1 Samuel 17:44 - Bible in Tzeltal Bachajón

⁴⁴ Patil hich la yalbe te David: La', ya ca'be sti'bat abaq'uetal te mutetic ya xwihlic ta toyol soc te chambahlametic ta q'uinal, xchi.

Bible in Tzeltal de Oxchuc y Tenejapa

⁴⁴ soc jich la yalbey: —La', ya cac'bey sti'bat abaq'uetal te mutetic ya xwilic ta toyol soc chambalametic ta lumq'uinal —xi'.

1 Samuel 17:44 ပူးပေါင်းရင်းမြစ်များ

2 Samuel 21:10

Te Rizpa yantsil-nich'an Aja la stsac pac' scuenta mel-o'tan, la slim bahel yu'un ya xihc'an sba ta muc'ul ton. Tey ay a ta yorahil shahchel ta tsobel cebada ha to c'alal tal te ha'ale. Ma ba la yac' luhtsajuc jcohtuc mut ta sba te mach'atic lajemic ta c'ahc'alel soc ha'mal chambahlametic ta ahc'abal.

Proverbios 18:12

Stoyoj sba te winic te c'alal ma to ba pehc'ambil, pero nahil ay te peq'uel-o'tanil, patil te ich'el ta muc'.

Jeremías 34:20

ya cac'ticlan ta sc'ab te scontratac soc ta sc'ab te mach'atic ya xlehbot scuxlejalic yu'un. Te schamen baq'uetalic ya xti'otic yu'un mutetic ya xwihlic ta toyol soc ha'mal chambahlametic.

Jeremías 9:23

Hich ya yal te Jehová: Te mach'a ay sp'ijil ma me stoybe sba ya'iy q'uinal yu'un te sp'ijile, soc te mach'a ay yip ma me stoybe sba ya'iy q'uinal yu'un te yipe, te mach'a ay sc'ulejal ma me stoybe sba ya'iy q'uinal yu'un te sc'ulejale.

Ezequiel 28:2

Snich'anat winic, halbeya te ajwalil yu'un Tiro: Hich yaloj te Jehová, te Ajwalil: La atoyba aba soc awo'tan, hich la awal: Ho'on dioson, huculon ta smuc'ul huctajib dios ta yohlil te mar, xchihat; pero ha'at winicat, ma diosucat, acuyoj aba te pajal awo'tan soc jun dios.

Apocalipsis 19:17

La jquil jtuhl ch'ul a'bat teq'uel ta c'ahc'al, tulan hich la yawtay spisil te mutetic yacalic ta wihlel ta sjamalil ch'ulchan: La'ic, tsoba tal abahic ta muc'ul we'elil yu'un Dios,

1 Samuel 14:12

Te winiquetic yu'un te jchahp soldadohetic la yalbeyic te Jonatán soc te jcuch-a'tejibal yu'un: Mohanic tal te banti ayotcotic, ay bin ya ca'beyexcotic ana'ic, xchihic. Ha yu'un te Jonatán la yalbe te jcuch-a'tejibal yu'un: T'unawon mohel, como te Jehová yac'ojix ta sc'ab Israel te filisteohetic, xchi.

1 Samuel 17:46

Te Jehová ya me yac'at ta jc'ab yo'tic, ya jtsalat soc ya jxot'bat anuc'. Yo'tic nix ya ca'be sti'ic abaq'uetal soc te sbaq'uetal filisteohetic te mutetic ya xwihlic ta toyol soc te chambahlametic ta q'uinal. Hich me ya sna' a swohlol bahlumilal te ay Dios ta Israel.