1 Samuel 17:8 - Bible in Tzeltal Bachajón

⁸ Te Goliat la stehc'an sba, hich la yawtay te soldadohetic yu'un Israel: ¿Bin yu'un achapoj abahic ta yaq'uel guerra? ¿Ma bal filisteohucon, soc te ha'ex ya'batex Saúl? Tsahahic loq'uel tal jtuhluc winic ta awohlilic te ya jtsac jba soc.

Bible in Tzeltal de Oxchuc y Tenejapa

⁸ Te Goliat la stejc'an sba, jich la yalbey te soldado-israeletique: —¿Bistuc te jich apasoj abaic te bit'il ya x'ochex ta guerra yilele? Te jo'on filisteoon, te ja'ex yabatex Saúl. Ja' yu'un tsaaic loq'uel tel jtuluc winic ta awolilic, ac'a couc talel, yu'un ya me cac'bey jba soc.

1 Samuel 17:8 ပူးပေါင်းရင်းမြစ်များ

2 Samuel 11:11

La sjac' te Urías: Te scaxahul te chapbil-c'op yu'un Dios soc te soldadohetic yu'un Israel soc Judá nahinemic ta nahilpac', soc te cajwal Joab soc te a'batetic yu'un ayic ta aquiltic. ¿Ya bal spas te ya x'ochon bahel ta jna, te ya xwe' x'uch'on soc te ya xwayon soc te quihname? ¡Ta scuenta acuxlejal soc ta scuenta ach'uhlel, ma ba hich ya jpas! xchi.

1 Crónicas 21:3

La yal te Joab: ¡Jehová ac'a yac' p'ohluc ho'winic (100) xan buelta a te bin ut'il ay ta ora ini, ajwalilat cu'un! ¿Ma bal ha'uc spisilic a'batetic yu'un te cajwal? ¿Bin yu'un te hich ya sc'an ya spas te cajwal, te ya ya'be sta smul te Israel? xchi.

1 Samuel 17:23

Te c'alal yac ta c'op soc a, te jtsalaw-soldado te ya stehc'an sba ta yohlil te cheb campamentohetic, ha te Goliat te talem ta Gat, loc' tal ta yohlil te banti scholoj sbahic te filisteohetic, hich nix la yal te bin ut'il ya yalulan spisil ora; la ya'iy te David.

1 Samuel 17:26

Ha yu'un te David la sjoc'obe te mach'atic ayic ta sts'ehl: ¿Bin ya spasbeyic te winic te ya stsal te filisteo ini, te hich ya xlaj sc'oblal a te labanel yu'un Israel? ¿Mach'a ya scuy sba a te filisteo te ma ba yich'oj circuncisión yu'un ya stijbe hahchel yo'tanic te soldadohetic yu'un te cuxul Dios? xchi.

1 Samuel 8:17

Soc ya yic'beyex te jun ta slajunebal ta spisil te tuminchijetic soc tentsunetic awu'unic, soc ya me smosohinex.