1 Samuel 17:43 - Bible in Tzeltal Bachajón

⁴³ Te filisteo hich la yalbe te David: ¿Yu'un bal ts'i'on te tal awa'bon te'? xchi. Hich la sbohlc'optay te David ta scuenta te diosetic yu'une.

Bible in Tzeltal de Oxchuc y Tenejapa

⁴³ Te bit'il ma la yich' ta wenta, jich la yalbey: —¿Yu'un bal ts'i'on ta ac'op te tal amajon ta te'? —xi'. Ta swenta te yajcanan, ora jajch' yalbey ixta c'op te David,

1 Samuel 17:43 ပူးပေါင်းရင်းမြစ်များ

Génesis 27:29

Ac'a yac' sbahic ta a'batinel awu'un tsobol ants-winiquetic, soc ac'a snijan sbahic ta atojol te nacionetique. Ac'a yajwalinat awermanotac, ac'a snijan sbahic ta atojol te yalatac te anane. Bohlubuc me sc'oblal te mach'a ya sbohlobtesbat ac'oblal, soc lecuc me sc'oblal te mach'a ya ya'bat bendición, xchi.

2 Samuel 16:5

Te c'alal c'oht ta Bahurim te ajwalil David, loc' tal jtuhl sts'umbal Saúl tey a, Simei sbihil, snich'an Gera, yac ta bohlc'optaywanej,

2 Samuel 16:9

Ha yu'un te Abisai te yal Sarvia, hich la yalbe te ajwalil: ¿Bin yu'un ya sbohlc'optay te ajwalil cu'un te chamen ts'i' ini? Awocoluc, ac'awon sohlel yu'un ya jbojbe loq'uel sjol, xchi.

2 Samuel 3:8

Te Abner bayel ilin yu'un te bin halbot yu'un te Is-boset, hich la yalbe: ¿Yu'un bal sjol ts'i'on ta ac'op te ayon ta a'batinel yu'un Judá? C'alal ora jun co'tan ta stojol te sts'umbal atat Saúl, ta stojol te yermanotac soc te mach'atic jun yo'tan sba soc, ma ba cac'ojat ta sc'ab David; yo'tic ¿ya bal alehbon jmul ta scuenta jtuhl ants?

2 Samuel 9:8

Te Mefi-boset la snijan sba, hich la yal: ¿Mach'a a te a'bat awu'un, te ay ta cuenta awu'un chamen ts'i' hich te bin ut'il te ho'one? xchi.

1 Reyes 20:10

Te Ben-adad la sticombe xan ta halbeyel: Ac'a ya'bon tulan castigo te diosetic, teme tic' ya xhil a te sts'ubil Samaria te ya yich'ic johpuc jujutuhl te st'unojonic, xchi.

2 Reyes 8:13

¿Bin ut'il ya xhu' ya spas te bintic muc' ini te a'bat awu'un, te bin ut'il ha nax ts'i'? xchi te Hazael. La sjac' te Eliseo: Te Jehová la ya'bonix jna' te ha'at ya x'ochat ta ajwalil yu'un Siria, xchi.

Proverbios 26:2

Hich te bin ut'il ha'mal mut te bayuc ya xbaht, o ulich te yac ta wihlel, ha nix hich te chopol c'oblalil te mayuc scuentahil, ma xc'oht ta banti sc'oblal ya xc'oht.

Números 22:6

Awocoluc, la' me ta ora, bohlobtesbeya sc'oblal te pueblo ini, yu'un c'ax hich yip a te bin ut'il te ho'one. Hich wan ya xhu' cu'un stsalel soc stenel loq'uel ta q'uinal. Ya jna' te mach'a yac ac'ambe bendición ta stojol ya yich' bendición, o te mach'a yac abohlobtesbe sc'oblal, bohloben sc'oblal ya xc'oht, xchi.

Jueces 9:27

Loq'uic bahel ta ts'usubiletic, la stulbeyic sit soc la stec'ticlanic, la spasic q'uin. Patil ochic bahel ta templo yu'un te diosetic yu'unic; c'alal yacalic ta we'el uch'el a hahch sbohlc'optayic te Abimelec.

1 Samuel 14:12

Te winiquetic yu'un te jchahp soldadohetic la yalbeyic te Jonatán soc te jcuch-a'tejibal yu'un: Mohanic tal te banti ayotcotic, ay bin ya ca'beyexcotic ana'ic, xchihic. Ha yu'un te Jonatán la yalbe te jcuch-a'tejibal yu'un: T'unawon mohel, como te Jehová yac'ojix ta sc'ab Israel te filisteohetic, xchi.

1 Samuel 24:14

Te ajwalil yu'un Israel ¿mach'a loc' tal scontrahin? ¿Mach'a a te yac anutsbel? ¿Jcoht bal chamen ts'i'? ¿Jcoht bal ch'ac?

1 Samuel 24:15

Te Jehová ha juez ya xc'oht cu'untic, ya me yilotic ta jchebaltic. Ha ac'a yil soc ac'a c'opojuc cu'un, ac'a yac'on ta libre ta ac'ab, xchi.