1 Samuel 18:8 - Bible in Tzeltal Bachajón

⁸ Mero ilin yu'un te Saúl, ma lecuc la ya'iy te bin la yich' halele, hich la yal: Te David ya ya'beyic ta scuenta smilel bayel ta lajunmil (10,000) ta tuhl, yan te ho'one bayel ta mil (1,000) ta tuhl. Ha xanix te ma x'och ta ajwalil, xchi.

Bible in Tzeltal de Oxchuc y Tenejapa

⁸ Ma lecuc la yaiy te Saúl te jich alote, mero ilin yu'un. Jich la yal: “Te David ya yac'beyic ta swenta smilel lajunmil (10,000) ta jtul winiquetic, yan te jo'one ja' nax jmil (1,000) ta jtul. Ja' xanix te ma ba ya yaq'uic ochel ta muc' ajwalil”, xi' yu'un.

1 Samuel 18:8 ပူးပေါင်းရင်းမြစ်များ

Génesis 37:11

Te sbanquiltac ti'ti'o'tantayot yu'un, yan te stat la sna'ulan ta yo'tan.

Génesis 37:8

Hich joc'obot yu'un te sbanquiltac: ¿Yu'un bal ya x'ochat ta ajwalil cu'uncotic? ¿Yu'un bal jcuentahinwanej ya xc'ohat ta jtojolcotic? la yutic. Hich bayel xan la sp'ajic yu'un te swayich soc te sc'ope.

1 Reyes 2:22

Hich la sjac'be te snan te ajwalil Salomón: ¿Bin yu'un yac ac'ambe yihnamin te Adonías te Abisag te talem ta Sunem? Hich c'ohem te yac ac'ambon te ya x'och ta ajwalil, como ha banquilal cu'un soc jun ay soc te sacerdote Abiatar soc Joab te yal Sarvia, xchi.

Ester 3:5

Te c'alal la yil te Amán te ma ba ya squejan sba soc ma ba ya spehc'an sba ta stojol, mero ilin yu'un.

Proverbios 13:10

Ya shach c'op te toybahil, pero te p'ijil-o'tanil ay ta stojol te mach'atic ya sch'uhunic tojobtesel.

Proverbios 27:4

Te ilimba ya x'uts'inwan, te sc'ahc'al-o'tanil ya xjinawan, pero ¿mach'a ya xcuhch yu'un te ti'ti'o'tantayele?

Eclesiastés 4:4

Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

Números 11:1

Te pueblo hahch ta tulan c'op ta stojol Jehová. La ya'iy te Jehová, bayel ilin yu'un. Hich tihl c'ahc' yu'un Jehová ta yohlilic te la slajin te jun sti'il te campamento.

Números 22:34

Ha yu'un te Balaam la yalbe te ch'ul a'bat yu'un Jehová: Jtahoj jmul, ma ba la jna' teme ha'at amacbeyejon jbe. Teme ma ba lec yac awa'iy, ya suhton, xchi.

Santiago 4:5

O ¿ya bal acuyic te tojol hich ya yal te Shun Dios: Te espíritu te la yac' ayinuc ta co'tantic, ha bayel xut'et yo'tan, te xchihe?

1 Samuel 13:14

Pero ma ba ya xhiliquix ta ajwalil te ats'umbale. Te Jehová la slehix jtuhl winic te lec yo'tan yu'un, ha la yac' te jtsobaw ya xc'oht yu'un te pueblo yu'une, ta scaj te ma ba la ach'uhumbe te mandar la yalbat te Jehová, xchi.

1 Samuel 15:28

Ha yu'un te Samuel hich la yalbe: Te Jehová la sch'i'batix loq'uel ta atojol te awa'tel ta ajwalil ta Israel, la ya'beyix ta scuenta jtuhl apat-axuhc te ha lec xan a te bin ut'il te ha'ate.

1 Samuel 16:13

Hich te Samuel la stsac te xulubil te yich'oj aceite, la smalbe aceite ta yohlil te sbanquiltac. Ta hich ora bahel te David u'untayot yu'un te espíritu yu'un Jehová. Patil hahch te Samuel, suht bahel ta Ramá.

1 Samuel 18:9

Ta hich ora te Saúl hahch sti'ti'o'tantay te David.

1 Samuel 19:1

Te Saúl la yalbe te Jonatán te snich'an, soc spisil te a'batetic yu'un te yacuc smilic te David. Pero te Jonatán bayel c'ux ta yo'tan te David,

1 Samuel 20:31

Como te jayeb c'ahc'al cuxul ta bahlumilal te snich'an Isaí, mayuc awip yac ata soc ma ba ya x'ochat ta ajwalil. ¡Ticombon ta iq'uel tal, yu'un ya sc'an ya yich' milel! xchi.