1 Samuel 19:5 - Bible in Tzeltal Bachajón

⁵ Mayuc sc'oblal te scuxlejal la ya'iy yu'un ya smil te filisteo, hich te Jehová la yac' te la ya'iy muc'ul tsalaw spisil Israel. Ha'at la awil, tse'el awo'tan yu'un. ¿Bin yu'un te yac ac'an yac ata amul ta smalbeyel sch'ich'el te mach'a mayuc smul, ha te yac amil te David ta tojol nax? xchi.

Bible in Tzeltal de Oxchuc y Tenejapa

⁵ Manchuc me la sna' te ay lajel tey a, pero loc' sba ta yo'tan te ba smil te filisteo. Jich te Cajwaltic jc'axel la scoltay ta sc'abic ta spisil israeletic. Te ja'at la awil, bin nax awo'tan yu'un te jich c'ot ta pasele. ¿Bi yu'un te ya ac'an ya ata amul ta smilel te mach'a ma'yuc bi snopoje, jich te bit'il ya ac'an ya amil te David te ma'yuc bi amen spasoje? —xi' te Jonatán.

1 Samuel 19:5 ပူးပေါင်းရင်းမြစ်များ

2 Samuel 23:10

Te Eleazar hahch yehchentes te filisteohetic ha to c'alal luhb sc'ab soc snop'oj hilel ta sc'ab te espadahe. Ta hich ora te Jehová la yac' muc'ul tsalaw, soc te winiquetic suhtic tal ta st'unel te Eleazar yu'un ya stsobic te bintic pojbile.

1 Crónicas 11:14

pero te Eleazar tey la stehc'an sba ta yohlil a te q'uinal, la scoltay te q'uinal soc la stsal te filisteohetic, como coltayot yu'un Jehová ta yaq'uel muc'ul tsalaw.

1 Crónicas 11:18

Ha yu'un te oxtuhlic la yochintaybeyic te scampamento te filisteohetic, la sloq'uesic te ha' ta pozo te ay ta yochibal Belén, la yich'beyic tal te David. Pero te David ma ba la sc'an la yuch', la smal ta stojol Jehová,

Salmos 109:5

Ya suhtesbonic ta bin chopol te bin lec, ya suhtesbonic ta il-o'tantayel te sc'uxul co'tan.

Salmos 119:109

Spisil ora quechelon ta lajel ya ca'iy; pero ma ba ya jch'ay ta co'tan te ley awu'une.

Salmos 25:3

Melel mayuc mach'a te smuc'ulinejat yo'tan te ya xq'uexawan; ha ya stahic q'uexlal te mach'atic tojol nax ya stoy sbahique.

Salmos 69:4

Te mach'atic ay slab yo'tanic cu'un ta tojol nax, c'ax hich p'ohlemic a te bin ut'il stsotsel jol; yich'oj yipic te jcontratac, te mach'atic ya sc'an ya slajinonic te mayuc bin jpasoje. ¿Ya bal xpas ya jtoj te bin ma ba quelc'anej?

Salmos 94:21

Ya schap sc'opic ta scontrahinel te mach'a toj yo'tan, soc ya yaq'uic ta lajel te mach'a mayuc smul.

Éxodo 14:13

Te Moisés hich la yalbe te pueblo: Ma xiwex, ayuc me yip awo'tanic, ya me awilic te colel te ya ya'botic yo'tic te Jehová; como te egipciohetic te yac awilique mayuc bin ora yac awilic xan.

Jeremías 26:15

Pero na'ahic me teme yac amilonic, ya xc'oht ta atojolic te sch'ich'el mach'a mayuc smul soc ta stojol te pueblo ini soc te mach'atic nahinemic tey a, como melel sticonejon ta atojolic te Jehová yu'un ya calbeyex spisil te c'opetic ini te yac awa'iybelique, xchi.

San Mateo 27:24

C'alal la yil te Pilato te mayuc bin ya xchapaj, te yac ta behbe tohyel sc'opic, la yich' tal ha', la spoc sc'ab ta stojol te ants-winiquetic, hich la yal: Te ho'one ma ba ya jmulimbe sch'ich'el te winic ini. Ila me abahic atuquelic, xchi.

San Mateo 27:4

hich c'oht yal: La jta jmul yu'un la jcac' ta c'abal te Mach'a mayuc smul, xchi. Pero la yalbeyic: ¿Bin cochelcotic a te ho'otcotique? ¡Ila aba atuquel! la yutic.

San Juan 15:25

Te bin ut'il hich la spasic, yu'un hich ya xc'oht ta pasel a te bin ts'ihbabil hilel ta Ley yu'unic: Mayuc scuentahil te la sp'ajonic, te xchihe.

Hechos 20:24

Pero mayuc sc'oblal ta co'tan te jcuxlejal, ha nax ay sc'oblal te yacuc xhu' cu'un slajinel soc yutsil co'tan te ahnimal soc te ca'tel quich'oj yu'un te Cajwaltic Jesús, ha te yalbeyel sc'oblal te lec yach'il c'op yu'un te yutsil yo'tan te Diose.

Filipenses 2:30

como ta scuenta te ya'tel te Cristo jteb ma ba cham yu'un, c'an yac' scuxlejal ta shu'tesel te banti ma ba hu' awu'unic acoltaybelonique.

Hebreos 2:3

¿bin ut'il c'an ahnucotic loq'uel teme ma ba ya quich'tic ta cuenta te muc'ul colele? Te colel ini, te nahil halbot sc'oblal yu'un te Cajwaltic, la yalbotic te melel te mach'atic la ya'iyic,

Jueces 12:3

C'alal la jquil te ma ba yac acoltayonic, la jloq'ues jba ta co'tan soc jcuxlejal, la jca'be guerra te amonetic, te Jehová la ya'bon ta jc'ab. ¿Bin yu'un hiche te tal awa'bonic guerra yo'tic te ha'exe? xchi.

Jueces 9:17

Te jtat la yac' guerra ta acuentahic, la sloq'ues ta yo'tan scuxlejal scuenta yu'un ya yaq'uex ta libre ta sc'ab Madián;

1 Samuel 11:13

Pero la yal te Saúl: Mayuc mach'a ya xlaj yo'tic, como te Jehová la scoltayix yo'tic te Israel, xchi.

1 Samuel 14:45

Pero te winiquetic la yalbeyic te Saúl: ¿Ya bal spas ya xlaj ta milel te Jonatán, te mach'a la ya'iy muc'ul tsalaw ta Israel? ¡Ma hichuc! ¡Yiloj Jehová! ma me xco ta lum jlihcuc stsotsel sjol, como ha la spas ini ta scuenta te coltayel yu'un te Diose, xchihic. Hich la scoltayic ta milel te Jonatán.

1 Samuel 19:6

La ya'iybe sc'op Jonatán te Saúl, hich la yal ta jamal: ¡Yiloj Jehová! ma ba ya xlaj te David, xchi.

1 Samuel 20:32

Te Jonatán la sjoc'obe te Saúl te stat: ¿Bin yu'un ya yich' milel? ¿Bin spasoj hiche? xchi.

1 Samuel 22:14

Te Ahimelec la sjac'be sc'op te ajwalil: Ta spisil te a'batetic awu'un, ¿mach'a a te hich jun yo'tan ta atojol te bin ut'il te David, te ha nix snihal te ajwalil, te yich'oj ya'tel ta stojol soc te ich'bil ta cuenta ta ana?

1 Samuel 28:21

Tal ta stojol Saúl te antse, c'alal la yil te u'untaybot yo'tan yu'un xiwel, hich la yalbe: Te awa'bat la sch'uhumbatix ac'op; ma ba la jxi' te ya xlajon, la jpas te bin la awalbon.