1 Samuel 17:12 - Bible in Tzeltal Bachajón

¹² Te David ha snich'an jtuhl efrateo-winic te talem ta Belén ta sq'uinal Judá, Isaí sbihil; ay waxactuhl snich'nab. Mamalix a ta yorahil Saúl.

Bible in Tzeltal de Oxchuc y Tenejapa

¹² Ay jtul winic ta Belén, Isaí sbiil, mero mamalix a te c'alal ay ta ajwalil te Saule. Te winique ay waxactul snich'nab, David sbiil te jtule.

1 Samuel 17:12 ပူးပေါင်းရင်းမြစ်များ

Génesis 35:19

Hich cham te Raquel, la yich' muquel ta sbehlal Efrata, ha te Belén.

2 Samuel 23:1

Hich ay te bin la yal ta slajibal te David: Hich la yal te David snich'an Isaí, te winic te tohytesbot sc'oblal, te mach'a tsahbil yu'un te Dios yu'un Jacob, te mach'a buen t'ujbil ya xc'ayojin ta Israel:

Salmos 132:6

Ta Efrata la jca'iytic, la jtahtic ta ha'maltic ta Jaar.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

San Mateo 1:6

te snich'an Isaí, ha te ajwalil David. Te snich'an te ajwalil David, Salomón te ha yal te yihnam Urías,

San Mateo 2:1

C'alal ayin Jesús ta Belén te ay ta sq'uinal Judea, ta yorahil te ay ta ajwalil a te Herodes, talic ta Jerusalén p'ijil winiquetic te talemic ta stojol banti ya xloc' tal c'ahc'al,

San Mateo 2:6

Ha'at, Belén, te ayat ta sq'uinal Judá, ma ba tut pueblohat yu'un te principaletic yu'un Judá; como tey ya xloc' tal ta atojol jtuhl jtsobaw te ya scuentahin te pueblo Israel cu'un, xchi.

Rut 1:2

Elimelec sbihil te winique, Noemí sbihil te yihnam; Mahlón soc Quelión sbihilic te snich'nab; ha efrateohetic talemic ta Belén ta sq'uinal Judá. C'ohtic ta sq'uinal Moab, tey nahinic a.

Rut 4:17

Te antsetic te ha spat-xuhc hich la yalic: ¡Ayinix squerem-al te Noemí! xchihic. La ya'beyic sbihil Obed. Ha stat te Isaí, te ha stat te David.

Rut 4:22

te snich'an Obed, ha Isaí; te snich'an Isaí, ha David.

1 Samuel 1:1

Ay jtuhl winic ta Ramataim, ha zuf-winic te ay ta witsiltic yu'un Efraín, Elcana sbihil, ha snich'an Jeroham snich'an Eliú, snich'an Tohu, snich'an Zuf, sts'umbal Efraín.

1 Samuel 16:1

Te Jehová hich la yalbe te Samuel: ¿Jayeb xan c'ahc'al te yac awoq'uetay te Saúl, te bin ut'il ho'on la jch'aybeyix ya'tel ta ajwalil ta Israel? Bahan nojesa ta aceite te xulubil awu'un, ya jticonat bahel ta stojol Isaí ta Belén, yu'un la jtsahbeyix jtuhl snich'an te ya x'och ta ajwalil, xchi.

1 Samuel 16:18

Ha yu'un ay jtuhl ya'bat te hich la yal: Ay quiloj jtuhl snich'an Isaí ta Belén te ya sna' stijel te arpa, ay yip yo'tan soc ya sna' yaq'uel guerra, lec ya xc'opoj, t'ujbil soc joquimbil yu'un Jehová, xchi.

1 Samuel 17:11

Te c'alal la ya'iy te Saúl soc spisil Israel te sc'op te filisteo, chebaj yo'tanic yu'un, tal xiwel la ya'iyic yu'un.

1 Samuel 17:58

La sjoc'oy te Saúl: Querem, ¿bin sbihil atat? xchi. La sjac' te David: Ha jtat te Isaí ta Belén, te a'bat awu'un, xchi.