1 Samuel 18:30 - Bible in Tzeltal Bachajón

³⁰ Ya xloq'uic bahel ta guerra te jtsobaw yu'un te filisteohetic. Te jujun buelta te ya xloq'uic bahele, ha bayel xan hu' yu'un te David te bin ut'il te yantic a'batetic yu'un Saúl. Hich mero na'bil sba c'oht.

Bible in Tzeltal de Oxchuc y Tenejapa

³⁰ Soc xan te c'alal ya yic' loq'uel ta guerra te jtsobwanej-filisteoetic, te David puersa ja' bayal yutsil sc'oplal yat'el ya xc'ot; ja' peq'uel sc'oplal ya xloc' te yantic abatetic yu'un te Saule. Ja' yu'un te David ja' mero ich'bil ta muc' c'ot yu'un te lume.

1 Samuel 18:30 ပူးပေါင်းရင်းမြစ်များ

2 Samuel 11:1

Ta yorahil ya x'ach'ub ya'binal te'etic, te bin ora ya xloq'uic bahel ta guerra te ajwaliletic, te David la sticon bahel te Joab soc te a'batetic yu'un soc spisil Israel. La slajinic te amonetic soc la sjoytayic te Rabá. Pero hil ta Jerusalén te David.

2 Samuel 7:9

Joquinejat ta bayuc behenat, la jlajimbat ta atojol spisil te acontratac, soc la jtoybe sc'oblal abihil, hich te bin ut'il sbihilic te mach'atic muc' sc'oblalic ta bahlumilal.

2 Reyes 1:13

Patil te ajwalil la scha'ticon xan ta yoxebal buelta yan capitán soc lajuneb yoxwinic (50) ta tuhl winiquetic. Pero te yoxebal capitán mo bahel, la squejan sba ta stojol te Elías, la yalbe wocol, hich la yal: Winicat yu'un Dios, ayuc me sc'oblal awu'un te jcuxlejal soc te scuxlejalic te lajuneb yoxwinic (50) ta tuhl a'batetic awu'une.

Salmos 116:15

Bayel sc'oblal ta stojol Jehová teme ya xcham te mach'atic yu'un te ch'uhltesbilic.

Salmos 119:99

C'ax hich ya jna' a te bin ut'il spisil te jnohpteswanejetic cu'un, como ya jna'ulan te testigo-c'op awu'une.

Proverbios 12:8

Te winic ay ta halbeyel yutsil sc'oblal, ha chican te sp'ijil yo'tan, pero ya x'ihlayot te mach'a bohl yo'tane.

Daniel 1:20

Ta spisil te sc'oblal p'ijil-o'tanil soc te bintic ay ta na'el te joc'obotic yu'un te ajwalil, la sta te lajuneb buelta tohyem sp'ijilic a te bin ut'il spisil te jpas-señahiletic soc te jna'ojeletic te ayic ta ban c'alal scuentahinej te ajwalile.

San Lucas 21:15

como ho'on ya ca'beyex sp'ijil awo'tanic ta c'op, te ma xhu' yu'un ya scomex soc te ya scontrac'optayex spisil te acontrataque.

Efesios 5:15

Ha yu'un tsahtaya me abahic ta lec bin ut'il ya x'ayinex ta q'uinal, p'ijanic me, ma me hichuquex te bin ut'il mach'atic ma sna'ic q'uinal,

1 Pedro 2:4

Nopojanic ta stojol Cristo, ha te cuxul ton, te p'ajbil yu'un ants-winiquetic pero tsahbil yu'un Dios soc ha bayel sc'oblal ta yo'tan.

1 Pedro 2:7

Te ha'ex te ach'uhunejic, ha bayel sc'oblal ta awo'tanic te tone; yan te mach'atic ma ba ya sch'uhunic: Te ton te p'ajbil yu'un te jpas-nahetic, ha sjol c'oht te yich'o-ip te xuhc nahe, xchi,

1 Samuel 18:29

Ha yu'un te Saúl bayel xan la xi' te David. Hich contrahinot yu'un Saúl te David te jayeb xan c'ahc'al cuxul.

1 Samuel 18:5

Te David ya xbaht ta bayuc ya xticonot yu'un Saúl; lec spisil te bintic la spas. Hich te Saúl la ya'be scuentahin te soldadohetic yu'un; lec ta o'tanil yu'un spisil te pueblo soc te a'batetic yu'un Saúl.

1 Samuel 19:8

Hahch guerra yan buelta. Hich loc' bahel te David, baht ya'be guerra te filisteohetique. Bayel la smilticlan hilel, hich loq'uic ta ahnel ta stojol.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.

1 Samuel 26:21

Ha yu'un hich la yal te Saúl: Jtahoj jmul; suhtan tal, jnich'an David. Mayuc bin chopol xan ya jpasbat, como yo'tic bayel sc'oblal ta atojol te jcuxlejale. Sonsohon, bayel howiyemon, xchi.

1 Samuel 26:24

Hich te bin ut'il bayel sc'oblal ta jtojol te acuxlejal, hich nix ayuc sc'oblal te jcuxlejal ta stojol Jehová soc ha ac'a scoltayon loq'uel ta spisil wocol, xchi.