1 Samuel 18:5 - Bible in Tzeltal Bachajón

⁵ Te David ya xbaht ta bayuc ya xticonot yu'un Saúl; lec spisil te bintic la spas. Hich te Saúl la ya'be scuentahin te soldadohetic yu'un; lec ta o'tanil yu'un spisil te pueblo soc te a'batetic yu'un Saúl.

Bible in Tzeltal de Oxchuc y Tenejapa

⁵ Te David spisil te bitic ac'bot spas yu'un te Saúl, ts'acal c'ot ta pasel yu'un, jich te Saúl la yac'bey swentain soldadoetic. Te soldadoetic bin nax yo'tanic yu'un, soc nix te abatetic yu'un Saúl, buen lec yo'tanic yu'un.

1 Samuel 18:5 ပူးပေါင်းရင်းမြစ်များ

Génesis 39:23

Te jcuentahinwanej yu'un te cárcel mayuc bin la snop ta yo'tan yu'un te mach'atic la ya'be scuentahin te José, yu'un joquimbil yu'un Jehová te José, soc lec c'oht ta loq'uel yu'un Jehová spisil te bin la spase.

2 Samuel 5:10

Te David behbe yich'bel yip, como joquimbil yu'un Jehová te Dios te scuentahinej spisil.

2 Samuel 5:2

Ta nahilal, te c'alal ay ta ajwalil cu'untic a te Saúl, ha'at la aloq'ues ta guerra te Israel soc la awic' suhtel tal. Soc hich yalbeyejat te Jehová: Ha'at yac acanantaybon soc ha'at príncipal ya xc'ohat yu'un te pueblo Israel cu'un, xchi.

2 Crónicas 17:3

Te Jehová la sjoquin te Josafat yu'un la st'umbe te behetic te st'unoj David te state. Ma ba la sle te baaletic,

Salmos 1:3

Hich ya xc'oht te bin ut'il te' te ts'umbil ta ti' muc'ul-ha', te ya yac' sit ta yorahil soc ma xluhbaj te ya'binal; soc lec ya xc'oht spisil bintic ya spas.

Salmos 101:2

Ya jc'an te toj ya xbehenon ta lequil be. ¿Bin ora ya xtalat ta jtojol? Toj bin ya jpas te c'alal ayon ta jna.

San Mateo 10:16

Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

Hechos 7:10

la scoltay ta spisil swocol, la ya'be sp'ijil yo'tan soc la yac' te lec yo'tan yu'un te faraón ajwalil yu'un Egipto, te la yotses ta gobernadoril yu'un Egipto soc ta scuentahinel spisil sna.

Efesios 5:17

Ha yu'un ma me biluc nax xalomic ta pasel, na'ahic me te bin ya sc'an yo'tan te Cajwaltique.

Colosenses 4:5

P'ijanic me bin ut'il ya x'ayinex soc te mach'atic ma ba sch'uhunejic te Cristo, ayuc me scuentahil bin ut'il ya xc'ax c'ahc'al awu'unic ta stojolic.

Jueces 1:19

Te Jehová la sjoquin te Judá, te ha la yu'untayic te witsiltic, pero ma ba hu' yu'unic stenel loq'uel te mach'atic nahinemic ta spamlej, yu'un ay scarretahetic yu'un guerra pasbilic ta taq'uin.

1 Samuel 13:2

la stsa j'ohlil swaxacbahc' (3,000) winiquetic yu'un Israel; ho'bahc' (2,000) ta tuhl joquinot yu'unic ta Micmas soc ta witsiltic yu'un Bet-el, j'ohlil yoxbahc' (1,000) ta tuhl la sjoquinic Jonatán ta Gabaa yu'un Benjamín. Te jayeb xan hil la sticonlan suhtel ta snahilpaq'uic.

1 Samuel 14:52

Te jayeb c'ahc'al cuxul te Saúl mero tulan te guerra ta stojol te filisteohetique. Te Saúl, te c'alal bin ora la yil jtuhl winic te bayel yip soc te ma xiw, la yic' ta soldadohil.

1 Samuel 18:16

Pero ta spisil Israel soc Judá c'ux ya ya'iyic ta yo'tanic te David, como ha ya x'ic'otic bahel ta guerra soc ya x'ic'otic suhtel tal yu'un.

1 Samuel 18:30

Ya xloq'uic bahel ta guerra te jtsobaw yu'un te filisteohetic. Te jujun buelta te ya xloq'uic bahele, ha bayel xan hu' yu'un te David te bin ut'il te yantic a'batetic yu'un Saúl. Hich mero na'bil sba c'oht.

1 Samuel 18:4

Te Jonatán la schol te smuc'ul-c'u' slapoj, la ya'be te David, soc te yan sc'u' spac', te espada yu'un, st'ihmalte' soc schuhquil sch'uht.

1 Samuel 18:6

C'alal yacalic ta suhtel tal te soldadohetic, c'alal David la smil te filisteo, ta spisil te pueblohetic yu'un Israel loq'uic tal antsetic ta stahel te ajwalil Saúl, yacalic ta c'ayoj soc ahc'ot, yacalic ta stijel pandero soc ya'tejibic yu'un c'ayoj, soc tse'el yo'tanic ta c'ayoj.

1 Samuel 3:19

Muc'ub te Samuel soc joquinot yu'un Jehová, soc ma ba la yac' ch'ayuc jp'ahluc te sc'ope.