1 Samuel 17:34 - Bible in Tzeltal Bachajón

³⁴ Te David la sjac'be te Saúl: Te a'bat awu'un ha jcanan-tuminchij yu'un te state. C'alal ya xtal choj o ya xtal oso te ya stsac bahel jcoht tuminchij ta yohlil te yantique,

Bible in Tzeltal de Oxchuc y Tenejapa

³⁴ La sjac' te David, jich la yal: —Te jo'on te awabatone, te c'alal yacon ta scanantayel a te chijetic yu'un jtat, teme ay tal jcojt' león-choj o jcojt' oso te ya stsac bael jcojt' chij te banti stsoboj sbae,

1 Samuel 17:34 ပူးပေါင်းရင်းမြစ်များ

Génesis 31:39

Mayuc bin ora la jquic'bat tal te lajem ta ti'el ta ha'mal chambahlam, ho'on la jtoj te lajeme. Soc la awa'bon jtoj te baht ta elc'anel ta c'ahc'alel o ta ahc'abal.

2 Samuel 17:8

Soc la yal xan te Husai: Ha'at ana'oj te ma xiwic te atat soc te winiquetic yu'un, soc hahchem slab yo'tanic hich te bin ut'il me' oso te yich'oj pojbeyel yalatac. Soc te atat mero ya sna' yaq'uel guerra, ma ba ya sjoquin ta ahc'abal te pueblo.

2 Samuel 23:20

Benaía snich'an Joiada te talem ta Cabseel, ma xiw, bayel bintic muc' spasoj. Ha la smil cha'tuhl snich'nab Ariel ta Moab. Soc ha nix yorahil a te yac ta yahlel me'sic, co bahel ta ch'en, la smil jcoht choj tey a.

1 Crónicas 11:22

Te Benaía snich'an Joiada, ha jtuhl winic te ma xiw, te talem ta Cabseel, bayel bintic muc' spasoj. Ha la smil cha'tuhlic ta Moab te hich c'ohemic te bin ut'il choj. Soc ha nix yorahil a te yac ta yahlel me'sic, co bahel ta ch'en, tey la smil jcoht choj a.

Salmos 143:5

Ya jna' te c'ahc'aletic ta namey, ya jna'ulan spisil te bintic apasoj, ya jnopilan spisil te ya'tel ac'ab.

Ezequiel 34:12

Hich te bin ut'il bayel sc'oblal ta yo'tan te jcanan-tuminchij te ya stsob tal te jtsohb tuminchijetic yu'un te puhquemic, hich bayel sc'oblal ta co'tan te tuminchijetic cu'un soc ya cac'ticlan ta libre ta bayuc banti puhquemic bahel ta yorahil macal q'uinal soc yihc'al q'uinal.

Amós 3:12

Hich yaloj te Jehová: Hich te bin ut'il te jcanan-tuminchij ya spojbe loq'uel ta ye choj cheb yoc o sti'il schiquin, hich ya xcol te israeletic te nahinemic ta Samaria, te ya shuhcan sbahic ta sti'il swayib soc ta lequil huctajibal.

Zacarías 11:16

Como ya jchicnajtes ta q'uinal jtuhl jcanan te ma ba ya scanantay te tuminchijetic te howiyemic, ma ba ya sle te alal tuminchij, ma ba ya spoxtay te waq'uem sbaquel, ma ba ya yic' bahel te lajem yip; ha ya swe'be sbaq'uetal te banti juhp'enic, soc ya sbots'be loq'uel te slots'.

Zacarías 9:7

Ya jloq'uesbe te ch'ich' ta ye, soc ya jloq'uesbe te bintic ilobtic sba te ay ta yohlil te sbaquel ye. Ha nix hich yu'un Dios ya xc'ohtic te mach'atic ya xhilic yu'un; hich ya xc'ohtic te bin ut'il capitanetic yu'un Judá, soc te Ecrón hich ya xc'oht te bin ut'il te jebuseo.

San Lucas 2:8

Ay jcanan-tuminchijetic nopol tey a, yaquic ta scanantayel stuminchijic ta ahc'abal.

San Juan 10:11

Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

Romanos 5:4

te bin ut'il spisil ya xcuhch cu'untic, ha ya yac' te ya xlecub jtaleltic; te bin ut'il ya xlecub te jtaleltic, ha ya yac' smuc'ul co'tantic;

Hebreos 11:33

te ha ta scuenta sch'uhunel yo'tanic hu' yu'unic stsalel ajwaliletic, toj la ya'iyic chahpanwanej, la stahic te bin halbotic sc'oblal, la smacbeyic ye chojetic,

Apocalipsis 13:2

Te chambahlam te xiweltic sba la jquil sjel ta ti'awal c'an bo'olay choj, sjel ta yoc oso te yoc soc sjel ta ye choj te yehe. Te dragón la ya'be yich' yu'el, te smuc'ul-huctajib soc te tulan ya'tele.

Jueces 14:6

Ha yu'un te espíritu yu'un Jehová hul soc yu'el ta stojol te Sansón, hich ta sc'ab nax la sjecticlan te choj, hich te bin ut'il ya yich' jecticlanel tut tentsun. Pero ma ba la yalbe te sme'stat te bin la spase.

1 Samuel 17:15

yan te David ya xbaht yilulan tal te Saúl, yu'un ya scanantaybe te tuminchijetic yu'un te stat ta Belén.

1 Samuel 17:33

Te Saúl la yalbe te David: Ma xhu' awu'un ha'at te ya xbaht atsac aba ta guerra soc te filisteo, como queremat to, yan stuquel ay ta soldadohil c'alal ta squeremil to, xchi.

1 Samuel 17:35

ya jnuts bahel, ya jmil, hich ya jpojbe ta ye. Teme ya sut sba ta jtojol, ya jtsac ta yahlan-e, ya jmil.