1 Samuel 18:17 - Bible in Tzeltal Bachajón

¹⁷ Ha yu'un te Saúl hich la yalbe te David: Ilawil, ya ca'bat awic' te cantsil-nich'an Merab, ha te wixil, teme ay yip awo'tan soc teme ya xbahat ta guerra yu'un Jehová, xchi. Como la yal ta yo'tan: Ma ho'ucon ya jmil, ha ac'a milec yu'un te filisteohetic, xchi.

Bible in Tzeltal de Oxchuc y Tenejapa

¹⁷ La sta yorail te c'opoj Saúl, jich la yalbey te David: —Ya cac'bat awinamin te cantsil-nich'an Merab, ja' te wixile. Pero jun me awo'tan ya xbaat ta guerra; ma me xiwat te jayeb buelta ay guerra ta swenta te Cajwaltique —xi'. Pero te bi snopoj ta yo'tan te Saule, ja' te ya me xlaj ta milel yu'un filisteoetic te David, ma puersauc te ja' ya smil stuquele.

1 Samuel 18:17 ပူးပေါင်းရင်းမြစ်များ

2 Samuel 11:15

Hich la sts'ihbabe bahel ta hun: Ha me nahil xawac' te Urías te banti mero tulan te guerra. Pihtesahic hilel ta stuquel scuenta yu'un ya x'ehchentesot, hich ya xlaj tey a, xchi.

2 Samuel 12:9

¿Bin yu'un te mayuc sc'oblal ta awo'tan te sc'op te Jehová te la apas te bin chopol ta stojol? La awac' ta milel ta espada te Urías te heteo-winic soc la awic'be te yihname. La awac' ta milel ta scuenta te espada yu'un te amonetique.

2 Samuel 6:16

Te c'alal c'oht te scaxahul te chapbil-c'op yu'un Jehová ta Pueblo yu'un David, te Mical yantsil-nich'an Saúl la yil ta ventana. C'alal la yil te ajwalil David te yac ta wihlel soc yac wihlawetel ta stojol Jehová, la sp'aj ta yo'tan.

Salmos 12:2

Jujutuhl ya slotiy sbahic soc spat-xuhquic, ya xbahbac'optaywanic soc cheb yo'tanic.

Salmos 55:21

Buen c'un ta a'iyel te sc'op, c'ax hich a te bin ut'il mantequilla, pero ay guerra ta yo'tan; c'un te sc'ope, c'ax hich a te bin ut'il aceite, pero hich c'ohemic te bin ut'il espadahetic loq'uesbilic ta sna.

Proverbios 26:24

Te mach'a ya x'il-o'tantaywan, ma xyac' sba ta na'el ta sc'op, pero ay ta yo'tan lo'loywanej.

Proverbios 26:25

Teme buen lec ya xc'opoj, ma xach'uhun, como ay huqueb bintic ilobtic sba ta yo'tan.

Proverbios 26:26

Aunque smucoj ta sc'op te il-o'tantaywanej, ya xchicnaj ta tsoblej te bin chopol ay ta yo'tan.

Números 21:14

Ha scuentahil te hich ya yal ta Libro yu'un Guerrahetic yu'un Jehová: Te bin c'oht ta pasel ta Mar Rojo soc ta uc'umetic yu'un Arnón;

Números 32:20

Ha yu'un hich la sjac' te Moisés: Teme hich yac apasic, teme yac achahpan abahic ta stojol Jehová ta yaq'uel guerra,

Números 32:27

Te a'batetic awu'un, te chapaliquix yu'un guerra a, ya sohlic bahel ta stojol Jehová ta yaq'uel guerra, hich te bin ut'il yaloj te cajwal, xchihic.

Números 32:29

hich la yalbeyic: Teme ya sjoquinotic ta sohlel te muc'ul-ha' Jordán te snich'nab Gad soc Rubén, te chapal spisilic soc ya'tejibic ta yaq'uel guerra ta stojol Jehová, te c'alal u'untaybilix a te q'uinal, hich yac awa'beyic yich'ic hilel te sq'uinal Galaad.

Deuteronomio 17:7

Ha nahil ya xhahch sc'abic ta milaw te testigohetic, patil ya xhahch sc'abic spisil te pueblo; hich yac aloq'ues a te bin chopol ta awohlile.

1 Samuel 14:49

Te snich'nab Saúl: ha te Jonatán, Isúi, soc Malquisúa. Te sbihilic te cheb yantsil-nich'nab: Merab te wixile, Mical te ihts'inale.

1 Samuel 17:25

Hich ya yalic ta jujutuhl te mach'atic yu'un Israel: ¿La bal awilic te winic te loc' talel? Ya xloc' tal stijbe hahchel yo'tan te Israel. Te mach'a ya xhu' yu'un stsalele, ya x'a'bot bayel sc'ulejal yu'un te ajwalil soc ya x'a'bot te yantsil-nich'an, soc ma ba ya yac' spatan te mach'atic ay yu'un te stat ta Israel, xchihic.

1 Samuel 17:36

Aunque choj, aunque oso, pero te a'bat awu'un la smil. Te filisteo ini te ma ba yich'oj circuncisión pajal ya xc'oht soc, como stijbeyej yo'tan te soldadohetic yu'un te cuxul Dios.

1 Samuel 17:47

Soc ya me sna' spisil te pueblo ini te Jehová ma xcoltaywan ta espada o ta lanza; como ha yu'un Jehová te guerra, ha ya yaq'uex ta jc'abcotic, xchi.

1 Samuel 18:21

Hich la yal ta yo'tan te Saúl: Ya ca'be yic', pero ha syacojibal ya xc'oht, yu'un ha ya x'och ta sc'ab te filisteohetic, xchi. Ha yu'un te Saúl la yalbe te David scuenta schebal buelta: Jni'al me ya xc'ohat yo'tic, xchi.

1 Samuel 18:25

La yal te Saúl: Hich me yac awalbeyic te David: Te ajwalil ma sc'an smahtan, ha nax ho'winic (100) snuhculel sjol sc'unil sbaq'uetal filisteohetic, scuenta yu'un sutbeyel spacol a te scontra te ajwalil, xchi. Pero te Saúl ay ta yo'tan te ya x'och ta sc'ab filisteohetic te David.

1 Samuel 18:27

loc' bahel te David soc te winiquetic yu'un, la smil lajunwinic (200) ta tuhl filisteohetic. La yich'be tal te snuhculel sjol sc'unil sbaq'uetal te filisteohetic, la ya'be spisil te ajwalil, scuenta yu'un hich ya snihalin. Hich te Saúl la ya'be yic' te yantsil-nich'an Mical.

1 Samuel 25:28

Awocoluc pasbeya perdón te a'bat awu'un te bin chopol ini. Jehová ya me ya'be yip te sna te cajwal, yu'un yacat ta spasel te guerra yu'un Jehová, soc ma me ayuc bin chopol ya stahat te jayeb c'ahc'al cuxulat.

1 Samuel 30:26

C'alal c'oht ta Siclag te David, te bintic la spoj talel ay la sticombe bahel te mamaletic ta Judá te sc'uxultaywanej sba soc, hich la yal: Li' ay amahtanic te pojbil tal ta stojol te scontratac Jehová, xchi.