1 Samuel 18:14 - Bible in Tzeltal Bachajón

¹⁴ Lec c'oht spisil te bintic la spas, como joquimbil yu'un te Jehová.

Bible in Tzeltal de Oxchuc y Tenejapa

¹⁴ Te bit'il joinbil yu'un Cajwaltic te David, ja' yu'un spisil bi la spas mero lec c'ot.

1 Samuel 18:14 ပူးပေါင်းရင်းမြစ်များ

Génesis 39:23

Te jcuentahinwanej yu'un te cárcel mayuc bin la snop ta yo'tan yu'un te mach'atic la ya'be scuentahin te José, yu'un joquimbil yu'un Jehová te José, soc lec c'oht ta loq'uel yu'un Jehová spisil te bin la spase.

2 Samuel 5:10

Te David behbe yich'bel yip, como joquimbil yu'un Jehová te Dios te scuentahinej spisil.

2 Reyes 18:7

Joquimbil yu'un Jehová, lec c'oht spisil bintic la spasticlan. Te Ezequías la stoy sba ta stojol te ajwalil yu'un Asiria, ma ba la yaq'uix sba ta a'batinel yu'un.

1 Crónicas 18:13

La yac' soldadohetic ta scanantayel te Edom. Spisil te edometic ochic ta a'batinel yu'un David. Te Jehová la yac' ta tsalaw ta bayuc banti baht te David.

1 Crónicas 18:6

Te David la yac' jtsohb soldadohetic ta Siria te cuentahimbil yu'un Damasco. Te siriahetic ochic ta a'batinel yu'un David soc la stoj spatanic ta stojol. Te Jehová la yac' ta tsalaw ta bayuc banti baht te David.

2 Crónicas 17:3

Te Jehová la sjoquin te Josafat yu'un la st'umbe te behetic te st'unoj David te state. Ma ba la sle te baaletic,

Salmos 101:2

Ya jc'an te toj ya xbehenon ta lequil be. ¿Bin ora ya xtalat ta jtojol? Toj bin ya jpas te c'alal ayon ta jna.

San Mateo 1:23

Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Hechos 18:10

como ho'on joquinejat, mayuc mach'a ya xhu' ya yuts'inat, yu'un ay to tsobol ants-winiquetic cu'un li' ta pueblo ini, xchi.

Josué 6:27

Joquinot yu'un Jehová te Josué, soc puhc bahel sc'oblal ta spahmal te q'uinale.

Jueces 1:19

Te Jehová la sjoquin te Judá, te ha la yu'untayic te witsiltic, pero ma ba hu' yu'unic stenel loq'uel te mach'atic nahinemic ta spamlej, yu'un ay scarretahetic yu'un guerra pasbilic ta taq'uin.

1 Samuel 10:7

Te c'alal c'ohemix ta pasel ta atojol a te señahiletic ini, pasa te bin ya sc'an awo'tan, yu'un sjoquinejat te Diose.

1 Samuel 16:18

Ha yu'un ay jtuhl ya'bat te hich la yal: Ay quiloj jtuhl snich'an Isaí ta Belén te ya sna' stijel te arpa, ay yip yo'tan soc ya sna' yaq'uel guerra, lec ya xc'opoj, t'ujbil soc joquimbil yu'un Jehová, xchi.

1 Samuel 18:15

C'alal la yil te Saúl te lec c'oht spisil bintic la spas, la xi' yu'un.

1 Samuel 19:8

Hahch guerra yan buelta. Hich loc' bahel te David, baht ya'be guerra te filisteohetique. Bayel la smilticlan hilel, hich loq'uic ta ahnel ta stojol.

1 Samuel 3:19

Muc'ub te Samuel soc joquinot yu'un Jehová, soc ma ba la yac' ch'ayuc jp'ahluc te sc'ope.