1 Samuel 18:10 - Bible in Tzeltal Bachajón

¹⁰ Ta schebal c'ahc'al hul soc yip ta stojol Saúl bohl espíritu ticombil tal yu'un Dios; hahch ta sohquel sjol ta yutil sna. Te David yac ta stijel arpa a, hich te bin ut'il ya spasulan ta spisil ora. Te Saúl yich'oj lanza ta sc'ab,

Bible in Tzeltal de Oxchuc y Tenejapa

¹⁰ Ta xchebal c'aal te Saúl wentainot yu'un te bol espíritu ticunbil yu'un Dios. Jich jajch' ta bolobel ta yutil sna, pajal soc te mach'a soquem sjol yilel. Te David yac ta stijel arpa, jich nix te bit'il ya spasulay spisil ora. Te Saúl yich'oj ta sc'ab slanza.

1 Samuel 18:10 ပူးပေါင်းရင်းမြစ်များ

1 Reyes 18:29

C'ax ta ohlil c'ahc'al, tey noc'olic ta aw a c'alal ta yorahil yaq'uel te milbil mahtanil, pero mayuc chicnaj sc'op, mayuc mach'a la sjac', mayuc mach'a la yich' ta cuenta.

1 Reyes 22:12

Spisil te jalwanejetic junax hich yac yalbelic: Mohan bahel ta Ramot yu'un Galaad, ya me awa'iy tsalaw, como te Jehová ya ya'bat ta ac'ab te ajwalil, xchihic.

Jeremías 28:11

hich la yal ta stojol spisil te pueblo: Hich yaloj te Jehová: Li' ta cheb ha'bil hich nix ya jwac'be te yugo yu'un te ajwalil Nabucodonosor ta Babilonia te ay ta snuq'uic spisil te nacionetic, xchi. C'alal hich la ya'iy, baht te Jeremías.

Hechos 16:16

Ay jun buelta te c'alal yacotic ta bahel ta banti ya jc'opontic Dios, loc' tal stahotcotic jtuhl ach'ix te ay espíritu yu'un na'ojel ta yo'tan; bayel ya spasic ganar te yajwalic te ach'ix yu'un te bin ya sna'e.

2 Tesalonicenses 2:11

Ha scuentahil te Dios la sticombe tal lo'loyel te ay yip, yu'un hich ya sch'uhunic a te lotiyel,

Jueces 16:20

Awon yan buelta te Dalila: ¡Sansón, taliquix te filisteohetic! xchi. Wihc' sit te Sansón, la yal ta yo'tan: Ya xloc'on bahel hich te bin ut'il te yan buelta, xchi. Pero ma ba la sna' te ihquitaybilix yu'un te Jehová.

1 Samuel 16:23

C'alal ya xhul ta stojol Saúl te bohl espíritu ticombil yu'un Dios, te David ya stsac te arpa, ya x'och stij. Hich ya xlecub q'uinal ya ya'iy a te Saúl, ya x'ihquitayot yu'un te bohl espíritu.

1 Samuel 18:9

Ta hich ora te Saúl hahch sti'ti'o'tantay te David.

1 Samuel 19:10

te Saúl ya c'an sts'ap ta lanza ta pahc', pero loc' bahel ta stojol Saúl, ts'apal hil ta pahc' te lanzahe. Ha nix ta ahc'abal a loc' ta ahnel te David.

1 Samuel 19:7

Ha yu'un te Jonatán la yic' tal te David, la yalbe ya'iy spisil. Ha nix la yic' bahel ta stojol Saúl, hich te David hil ta stojol hich te bin ut'il ta nahil to.

1 Samuel 19:9

Pero te bohl espíritu ticombil yu'un Jehová hul ta stojol Saúl, hucul ta sna soc stsacoj slanza ta sc'ab a. Yac ta stijel arpa a te David,

1 Samuel 26:19

Awocoluc, cajwal, a'iybeya sc'op te a'bat awu'une. Teme ha te Jehová te la yac' te yac acontrahinon, ac'a stsac te mahtanile; yan teme ha winiquetic, jc'axel me bohlobenuc sc'oblalic ta stojol Jehová, como la stenoniquix loq'uel scuenta yu'un ma ba ya xc'ohtix ta jcuenta te bin ya ya'botic te Jehová, hich ya yalbonic: Bahan, ac'a aba ta a'batinel ta stojol yantic diosetic, xchihic.