1 Samuel 17:51 - Bible in Tzeltal Bachajón

⁵¹ Ora baht ta ahnimal te David, la sjetuntay te filisteo, la stsacbe loq'uel te espada yu'un, jc'axel la slajin smilel soc la xot'be loq'uel sjol. Te c'alal la yilic te filisteohetic te lajix te jtsalaw-soldado yu'unic, loq'uic ta ahnel.

Bible in Tzeltal de Oxchuc y Tenejapa

⁵¹ ora bajt' ta animal ta bay chawal te filisteo, c'o stsacbey te spuñale, la stasbey loq'uel ta sna. Ja' nix la slajin smilel a, patil la xot'bey loq'uel sjol. Te c'alal la yilic te filisteoetic te lajix te mero lequil soldado yu'unique, loq'uic ta anel.

1 Samuel 17:51 ပူးပေါင်းရင်းမြစ်များ

2 Samuel 23:21

Soc la smil jtuhl nahtil egipcio-winic. Yich'oj lanza ta sc'ab te egipcio-winic, pero te Benaía baht scontrahin soc te'. La sloq'uesbe ta sc'ab te slanza te egipcio-winic, ha nix la smil a.

2 Samuel 4:7

C'alal ochic bahel ta yutil na, te Is-boset wayal ta swayib a c'oht stahic; la smilic soc la set'beyic sjol, la yich'beyic bahel. Sjunal ahc'abal behenic bahel ta sbehlal Arabá.

Ester 7:10

Hich la sjihpanic te Amán ta ts'apbil te' te ha nix la schahpan te ha yu'un sc'oblal te Mardoqueo. Hich lahmaj yilimba te ajwalil.

Hebreos 11:34

la stup'ic te xpulet ta tihlel c'ahc', ma ba la yich'ic milel ta espada, a'bot yipic te c'alal lajem yipic a, tulan la ya'iyic tsalaw ta guerra, soc la snutsic bahel jyanlum soldadohetic.

Hebreos 2:14

Te bin ut'il ch'ich'-baq'uet te al-nich'anetic, ha nix hich la yac' sba te Jesús scuenta yu'un, ta scuenta te laj stuquel, tey ya slajin a te mach'a scuentahinej te lajele, ha te pucuje,

1 Samuel 17:50

Hich te David la stsal te filisteo ta scuenta sjihmuch' soc jp'ij ton, la yehchentes soc la smil, ma ba yich'oj espada stuquel te David.

1 Samuel 21:10

Ha nix yorahil a te loc' ta ahnel ta stojol Saúl te David, baht ta stojol Aquis te ajwalil yu'un Gat.

1 Samuel 21:9

La sjac' te sacerdote: Li' ay te espada yu'un Goliat, te filisteo-winic te la amil ta spamlej Ela; ay ta spat efod, potsol ta pac'. Teme yac ac'an yac awich', ich'a bahel, yu'un mayuc yan, ha nax ini, xchi. Mayuc yan pajal soc me ine; a'bon hiche, xchi te David.

1 Samuel 31:9

La xot'beyic loq'uel sjol soc la yich'beyic te ya'tejibic; la sticonic ta halel ta spahmal sq'uinal filisteo scuenta yu'un ya ya'iyic ta banti te templohetic yu'un te loc'ombahetic yu'unic soc te ants-winiquetic te bin lec c'ohtix ta pasele.