1 Samuel 17:24 - Bible in Tzeltal Bachajón

²⁴ Spisil te winiquetic yu'un Israel te ya yilic te winique, ya x'ahnic loq'uel ta stojol soc ya xiwic yu'un.

Bible in Tzeltal de Oxchuc y Tenejapa

²⁴ Jich te israeletic, te c'alal la yilic te winique, la xi'ic, soc jijts'ic loq'uel ta stojol ta ora.

1 Samuel 17:24 ပူးပေါင်းရင်းမြစ်များ

Isaías 30:17

Jmil ta tuhl ya x'ahnex bahel ta scuenta jtuhl nax te ya xiwteswan; ya x'ahnex bahel apisilic ta scuenta ho'tuhl te ya xiwteswanic, ha to c'alal hich ya xhilex te bin ut'il uhnen te' ta ba wits, hich te bin ut'il bandera ta ba tsehl.

Isaías 7:2

C'oht c'op ta stojol te sts'umbal David, hich halbot: Te Siria schapoj sc'op soc Efraín, xchi. Ha yu'un te ajwalil soc te pueblo yu'un hahchic ta nihquel hich te bin ut'il ya xyuc'ot ta ic' te te'etic ta ha'mal.

Levítico 26:36

Te mach'atic hilem awu'unic, ya cac' taluc xiwel ta yo'tanic tey ta sq'uinalic te scontrahique; nutsbil ya ya'iy yu'un teme ya ya'iybe sc'op ya'binal te' tembil ta ic', ya me xloq'uic ta ahnel hich te bin ut'il tembilic ta espada ya ya'iyic, soc ya xyahlic aunque mayuc mach'a nutsbilic yu'un.

Números 13:33

Soc la jquilcotic tey a c'ax nahtil muc'ul winiquetic, ha te snich'nab Anac. Hich la jca'iy jbahcotic bin ut'il c'ulub, soc ha nix hich la yilotcotic, xchihic.

Deuteronomio 32:30

¿Bin ut'il ya xhu' te jtuhl nax ya snuts bahel jmil ta tuhl, soc te cha'tuhl nax ya yac' ahnuc lajunmil, te manchuc chonotic yu'un te Muc'ul Ton, soc te ihquitayotic yu'un te Jehová?

1 Samuel 17:11

Te c'alal la ya'iy te Saúl soc spisil Israel te sc'op te filisteo, chebaj yo'tanic yu'un, tal xiwel la ya'iyic yu'un.

1 Samuel 17:23

Te c'alal yac ta c'op soc a, te jtsalaw-soldado te ya stehc'an sba ta yohlil te cheb campamentohetic, ha te Goliat te talem ta Gat, loc' tal ta yohlil te banti scholoj sbahic te filisteohetic, hich nix la yal te bin ut'il ya yalulan spisil ora; la ya'iy te David.

1 Samuel 17:25

Hich ya yalic ta jujutuhl te mach'atic yu'un Israel: ¿La bal awilic te winic te loc' talel? Ya xloc' tal stijbe hahchel yo'tan te Israel. Te mach'a ya xhu' yu'un stsalele, ya x'a'bot bayel sc'ulejal yu'un te ajwalil soc ya x'a'bot te yantsil-nich'an, soc ma ba ya yac' spatan te mach'atic ay yu'un te stat ta Israel, xchihic.