1 Samuel 19:10 - Bible in Tzeltal Bachajón

¹⁰ te Saúl ya c'an sts'ap ta lanza ta pahc', pero loc' bahel ta stojol Saúl, ts'apal hil ta pahc' te lanzahe. Ha nix ta ahc'abal a loc' ta ahnel te David.

Bible in Tzeltal de Oxchuc y Tenejapa

¹⁰ Ya c'an sts'ap ta pajc' ta lanza, pero la sc'ases te lanza te David, te slanza te Saúl ts'apal c'oel ta pajc'. Te c'alal c'ax yu'un te David, jich yorail ta ajc'ubal loc' ta anel.

1 Samuel 19:10 ပူးပေါင်းရင်းမြစ်များ

Salmos 124:7

Colemotic loq'uel ta yaquil yu'unic, hich te bin ut'il ha'mal mut te col ta syac te jyaquiwejetic; tuch' te yaquil, hich loc'otic ta ahnel.

Salmos 18:17

La scoltayon loq'uel ta sc'ab te jcontra te ay yip soc ta stojol te mach'atic ya sp'ajonic, te tulanic xan a te bin ut'il te ho'one.

Salmos 34:19

Ay bayel swocolic te mach'a toj yo'tan, pero te Jehová ya scoltay loq'uel ta spisil.

Salmos 37:32

Te mach'a chopol yo'tan ya smacliy te mach'a toj yo'tan, ya sle bin ut'il ya smil;

Proverbios 1:16

como ya x'ahnimajic ta stojol bin chopol, ya suj sbahic ta smalel ch'ich'.

Proverbios 21:30

Mayuc p'ijil-o'tanil, snopojibal, o j'ac'-o'tanil te ya xhu' ya scontrahin te Jehová.

Isaías 54:17

Mayuc a'tejibal yu'un guerra te ya xhu' ya stsalat, soc ya xhu' awu'un scomel te mach'a ya slehat ta c'op. Ha ini te bin ya yich'ic te a'batetic yu'un Jehová, ha ini te tsalaw te ya c'abe, xchi te Jehová.

Oseas 6:4

Ya yal te Jehová: ¿Bin ya jpasbat ta atojol, Efraín? ¿Bin ya jpasbat ta atojol, Judá? Te sc'uxul awo'tanic hich c'ohem te bin ut'il tocal ta sab, hich c'ohem te bin ut'il te ts'ujul ta sacubel q'uinal te ya xch'ay bahele.

San Mateo 10:23

C'alal ya yuts'inex ta banti jun pueblo, ahnanic bahel ta yan pueblo. Como jamal ya calbeyex te ma to ba lajem abehentaybelic spisil a te pueblohetic yu'un Israel te ya xtal te Nich'anil ay ta scuenta winic.

San Lucas 4:30

pero c'ax ta yohlilic te Jesús, baht.

San Juan 10:39

Ya c'an stsaquic yan buelta, pero col ta sc'abic.

Hebreos 11:34

la stup'ic te xpulet ta tihlel c'ahc', ma ba la yich'ic milel ta espada, a'bot yipic te c'alal lajem yipic a, tulan la ya'iyic tsalaw ta guerra, soc la snutsic bahel jyanlum soldadohetic.

1 Samuel 18:10

Ta schebal c'ahc'al hul soc yip ta stojol Saúl bohl espíritu ticombil tal yu'un Dios; hahch ta sohquel sjol ta yutil sna. Te David yac ta stijel arpa a, hich te bin ut'il ya spasulan ta spisil ora. Te Saúl yich'oj lanza ta sc'ab,

1 Samuel 18:11

la syalbay ta slanza, yu'un la yal: Ya me jts'ap ta pahc' ta lanza te David, xchi. Pero te David cheb buelta la sc'ases.

1 Samuel 19:6

La ya'iybe sc'op Jonatán te Saúl, hich la yal ta jamal: ¡Yiloj Jehová! ma ba ya xlaj te David, xchi.

1 Samuel 20:33

Ha yu'un te Saúl la syalbay ta lanza yu'un ya smil. Tey la sna' a te Jonatán te snopoj ta yo'tan te stat te ya smil te David.