1 Samuel 16:7 - Bible in Tzeltal Bachajón

⁷ Pero halbot yu'un Jehová te Samuel: Ma me ha'uc xawil te bin yilel o te bin yilel snahtil, como ch'aybil cu'un. Como te Jehová ma ha'uc ya yil te bin ya yil te ants-winic, como te ants-winic ha ya yil te bin chican ta sit, yan te Jehová ha ya yil te bin yilel te o'tanile, xchi.

Bible in Tzeltal de Oxchuc y Tenejapa

⁷ Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.

1 Samuel 16:7 ပူးပေါင်းရင်းမြစ်များ

Génesis 4:5

Yan te Caín ma lecuc yo'tan Dios yu'un soc te mahtanil la yac'. Hich te Caín bayel ilin, yanij sit yelaw yu'un.

2 Samuel 14:25

Ta spisil Israel mayuc yan winic te hich mulambil yu'un st'ujbilal te bin ut'il te Absalón. Ta yoc c'alal ta sjol, mayuc falta yu'un.

2 Samuel 7:20

¿Bin xan c'an yalbat David ta atojol? Ha'at ana'beyej sba te a'bat awu'un, Cajwal Jehová.

1 Reyes 8:39

a'iybeya sc'opic c'alal ta ch'ulchan, te banti nahinemat, pasbeya perdón, pasa te bin ya sc'an pasel. A'beya ta tuhlultuhl ha chican bin yilel te bin spasojic, como ha'at ana'beyej yo'tan (como ha'at nax atuquel ana'beyej yo'tan spisil ants-winiquetic),

1 Crónicas 17:18

¿Bin xan yan ya xhu' ya yal David yu'un te ich'el ta muc' la awa'be te a'bat awu'une? Ha'at yac ana'be sba te a'bat awu'une.

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

2 Crónicas 16:9

Como te sit Jehová ya yil spisil te q'uinal, yu'un ya ya'be yip te mach'atic jun yo'tanic ta stojol. Sjel ta shoquem ajol te bin la apasix; ha yu'un yo'tic soc li' bahel ay me guerra ta atojol, xchi.

2 Crónicas 6:30

a'iybeya sc'opic c'alal ta ch'ulchan, te banti nahinemat; pasbeya perdón, pasa te bin ya sc'an pasel, a'beya ta tuhlultuhl ha chican te bin yilel te bin spasojic, como ha'at ana'beyej yo'tan, como ha'at nax atuquel ana'beyej yo'tan spisil ants-winiquetic,

Job 10:4

¿Hich bal asit te bin ut'il ch'ich'-baq'uet? ¿Hich bal yac awil te bin ut'il ya yil te winique?

Job 35:5

Ila mohel te ch'ulchane, na'a me te ha toyol xan awu'un te tocale.

Salmos 139:2

Ha'at ana'oj c'alal ya juhcan jba soc c'alal ya xhahchon; ana'oj ta namal te bintic jnopoj ta co'tan.

Salmos 7:9

Lajimbeya schopolil te mach'atic chopol yo'tanic, pero a'beya yich' yip te mach'a toj yo'tan, como toj yo'tan stuquel te Diose, ya stsahtay pensaril soc o'tanil.

Proverbios 15:11

Te yawil mach'atic chamenic soc te yawil jinel jamal chicanic ta stojol Jehová, ¿ha'uc to balix a te yo'tanic te ants-winiquetique?

Proverbios 16:2

Spisil te behetic yu'un te ants-winiquetic lec c'ohem ta yo'tanic, pero te Jehová ya stsahtay te bin yu'un te hich ya spase.

Proverbios 24:12

Teme yac awal: Ma ba la jna'cotic, teme xchihate, ¿yu'un bal ma ba ya sna' te mach'a ya yil o'tanil? Te mach'a ya scanantaybat acuxlejal ya me sna', ya me ya'be stoj jujutuhl ha chican bin yilel te ya'tele.

Proverbios 31:30

Ya xlo'loywan te bin mulantic sba yilel, soc c'axel nax te st'ujbilal, pero te ants te ya xi' te Jehová, ha me lec sc'oblal stuquel.

Jeremías 11:20

Pero, ha'at Jehová te acuentahinej spisil, te stojil yac achahpan, te yac atsahtaybe yo'tan soc te bin snopoj, a'bon quil te yac awac'ticlambe spacol, como cac'oj ta atojol te bin ut'il ayone.

Jeremías 17:10

Ho'on Jehovahon ya jtsahtay te o'tanil, soc ya jtsahtay te bin snopoj, yu'un ya ca'be stoj ta tuhlutuhl ha chican bin ya spasic, ha chican bin yilel sit te ya'tele, xchi te Jehová.

Jeremías 20:12

Ha'at, Jehová te acuentahinej spisil, te yac atsahtaybe yo'tan te mach'atic toj yo'tanic, te yac ana'be yo'tan soc te bin snopoje, a'bon quil te spacol yac awac'ticlambe, como cac'oj ta acuenta te bin ut'il ayone.

San Lucas 16:15

Ha yu'un hich halbotic yu'un te Jesús: Yac awal abahic ta stojol ants-winiquetic te mayuc amulic te ha'exe, pero Dios ya sna'beyex awo'tanic stuquel; como te bin bayel sc'oblal yu'un winiquetic, ihlaybil yu'un te Diose.

San Juan 7:24

Ma me xawilbe ya'tel yan ta scuenta nax bin yilel stalel, tojuc me xawa'iyic chahpanwanej, xchi.

San Juan 8:15

Ha'ex yac awilbeyic ya'tel yantic ta scuenta ch'ich'-baq'uet; yan te ho'one mayuc mach'a ya quilbe ya'tel.

Hechos 1:24

Hich la yalic ta sc'oponel Dios: Ha'at, Cajwal, te yac ana'be yo'tan spisilic, ac'a ta na'el mach'a tsahbil awu'un ta schebalic,

2 Corintios 10:10

Melel ay mach'atic ya yalic te tulan te cartahetic soc ay yipic, pero te c'alal li' ay, mayuc yip soc mayuc ta cuenta te bin ya yale.

2 Corintios 10:7

Te ha'axe ha nax yac awilic te bin chican ta ilel ta asitic. Teme ay mach'a ya yal sba te ha yu'un Cristo, ac'a me sna' te ha nix hich te ho'otcotic yu'unotcotic te Cristo.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

1 Pedro 2:4

Nopojanic ta stojol Cristo, ha te cuxul ton, te p'ajbil yu'un ants-winiquetic pero tsahbil yu'un Dios soc ha bayel sc'oblal ta yo'tan.

1 Pedro 3:4

ha'uc me ach'ahlelic te bin ay ta awo'tanic, te sch'ahlel te ma xlaj sc'oblal, ha te yutsil awo'tanic soc lamal awo'tanic, te ha lec yo'tan yu'un te Diose.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

1 Samuel 2:3

Ma me xc'opojex soc atoybahilic, ma me xloc' toyba-c'op ta awe'ic, como te Jehová ha te Dios te ya sna' spisil, soc ay ta scuenta stsahtayel te bintic ya yich' pasele.

1 Samuel 9:2

Ay jtuhl snich'an, Saúl sbihil, buen t'ujbil jcolel winic. Ta yohlil te snich'nab Israel mayuc mach'a c'ax hich st'ujbilal a; ha toyol mohel snehquel c'ax hich snahtil a te bin ut'il yantic.