atic c'ahc'ubic ta scontrahinel ya me xtalic ta stojol soc ya me xq'uexawic.

Ezequiel 29:21

Ta hich ora ya cac' ach'ubuc te yip te sna Israel soc ya cac' jahmuc awe ta yohlilic. Ya me sna'ic te ho'on Jehovahon, xchi.

San Mateo 25:34

Te ajwalil hich me ya yalbe te mach'atic ayic ta swa'el: La'ic, ha'ex te a'botex bendición yu'un te Jtat, ich'ahic hilel te cuentahinel yu'un Dios te chahpambotex ta shachel to tal bahlumilal,

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

San Lucas 1:69

Ta sts'umbal David te a'bat yu'un la schicnajtesbotic jtuhl Jcoltaywanej te bayel yu'el,

San Lucas 19:27

Soc te jcontratac te ma sc'anic te ya x'ochon ta ajwalil yu'unic, ic'ahic tal li'i, ac'a yich' xot'ticlambeyel sjolic ta jtojol, xchi.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

Hechos 4:27

Como melel la stsob sbahic li' ta pueblo te Herodes, Poncio Pilato, te jyanlum winiquetic soc te pueblo Israel ta scontrahinel te Jesús te Ach'ul-nich'an, te mach'a tsahbil awu'une,

2 Corintios 5:10

como jpisiltic ya me xc'ohotic ta chahpajibal yu'un Cristo, scuenta yu'un jujutuhl ya yich' stojol, ha chican bin la spas te c'alal ay to ta sbaq'uetal a, teme lec o teme ma lecuque.

Jueces 5:31

Hich me ac'a lajuc spisil acontratac, Jehová; yan te mach'atic c'uxat ta yo'tanic, hichuc me te bin ut'il te c'ahc'al c'alal ya xloc' tal soc yip, xchihic ta c'ayoj. Cha'winic (40) ha'bil lamal te q'uinale.

1 Samuel 12:13

Li' ayix te ajwalil te tsahbil awu'unic, te c'ambil awu'unique. Ilawilic, te Jehová la ya'beyex jtuhl ajwalil.

1 Samuel 12:17

¿Ma bal ha'uc yorahil boj trigo? Ya jc'opon te Jehová, ya me yac' talel chahwuc soc ha'al, scuenta yu'un hich yac ana'ic soc hich yac awilic a te c'ax bayel schopolil bin la apasic ta stojol Jehová yu'un te la ac'anic ajwalil awu'unic, xchi te Samuel.

1 Samuel 12:18

Hich te Samuel la sc'opon te Jehová. Ta hich ora te Jehová la yac' tal chahwuc soc ha'al; spisil te pueblo bayel la xi'ic te Jehová soc te Samuel.

1 Samuel 12:3

Li' ayon; halbonic jmul ta stojol Jehová soc ta stojol te mach'a tsahbil yu'un, teme ay mach'a la jpojbe swacax, teme ay mach'a la jpojbe sburro, teme ay mach'a la jtojol-lehbe smul, teme ay mach'a ay swocol cu'un, o teme ay mach'a la jquich'be staq'uin yu'un ya smacbon jsit a; ya me jsuhtbeyex, xchi.

1 Samuel 15:28

Ha yu'un te Samuel hich la yalbe: Te Jehová la sch'i'batix loq'uel ta atojol te awa'tel ta ajwalil ta Israel, la ya'beyix ta scuenta jtuhl apat-axuhc te ha lec xan a te bin ut'il te ha'ate.

1 Samuel 16:1

Te Jehová hich la yalbe te Samuel: ¿Jayeb xan c'ahc'al te yac awoq'uetay te Saúl, te bin ut'il ho'on la jch'aybeyix ya'tel ta ajwalil ta Israel? Bahan nojesa ta aceite te xulubil awu'un, ya jticonat bahel ta stojol Isaí ta Belén, yu'un la jtsahbeyix jtuhl snich'an te ya x'och ta ajwalil, xchi.

1 Samuel 7:10

Te c'alal yac ta yaq'uel a te scohtol chic'bil mahtanil te Samuel, tal te filisteohetic ta ya'beyel guerra te snich'nab Israel. Pero te Jehová ha nix yorahil a te la yac' buen tulan chahwuc ta stojol te filisteohetic, la xiwtes, hich la yich'ic tsalel ta stojol te snich'nab Israel.