1 Samuel 17:26 - Bible in Tzeltal Bachajón

²⁶ Ha yu'un te David la sjoc'obe te mach'atic ayic ta sts'ehl: ¿Bin ya spasbeyic te winic te ya stsal te filisteo ini, te hich ya xlaj sc'oblal a te labanel yu'un Israel? ¿Mach'a ya scuy sba a te filisteo te ma ba yich'oj circuncisión yu'un ya stijbe hahchel yo'tanic te soldadohetic yu'un te cuxul Dios? xchi.

Bible in Tzeltal de Oxchuc y Tenejapa

²⁶ Jich te David la sjojc'obey te mach'atic ayic ta sts'eele: —¿Bila ya yac'beyic te winic ya smil te filisteo, te jich ya xlaj sc'oplal ta labanel te soldado-israeletique? ¿Mach'a ya scuy sba a te filisteo te ma ba xch'uunej te cuxul Diose te jich tal stijulabey jajch'el slab yo'tanic te soldadoetic yu'un te cuxul Diose? —xi'.

1 Samuel 17:26 ပူးပေါင်းရင်းမြစ်များ

2 Reyes 19:4

Ya wan ya'iy Jehová te Dios awu'un spisil bintic la yal te jtsobaw soldadohetic te ticombil tal yu'un te ajwalil yu'un Asiria ta sbohlc'optayel te cuxul Dios; te yacuc ya'be castigo yu'un te bintic la yal la ya'iy te Jehová te Dios awu'une. Ha yu'un c'opombeya Dios yu'un te mach'atic cuxul hilemic, xchihic.

2 Crónicas 32:17

Soc te ajwalil la sts'ihbay cartahetic scuenta sbohlc'optayel te Jehová te Dios yu'un Israel, hich la yal ta scontrahinel: Hich te bin ut'il te diosetic yu'un te yantic nacionetic ma ba hu' scoltaybel te pueblo yu'unic ta jc'ab, ha nix hich te Dios yu'un Ezequías ma ba ya xhu' ya scoltay ta jc'ab te pueblo yu'une, xchi.

Nehemías 5:9

Hich la jcal xan: Ma lecuc te bin yacalex ta spasele. ¿Ma bal ha'uc lec te ya xbehenex ta scuenta yich'el ta muc' te Dios cu'untic, scuenta yu'un ma ba ya quich'tic labanel yu'un te yantic nacionetic te ha jcontratique?

Salmos 44:13

La awac'otcotic ta halel yu'un te jpat-xuhcotic, ya stse'layotcotic soc ya slabanotcotic.

Salmos 74:18

Na'a me, Jehová, te la slabanat te contra, te pueblo te ma sna' q'uinal la slabambat abihil.

Salmos 79:12

Soc sutbeya spacol huqueb buelta te jpat-xuhcotic yu'un te la spehc'ambat ac'oblal, Jehová.

Isaías 37:23

¿Mach'a a te la alaban? ¿Mach'a a te la abohlc'optay? ¿Mach'a a te la atoy ac'op ta stojol ta scontrahinel soc te la atoy asit yu'un toybahil? ¡Ha te Ch'ul Dios yu'un Israel!

Jeremías 10:10

Yan te Jehová ha Dios ta melel, ha cuxul Dios soc Muc'ul Ajwalil scuenta sbahtel q'uinal. Ya xnihc te lumq'uinal c'alal ya x'ilin, te nacionetic ma xcuhch yu'unic te yilimbahe.

Jeremías 9:25

Ya me sta sc'ahc'alel, xchi te Jehová, te ya ca'be castigo spisil te mach'atic ha nax yich'ojic circuncisión ta scuenta sbaq'uetalic:

Jeremías 9:26

ha te Egipto, te Judá, Edom, Amón soc Moab, soc spisil te mach'atic ya xnahinic ta jochol taquin q'uinal te ya sloq'ues te stsotsel sjolic ta xuhc schiquinique. Como spisil te nacionetic ini ma ba yich'ojic circuncisión ta smelelil, soc ha nix hich te pueblo Israel ma ba yich'ojic circuncisión ta yo'tanic, xchi.

Ezequiel 28:10

Hich ya xlajat ta sc'ab jyanlumetic te bin ut'il ya xlaj mach'a ma ba yich'oj circuncisión; como ho'on c'opojonix, xchi te Jehová, te Ajwalil.

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Daniel 6:27

Ha ya xcoltaywan soc ya x'ac'awan ta libre, ya spas señahetic soc jchahp a'teliletic; ha la scoltay te Daniel ta yip te chojetic, xchi.

Daniel 9:16

Cajwal, hich te bin ut'il stojil spisil te bintic yac apas, loq'uesa awilimba soc te sc'ahc'al awo'tan ta stojol Jerusalén te pueblo awu'un, te ch'ul wits awu'une; como ta scaj jmulcotic soc schopolil te jme'jtatcotic te tse'laybil c'oht te Jerusalén soc te pueblo awu'un yu'un spisil mach'atic ayic ta joyobalcotic.

Joel 2:19

Te Jehová hich ya sjac'be sc'op te pueblo yu'une: Ya jticombeyex trigo, yach'il vino soc aceite, tic' ya xnoj ach'uhtic yu'un; mayuquix bin ora ya cac' te yac awich'ic labanel ta yohlil te nacionetique.

Deuteronomio 5:26

Como ¿mach'a a te ya ya'iybe sc'op te cuxul Dios te ya xc'opoj ta yohlil c'ahc', hich te bin ut'il la jca'iytiquix te ho'otic, te ya to xcuxaj xane?

1 Tesalonicenses 1:9

Ha'ic nix ya yalic bin ut'il la awic'otcotic ta atojolic, soc bin ut'il la awihquitayic hilel te loc'ombahetic yu'un yac awac' abahic ta a'batinel yu'un te Dios te cuxul soc te melel ay,

Josué 3:10

Soc hich la yal xan te Josué: Hich me yac ana'ic a te ay ta awohlilic te cuxul Dios soc te ya stenticlan loq'uel ta atojolic te cananeo, heteo, heveo, ferezeo, gergeseo, amorreo soc te jebuseohetic.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

1 Samuel 11:2

Te Nahas te amon-winic, hich la yalbe: Ya jchap jc'optic teme ya jloq'uesbeyex awa'el sitic ta apisilic, te hich ya xc'oht q'uexlal ta stojol spisil Israel, xchi.

1 Samuel 14:6

Hich te Jonatán la yalbe te jcuch-a'tejibal yu'un: La' me, sohlucotic bahel ta banti ay te jchahp soldado yu'un te mach'atic ma ba yich'ojic circuncisión; ay wan bin ya spasbotic te Jehová, como ma ba wocol ya ya'iy stuquel te ya yac' tsalaw, teme ay tsobolic o teme mayuc tsobolic, xchi.

1 Samuel 17:10

Soc hich la yal xan: Yo'tic la jtijbe hahchel yo'tanic te campamento yu'un Israel. A'bonic jtuhluc winic te ya jtsac jba soc, xchi.

1 Samuel 17:30

La yihquitay hilel te sbanquil, baht ta stojol yantic, ha nix hich la scha'joc'obe. Ha nix hich halbot te bin halbot ta nahil to.

1 Samuel 17:36

Aunque choj, aunque oso, pero te a'bat awu'un la smil. Te filisteo ini te ma ba yich'oj circuncisión pajal ya xc'oht soc, como stijbeyej yo'tan te soldadohetic yu'un te cuxul Dios.

1 Samuel 31:4

Ha yu'un te Saúl la yalbe te jcuch-a'tejibal yu'un: Loq'uesa te espada awu'un, lowahon a scuenta yu'un ma ha'uc ya xtal slowon ta espada te mach'atic ma ba yich'ojic circuncisión, te hich ya slabanonic a, xchi. Pero te jcuch-a'tejibal yu'un ma ba la sc'an, yu'un bayel xiw. Ha yu'un te Saúl la stsac te espada yu'un, la syahltes sba ta sni'il.