1 Samuel 2:1 - Bible in Tzeltal Bachajón

¹ Te Ana la sc'opon Dios, hich la yal: Mero tse'el co'tan ta stojol Jehová, ya quich' xan quip ta scuenta Jehová; ta que ya jtse'lay te jcontratac, como tse'el co'tan yu'un te la acoltayon.

Bible in Tzeltal de Oxchuc y Tenejapa

¹ Te Ana la sc'opon Dios, jich la yalbey: —Cajwal, mero bin nax co'tan ta atojol, melel ja'at ya awac'bon xan yip co'tan. Ya xju'ix ya xc'opojon ta stojol te controetic cu'une, melel ja'at la acoltayonix. Mero bin nax co'tan yu'un.

1 Samuel 2:1 ပူးပေါင်းရင်းမြစ်များ

2 Crónicas 20:27

Patil spisil te winiquetic yu'un Judá soc Jerusalén tse'el yo'tanic a suhtic bahel ta Jerusalén, ha nahil yu'unic te Josafat, como te Jehová ya'beyejix yutsil yo'tanic yu'un te la yac'ticlan ta libre yu'un te scontrahique.

Nehemías 11:17

Matanías snich'an Micaía, snich'an Zabdi, snich'an Asaf, ha príncipal te ya shach c'ayoj ta scuenta sc'ayojtaybeyel yutsilal Dios soc sc'oponel Dios; Bacbuquías, te schebal ta yohlil te yermanotac, soc Abda snich'an Samúa, snich'an Galal, snich'an Jedutún.

Job 16:15

La jts'is ch'ixal pac' ta sba jnuhculel, la jcac' jol ta ts'u'lum.

Salmos 118:14

Ha quip soc ha jc'ayoj te Jehová; ha jcoltaywanej cu'un.

Salmos 13:5

Pero ha smuc'ulinej co'tan te sc'uxul awo'tan; tse'el co'tan yu'un te colel awu'une.

Salmos 148:14

Ha stoybeyej yip te pueblo yu'une; ¡halbeyahic yutsil sc'oblal spisil mach'atic yu'un te ch'uhltesbilic, ha te snich'nab Israel, te pueblo te nopol ay ta stojol! ¡Aleluya!

Salmos 18:2

Te Jehová ha muc'ul ton cu'un soc ahnibal cu'un, ha j'ac'aw ta libre cu'un; ha Dios cu'un, ha toyol ch'entiquil cu'un te banti ya jnac' jba; ha jmahquil soc yip te colel cu'un, ha toyol ahnibal cu'un.

Salmos 20:5

Tse'el co'tancotic ya jc'ayojtaycotic te tsalaw awu'une, ya jtoycotic bandera ta scuenta sbihil te Dios cu'untique. Te Jehová ac'a c'ohtuc ta pasel yu'un spisil te bintic yac ac'ambele.

Salmos 21:2

La awa'be te bintic la sc'an yo'tan, ma ba la amuc ta awo'tan te bintic la sc'ambate. Selah

Salmos 35:9

Hich me tse'el co'tan ta stojol Jehová, soc tse'el co'tan yu'un te colel yu'une.

Salmos 51:15

Cajwal, jambon que, hich me ya jpucbe sc'oblal te yutsil ac'oblale.

Salmos 71:8

Nojel que yu'un yalbeyel yutsil ac'oblal, ta sjunal c'ahc'al ya calbe sc'oblal awutsilal.

Salmos 75:10

Ya jlajimbe yip spisil jmulawiletic, pero ya me yich' toybeyel yip te mach'a toj yo'tan.

Salmos 89:17

como ha'at yutsilalat te yipique, ta scuenta te yutsil awo'tan ya xtohy te quipcotique.

Salmos 89:18

Como ha mahquilal cu'untic te Jehová, te ajwalil cu'untic ha te Ch'ul Dios yu'un Israel.

Salmos 89:24

Stalel jun co'tan ta stojol soc c'ux ya ca'iy ta co'tan, soc ta scuenta jbihil ya xtohy te yipe.

Salmos 9:14

scuenta yu'un ya cal spisil te yutsil ac'oblal ta puertahetic yu'un Sión, soc te tse'el co'tan yu'un te colel awu'une.

Salmos 92:10

Pero ha'at hich yac atohytesbon quip te bin ut'il te yip ha'mal toro; ya quich' malel ta lequil aceite.

Éxodo 15:1

Ha yu'un te Moisés soc te snich'nab Israel la sc'ayojtayic te Jehová ta c'ayoj ini: Ya jc'ayojtay te Jehová, como ay bayel yutsilal, la sch'ojticlan ochel ta mar cawuhetic soc te mach'atic cajajtic tey a.

Éxodo 15:21

Hich la yal ta c'ayoj te María: C'ayojtayahic te Jehová, yu'un ay bayel yutsilal; la sch'oj ochel ta mar te cawu soc mach'a cajal tey a, xchi ta c'ayoj.

Habacuc 3:1

Te bin la yal ta sc'oponel Dios te Habacuc, ta scuenta Sigionot:

Habacuc 3:18

tse'el co'tan ta stojol Jehová, yutsil co'tan ta stojol te Dios yu'un te jcolele.

San Lucas 1:69

Ta sts'umbal David te a'bat yu'un la schicnajtesbotic jtuhl Jcoltaywanej te bayel yu'el,

Romanos 5:11

Soc ma ha'uc nax ini, ha tse'elix co'tantic ta stojol Dios ta scuenta te Cajwaltic Jesucristo, te ha ta scuenta te junix co'tan jbahtic soque.

Deuteronomio 33:17

Te yutsilal ha pajal soc sba-nich'an toro, te xulubil yu'un pajal soc xulub ha'mal-toro. Ha ya scujticlan a te nacionetic c'alal ta sti'il te bahlumilal; hich ay te bayel ta lajlajunmil yu'un Efraín, hich ay te bayel ta mil yu'un Manasés, xchi.

Filipenses 3:3

Pues ho'otic te quich'ojtic te mero circuncisión, te ya jch'uhuntaytic te Dios ta scuenta te Espíritu yu'un Dios soc te bayel cutsilaltic ya ca'iytic ta scuenta Cristo Jesús, te ma ha'uc smuc'ulinej co'tantic te ch'ich'-baq'uet;

Filipenses 4:4

Spisiluc me ora tse'eluc awo'tanic ta stojol te Cajwaltique. Ya jcha'halbeyex xan: ¡Tse'eluc me awo'tanic!

Filipenses 4:6

Ma me ayuc bin ya sna'ulan awo'tanic yu'un, pero ta scuenta sc'oponel Dios soc yalel wocol, a'beya sna' Dios spisil te bintic yac ac'ambeyic, soc halbeyahic wocol Dios yu'un.

1 Pedro 1:8

Aunque ma ba awilojic, c'ux yac awa'iy ta awo'tanic; aunque ma ba yac awilic ta ora ini, yac ach'uhunic soc ay bayel yutsil te stse'elil awo'tanic te ma xhu' ta halbeyel sc'oblal,

Apocalipsis 18:20

¡Tse'elucat me yu'un, ha'at ch'ulchan, soc ha'ex te ch'ultesbilex, jpuc-c'opex soc jalwanejex, como Dios la ya'be castigo ta acuentahic!

1 Samuel 1:6

Te Penina, te smohlol ta antsil, bayel la yuts'in soc la ya'be smel yo'tan, yu'un ma ba ac'ot ta alajel yu'un te Jehová.

1 Samuel 1:7

Hich ya spasulan jujun ha'bil; te c'alal ya xmo bahel ta sna Jehová la ya'be smel yo'tan. Ha yu'un te Ana ya x'oc' soc ma ba ya xwe'.