1 Samuel 19:18 - Bible in Tzeltal Bachajón

¹⁸ Hich loc' bahel ta ahnel te David, tal ta banti ay Samuel ta Ramá, c'oht yalbe ya'iy spisil te bintic pasbot yu'un Saúl. Te Samuel soc te David bahtic ta nahinel ta Naiot.

Bible in Tzeltal de Oxchuc y Tenejapa

¹⁸ Jich ju' yu'un, col te David. C'alal col, bajt' ta ba ay Samuel ta lum Ramá, c'o xcholbey yaiy spisil te bitic pasbot yu'un te Saule. Te Samuel soc te David bajt'ic ta nainel ta Naiot.

1 Samuel 19:18 ပူးပေါင်းရင်းမြစ်များ

Salmos 116:11

Te bin ut'il ayon ta wocol hich la jcal: Spisil ants-winiquetic ha jlotetic, xchihon.

Santiago 5:16

Talel c'axel halbeya abahic te amulique, soc talel c'axel c'opombeya abahic Dios, scuenta yu'un hich me ya xlecubex ta chamel a. Te ya sc'opon Dios te mach'a toj yo'tan, ay yu'el soc bayel bin ya xc'oht ta pasel yu'un.

1 Samuel 1:19

Hahchic ta sab, la sch'uhuntayic te Jehová, suhtic bahel ta sna ta Ramá. Te Elcana way soc te Ana te yihnam; te Jehová la sna' te antse.

1 Samuel 15:34

Patil baht ta Ramá te Samuel, te Saúl mo bahel ta sna ta Gabaa yu'un Saúl.

1 Samuel 19:19

C'oht ta halbeyel te Saúl: Ay ta Naiot ta Ramá te David, xchi.

1 Samuel 19:22

Ha yu'un ha nix baht ta Ramá te Saúl. C'alal c'oht ta muc'ul pozo te ay ta Secú, la sjoc'oy: ¿Banti ay te Samuel soc David? xchi. Ay mach'a la sjac': Ayic ta Naiot ta Ramá, xchi.

1 Samuel 19:23

Hich baht ta Nairot ta Ramá, ha nix hich hul ta stojol te espíritu yu'un Dios; hich behen bahel soc yac ta yalel sc'op-jalwanej ha to c'alal c'oht ta Naiot ta Ramá.

1 Samuel 20:1

Ta patil, te David loc' bahel ta ahnel ta Naiot te ay ta Ramá, c'oht ta stojol Jonatán, hich la yal: ¿Bin la jpas ho'on? ¿Bin chopol jpasoj o bin jmul jtahoj ta stojol atat, te yac slehbelon yu'un ya smilon? xchi.

1 Samuel 21:11

Te a'batetic yu'un Aquis hich la yalbeyic: ¿Ma bal ha'uc te David ini, te ajwalil yu'un te q'uinale? ¿Ma bal ha'uc te hich c'ayojtayot ta ahc'ot: Te Saúl la smil bayel ta mil (1,000) ta tuhl; te David la smil bayel ta lajunmil (10,000) ta tuhl, te xchihe?

1 Samuel 28:3

Te Samuel chamenix a, spisil Israel la yoq'uetayiquix soc la smuquiquix ta Ramá ta slumal. Te Saúl stenojix loq'uel ta q'uinal a te j'ic'-ch'uhlelaletic soc te jna'ojeletique.

1 Samuel 7:17

Patil ya suht xan bahel ta Ramá, yu'un tey ay sna a. Tey ya schahpan a te Israel, soc tey la spasbe scajtajib smahtan a te Jehová.